လူတန်းရှည်ကြီးသည် နှေးကွေးသောနှုန်းဖြင့်သာ ရွေ့လျားနေ၏။ တချို့သောအငြိမ်းစားယူပြီးသူများသည် သူတို့ဝယ်ယူရမည့်ဆေးညွှန်းများကို မေ့နေကြပြီး တခြားသူများမှာ သူတို့ဆေးဆိုင်သို့ မည်သည့်ဆေးဝယ်ယူရန် ရောက်လာကြသည်ကိုပင် အတိအကျမပြောနိုင်ကြပေ။ နောက်ဆုံး ဂျူလီယန်၏ အလှည့်ရောက်လာသောအခါ သူသည် ငွေရှင်းကောင်တာဆီသို့ လျှောက်သွားလိုက်ကာ ကောင်တာသို့ မှီကာရပ်လိုက်၏။
သူ၏မေးစေ့ကို လက်ဖြင့်ထောက်လိုက်ပြီး -
"အိုမီဂါတွေအတွက်ထိန်းချုပ်ဆေး၅ဘူးနဲ့ ကျန်းမာရေးအတွက်အကျိုးပြုတဲ့ဒီဗီတာမင်တွေပါ အစုံလိုက်တစ်စုံ ထည့်ပေးပါ"လူငယ်ဆေးဝါးပညာရှင်လေးသည် သူမှာယူထားသမျှကို အလျင်အမြန်ပင် ထုပ်ပိုးပေးလိုက်ပြီး ကတ်ဖြင့် ငွေရှင်းခြင်းကိုပါ အပြီးသတ်ဆောင်ရွက်ပေးလိုက်သည်။
ဆေးဆိုင်တွင် ယွမ်သုံးရာကျော် ကုန်ကျသွား၏။ ဂျူလီယန်သည် ဆေးထုပ်ကို ကြိုးမှကိုင်ကာ လက်တွင် ရစ်ပတ်ထားလိုက်ပြီး ထိုလက်တစ်ဖက်ကို အင်္ကျီအိတ်ကပ်ထဲ ထည့်ထားလိုက်သည်။
[System: မင်းဆရာဝန်ပြောတာကိုနားမထောင်ဘူးလား? ငါအတွက်တော့ ၅ဘူးကတော်တော်ကိုများတယ်နော်]
ဂျူလီယန်သည် မျက်လုံးများကို နောက်တစ်ကြိမ် လှည့်ပတ်ပြလိုက်ပြီး ပြန်ပြောလိုက်သည်။
"ဒါကမင်းအတွက်လေ..တကယ့်ဘဝမှာ ကြုံလာနိုင်တဲ့ တိုက်ပွဲတွေအတွက် လုံးဝအသင့်ပြင်ထားပြီးသား ဖြစ်နေဖို့က မဖြစ်နိုင်တာပဲလေ..အဲ့ဒါကြောင့် ငါကတော့ ငါ့ဆေးလေးတွေကို အနီးကပ်ဆောင်ထားပြီး ဆက်ရှင်သန်ရမှာပဲ"ဆေးဆိုင်မှထွက်လာသောအချိန်တွင် အပြင်ဘက်၌ လုံးဝမှောင်မိုက်နေပြီ ဖြစ်သော်လည်း လမ်းမများပေါ်တွင်တော့ စိတ်လှုပ်ရှားဖွယ်ရာများနှင့် ပြည့်နှက်နေ၏။ ကားများသည်လည်း အမှိုက်ပုံးများထဲမှ ကြွက်များကဲ့သို့ပင် များပြားကြပ်သိပ်နေသည်။
ကားများအလွန်ကြပ်နေသည့်အတွက်ကြောင့် ဂျူလီယန်သည် တက္ကစီတစ်စီးကို လှမ်းတားနိုင်မည့်အချိန်ကိုပင် ရပ်စောင့်နေရသည်။ ထိုအခိုက်တွင် သူသည် ကျောင်းလွယ်အိတ်ကို ကျောတွင်လွယ်ထားသော အလွန်ချစ်စရာကောင်းသည့် ကောင်ငယ်လေးတစ်ယောက်ကို မသိမသာလိုက်ကြည့်နေမိသည်။ ထိုကောင်လေးသည် လူအုပ်ကြီးကြားတွင် မရည်ရွယ်ဘဲ ညပ်နေပြီး လူတိုးခံရသောကြောင့် လူသွားစင်္ကြန်၏ အပြင်ဘက်အစွန်းနားသို့ ရောက်သွားလေသည်။
YOU ARE READING
ABOစာအုပ်ထဲကူးပြောင်းပြီး ဗီလိန်အိုမီဂါလေးဖြစ်လာ [ Rebirth; System ] Volume I
RomanceTitle - Rebirth to become a dominant omega သွေးသန့်အိုမီဂါလေး ဂျူလီယမ် Author - latteechrie With Original Author permission Start Date - 5.3.2022 End date - #crd_original_author Notice: I'm amateurish translator. If I did mistakes in translation...
အခန်း ၂၀ အကြောက်တရား
Start from the beginning