لماذا انا 💔

20

مزالت كيما عرفتها ، متبدلتش اما حسيتها عملت الكرش و سمنت شوي جاو لفراملة دخلو ميرال هزوها من بين يديا و بعثت اسماعيل معاها ، وجيت شنقربلها ياخي رجعت لتالي حتى حصرتها مع الحيط و عيني مفارقتش عينيها ، تخزرلي بلوم و قهر و وحش زادة هذا لكل قريتو من نضرتها حتى بعدتني لعزوزة لي معاها و هي تصيح
زينة:اااااو يا شسمك لاباس لبلاد على ڨرنك هيا هكا بنت الناس متحشمش تحب تبوسهاااا
انس:شكونك انت و منين تعرف سوار
زينة:انت منين عرفت اسمها ، سوار شكون السيد هذا؟
انس:وانت شيهمك
سوار:خالتي ، هذا انس 😖😖
بقيت كي الطرطور بيناتهم ماني فاهم شي
زينة:انت مكبوب السعد جرتك الطفلة حب....
فيسع سوار شدتلها فمها وقت كانت باش تقلي حاجة تخص سوار ، نموت و نعرفها و مستحيل كان مزلت نخليها والا نسيبها بعد مرجعتلي
انس:تحرك قدامي للكرهبة
سوار:مستحيل كان نمشي معاك مستحيل مكفاكش لي عملتو
انس:منيش نشاور في ز*** قدامي للكرهبة ايمن يلوج عليك كان مفيبالك و موش ناوي يسيبك سي لعاشق لولهان
زينة:وين على خير بابا اه طفلة تبات كان عندي و في داري اقلب منضرك وجه التبسي
انس:شنوا عزوزة الستوت برا روح مدخلكش باش نهز سوار و لي عجبو و إلا هوكا لحيوت بزايد كسرو ريوسكم
حملتها و هيا تضرب و تنادي على العزوزة ركبتها و مشيت بيها و خليت كان لعجاج ورايا و اكا لمرا زادة تعيط، كلمت اسماعيل باش كي تفيق ميرال يعلمني و يروح بيها و كملت طريقي للدار  ....

منيش مصدقة باش نرجع للحبس لي كنت فيه باش يحصرني عندو يا ربي علاه يصير فيا هكا علاه انا علااااااه😩😭😭😭😭😭زيد حالتي هكا حبلة تو نتعب 😫 تعدات ساعة و احنا نمشو بالكرهبة حتى وصلنا لدارو ، هبط هوا و انا محبيتش ياخي جاني حملني و دخلني و انا نتشلو في شعرو و نصيح عليه اعصابي معادش فيها ، تعبت و يدي ترخات حسيتو تفجع ياخي عملت روحي باش ندوخ ، هههه قداشني تعلمت نمثل ،
انس:سوار شبيك حل عينيك سوارررررررر
سوار:ممممممم ان.س 😩
انس:يا روح انس تفجعنيش عليك تخلينيش نعاود نعاني من فراقك فيق سواااار فييييققق ..
قعدت مغمضة عينيا و انا نسمع فيه ينادي عليا في لحظة قلبي حن عليه اما لا يكذب في غيابي يتشخلع مع ميرال و يغرم في زمانو حتى درا شعمللها  مسكينة باش وصلها للكلينيك ، كملت تمثيلتي ياخي سمعتو يحكي
انس:سوار سامحني محبيتش نضرك مصدق لربي لقيتك قوم عيش حبي ، راني باش نموت من فراقك خسرت امي منحبش نخسرك متخلينيش و تمشي راني ... راني نحبك ... لا تي نعشقك اصل فيق سوار نوعدك مترا مني كان لباهي تبت راني
حسيت قلبي باش ياقف ، منصدقش وذني ، حاسة روحي في حلمة ، برسمي لعبد لي قلبي دقلو يحبني و إلا يكذب عليا ، دقات قلبي تسارعت و حليت عنيا نلقا عينيه مدمعين ، مستحيل كان يطلع يكذب كان وصل راجل يبكي راو مشاعرو حقيقية ....
سوار:انس😫
انس:يا روح انس شيوجع فيك طمني عليك شبيك
سوار:نحب نمشي تعبت راني يا انس تعبت
انس:سوار اعطيني فرصة و نعوضك على كل شي ، اول مرة باش نعملها و اول مرة باش نقولها راني نحبك سوار ، نحبك حس بيا و بقلبي حط يدك شوف قداه يدق ، نستعرفلك غلطت معاك و مستعد نعملك لي تحب غير ابقى جنبي
سوار:نسامحك على شرط
انس:اشرط اش تحب
سوار:تقتل رستم
انس:انا زادة نتمنى موتو اما لازم نطيحو موش ساهل خاطرو و زيد خطييير تو مع بعضنا ننتقمو و خوذ حق اختك مزلت عند كلمتي
سوار:باهي
هزيت روحي و قمت حتى حسيت معدتي وجعتني جريت لطولات نستفرغ
انس:شبيك مريضة فاش كنت تعمل عند طبيب ؟ تحب دواء
سوار:شي متقلقة في كرشي
انس:وين لهنا؟
هوا حط يدو على كرشي و ياخي فما حاجة في داخلي غريبة شعور محلاه حط يدو على ولدو ... ولدو حس بيه ... احساس خلاني نضحك و نشلّق بروحي 🤦🏻‍♀️...

حطيت يدي على كرشها في لحة ضربني ضو اما احساس بنين حاس فما حاجة لداخل حاجة غريبة اول مرة تصير معايا حاجة حاسها ملكي انا كهو خزرت في عينيها لقيتها مستحليا لمستي و تضحك ... لا انا بش نهبل درج لتالي كانت تصيح تحب تخرج و توا تضحك شفما ياخي حاس روحي بهلول قدامها ... شنوا لاحساس لي حسيتو؟ و علاه تضحك و مستحليا لمستي ؟ شبيها كرشها ؟ و شنوا السر لي مخبيتو عليا ؟.....