لماذا انا 💔

30

بديت نفيق مالبنج راسي ثقيل و معلقينلي برشا سيرومات ، ناديت على الطبيب باش نسألو على مرتي ياخي دخلي ايمن وجهو شاحب ،
انس:ايمن ويني سوار نحب نشوفها نطمن عليها هيا و الصغير
ايمن:انس ملازمكش تقوم اما بش نحكي معاك ملخر كي جبناك وحدك في الكرهبة سوار مفماش ريحتها
انس: مستحيل كي تقلبت بينا انا حميتها و الضرب جاء فيا كانت كرهبة تجري ورانا و ضربتنا برصاصة
ايمن:ضاهر لي ضربكم يعرفكم و هز سوار
انس:ر*** متأكد لي ميرال وراء لحكاية متأكد
ايمن:انت ارتاح و انا نمشي لدارها نجيب لاخبار
انس:نجي معاك
ايمن:لباس تحب تشلق لي احنا كشفناها و زيد شوف حالتك خارج من عملية ، تو فيسع نجي متخافش
خرج و خلاني ناري شاعلة موتك على يديا يا ميرال كان احساسي حقيقة يطلع ...

هزيت لكرهبة ديراكت مشيت لدارها دقيت شوي وقت حلتلي كي راتني تربثت و وجها مشا الوان دزيت لباب و دخلت و هيا جات تجري ورايا دزتني باش نخرج و انا عملت روحي طحت على الطاولة هزيت تاليفونها مغير متشعر عليا
ميرال:شمجيبك اه اخرج عليا علاه جيت معندي شي اخرج
ايمن:شبيك تحكي هكا كاينك عاملة عملة
ميرال:اخرج و مترجعليش اخرج
ايمن:اسكت مكثر حسك هاني مخليهالك هكا تفرح بضيافك
خرجت و باين عليها تعرف حاجة على سوار هبطت للكرهبة و حليت تاليفونها بديت نبربش و نلوج ملقيت شي ٱخر حاجة دخلتلها لميساجات لقيتها ٱخر محادثة معا رستم " نكمل ندوش و نجيك نتلها بقطوستي في ***  بلاصت لعادة برشا خدمة تستنا فيا 😈" عينيا تحلو صحافي هزيت لكرهبة و جريت كلمت مكرم و انس خبرتهم بلي لقيتو لكل لازم نلحقو سوار قبل ما يفوت لفوت ...

منيش مصدقة عينيا يمشي و يقربلي و انا نزحف لتالي حتى وصل شدني من رقبتي خنقني حطلي pc في حجري و قالي" اتفرج هذا كادو صغير على موت ولدي في جرتك"
حلي لفيديو انا عينيا محلولين و نتفرج و موش مستوعبة لي نرا فيه منحبش نستوعب ، امي و بابا مذبوحين و صورهملي ذبحلي عايلتي 💔 قلبي حسيتو بش يحبس بكشت منجمت نخرج حتى كلما لمشهد بقا معلق بين عينيا هوا شلدي كتفي و ظربني بكف و انا طحت نستفرغ نجمتش نتحمل وليت نصيح قمت نجري هزيت لي لقيتو قدامي نضرب فيه حتى عطاني كف معاد نحس في شي في جرتو كتفني و ضلام حاوطني من كل بلاصة و مشهد عايلتي مزلت نخزرلو 💔🔥....

هزيت الرجال و خلطت على ايمن و مكرم لازم نحط حد لكل شي .. جاء وقت لمواجهة يا نموت انا يا يموت رستم ... شدينا الثنيا للغابة لي فيها دار رستم الي حاجز فيها سوار لازم نلحقها في اقرب وقت كي قريب نوصل لمحت ايمن يشاورلي بيدو باش نجيه هبطت و مشيتلو نجري
ايمن:ميرال توا مزالت كي دخلت عندو، حراس متاعو برشا قدام دار تو نتلهاو بيها انا و مكرم ، فما بلاصة سرية ينجم واحد كهو يدخل منها عندي راجل منهم تو يدخلك حاطو جاسوس و انا تو نتفاضة بالإلي لبرا و ندخلك هز سلاح و امشي على ايمين ديما لقدام تو تلقا راجل اصلع بش يدخلك
انس:عمري مننسهالك ايمن
مشيت نزرب وصلت و دخلني من باب صغير دخلت و نعتني على القبو لي هوما فيه قدمت و خزرت مالباب بشويا لقيت ميرال تخنق فيها و تضرب في كرشها منجمتش نشد روحي عطيتها ضربة وحدة في راسها برصاصة كانت كافيا انها تقتلها ، محبيتش توصل بيا نقتلها منجم نعمل شي توا خلاف الضرب دزيت لباب و دخلت دارلي رستم و ضحك
رستم:ههههه خصارة وحدك اما ميسالش هكاك تخلط على مرتك و متخليهاش تمتوت وحدها
انس:هههه قداكش تحلم انت هالك يا رستم ليوم يا انا يا انت
كملت كلامي و هجمت عليه قعدنا نتصارعو نضرب فيه اما هوا كان اقوى مني بسبب الضربة لي على راسي غلبني و قعد يضرب فيا حتى تهديت و طحت منجمتش ناقف حاس دم خارج من راسي من العملية تلفتت لسوار نلقاها تخزرلي و تبكي تترجا فيا باش نقوم و نخرجها اما قوتي خانتني تلفتت لقيت رستم هز سكين و وقف يقدم لسوار
رستم:ودعها كيما قتلك ، اما شوي وقت و تو تخلط عليها تتحرقو في جهنم
انس:يا ط**** كون راجل مرة في حياتك و سيبها حسابك معايا موش معاها
رستم:حسابي معكم زوز انت قتلت ولدي على خاطر وحدة ق**** لزوز باش تدفعو لفاتورة بموتكم ههههه خصارة حبيت نبدل جو معاها اما موتها باش يفرهدني بان نقتلها كيما اميرة تفكرتها سوار اميرة؟ تفكرت كيفاه غرست السكينة في كرشها والا نفكرك ، هزيت عيني لقيتها تبكي و تصيح و تحب تحل ايديها و تترما عليه تقتلو ياخي في لحضة حبست وقت هز سكينة و قربلها ولات تفرفط و تصيح و انا نعيط باعلى جهدي
انس:رسسسسستتتتتتتتمم لااااااااااااا ....
مستوعبتش لي ريتو ... سكينة غرسها و دم في كل بلاصة ... حتى ولات بركا متاع دم ...💔💔 قمت نجري و حاربت وجيعت راسي و ضربت رستم بالرصاصة لولة و الثانيا و الثالثة و الرابعة مخليتوش حتى يخرج روحو في عقلو و جريت للبلاصة لي مربوطة فيها سوار ....💔 و خليتو جثة هامدة الا منرميه للكلاب اما توا لازم ننقذ حياة انسان بين ايديا ...💔💔

نلقا تفاعل نكمل مزالو 2 حلقات على النهاية ...