ان كان ماجازت لك الدنيا ندورلك غيرها "

بارت 5

نيّاف بضحكة استهزاء : بكيفه اذا يبي يجي حياه الله
سيف : امك بترضى طيب
نيّاف لف تنهد : امي اكثر انسانه ندمانه انها تزوجت ابوي وجابتنا اخذها كاش
سيف ضحك بتعب : صدقني الديره كلها خربانه باللي فيها ماقد شفت عايله من عوايلنا صاحيه !
نيّاف ابتسم بقناعه من كلامه لانه فعلًا اهاليهم وديرتهم غريبين وتأكدوا يوم توظفوا وطلعوا وشافوا العالم فرق !..

الساعه ١١ الليل بالديره الكل بداء يستعد للنوم بعد ما شيك على الحاره طلع بسرعه مشي على رجله رايح للبيت المهجور اللي باخر الحاره اللي بعد حارتهم وصل لهم وهو هلكان من التعب ..
رفع عيونه على اللي يعطيه ماء ويضحك باستهزاء : يا ماشاءالله يا ابو بدر قطعت هالمسافه كلها عشان فلوس
ابو بدر بهدوء وباستهزاء ضحك : ومن قال جيت عشان فلوسكم
رفع عينه : اجل ليش جاي
ابو بدر : اعيد كلامي اللي عدته عليكم من سنين وبرجع اعيده !! مابي فلوسكم وروحوا للسعه بعيد عني
ضحك وشتت نظره : ياحليلك بعد مصايبك انت وابو خالد طفشت وقلت خلاص مابي شي وطيب لو ماتتعدل ونفضحك وش بيصير
ابو بدر باستفزاز : مصلحتنا وحده يالسلوقي!
قال بضحكة من كلمته الاخيره : مصلحتنا وحده لكن سمعتك بديرتك وقدام ربعك والاهم عيالك وش بتصير فيها لو دروا؟
ابو بدر : مب صاير شي دامك ما فتحت فمك وفضحتنا
ضحك : نشوف
ابو بدر بتجاهل : مديرك وينه
بصوت غريب رد : مديري على قولك سحب علينا يقالك ضميره مأنبه بعد ما خربها
ابو بدر حس بالغدر وحس ان اللي قدامه بيلعب عليه وعلى ابو خالد اللي من سنين ماشافه! سكت وهو حاس انه تعب ولازم يفكر بأي شي ينقذه من هالوضع راضي بالكذبه اللي دامت سنين لكن ينفضح هذا اللي ماحسب حساب لكن مقيوله كله بسبب الفقر اللي مخليه يوصل للمرحله هذي ! تمنى انه سكت ورضى بفقره لين يتعدل وضعه مثل غيره بس لعله تمرد ووافق ونسى ان الله يمهل ولا يهمل حتى لو انه انظلم وماكان يدري! ..

#إن_كان_ماجازت_لك_الدنيا_ندور_غيرها