THE LYING GAME (on-going)

CHAPTER THREE | New Investigator

"This is Zoe Charlize de Leon. She is our new investigator and she will help us to solve cold cases. I need you to cooperate with one another so we will have a harmonious relationship in our department." Seryosong sabi ni Chief Sierra.

Wala akong narinig na sagot sa mga tao doon na halos puro mga lalaki. Nakatingin lang ang mga ito sa akin na parang gini-gauge ako tapos ay nagsitango lang at ipinagpatuloy na ang mga trabaho. Alanganin akong tumingin kay Chief Sierra at ngumiti siya sa akin.

"Ganyan talaga dito. Busy ang mga tao. Halika, sumunod ka sa akin." Muli ay nagpauna siyang lumakad hanggang sa makarating kami sa isang maliit na bakanteng cubicle. "Ito ang puwesto mo."

Tumango ako sa kanya. "Okay, Chief Sierra. Salamat po sa pag-welcome."

"If you need anything, just knock in my office." Sabi pa niya.

"Sure po. Thank you uli."

Sinundan ko lang ng tingin si Chief Sierra na ngayon ay lumakad na patungo sa opisina niya. May mga sinisenyasan pa siyang tao para sumunod sa kanya sa opisina at halatang balik-trabaho na.

Napahinga na lang ako ng malalim at inilapag sa mesa ang backpack ko. Inilapag ko doon ang mga folders na dala ko. Mga files iyon ng mga cold cases na galing pa sa dati kong departamento.

"Hi."

Napaangat ako ng ulo para tingnan kung sino ang nagsalita. Lalaki iyon at nakangiti sa akin tapos ay nakatayo sa entrance ng cubicle ko.

"You're the newbie?" Paniniguro pa niya.

"Newbie here but I am not a newbie in my game."

Inunahan ko na ang isang ito. Baka akala nila dahil bago ako dito ay magagawa na nila akong i-bully o gawing utusan. I knew how to handle people like them. I worked in a department full of men before so I already knew how to deal with them.

"Taray naman." Natatawang sabi ng lalaki. "I am Tobias Salazar. You can call me Tobie." Inilahad pa niya ang kamay at para hindi naman siya mapahiya ay nakipagkamay na lang din ako.

"Hello, Tobie." Pinilit ko na lang ngumiti sa kanya at itinuon ko ang pansin sa mga gamit ko. Gusto kong maramdaman niyang wala akong interes na maistorbo dito.

"Alam mo ba kung sino ang dating nandito sa cubicle mo? The legendary Gabriel Silva. Magaling iyon na investigator." Tonong nagyayabang pa na sabi niya.

Tumaas lang ang kilay ko at tinapunan siya ng tingin tapos ay kaharap kong mga folders. Nagbuklat ako ng ilan doon.

"Masipag iyon saka sobrang straight. Hindi pa corrupt."

Inis kong isinara ang kaharap kong folder at asar na tumingin sa kanya.

"Are you trying to imply something?" Kapag nagkamali ng sagot ang isang ito talaga papatikimin ko ng suntok.

Alam ng lahat na corrupt ang estranged father ko. It was an open-secret to every department but they never proved it.

Nagtaas ng kamay ang lalaking Tobie ang pangalan at umiling.

"Wala naman akong ibig sabihin. Sinasabi ko lang kung sino ang dating nandiyan baka kasi marinig mo sa ibang mga tao dito para familiar ka na. Mabait kasi 'yon si Gabriel."

"At wala akong pakialam. Wala na siya at ako na ang nandito sa cubicle kaya wala na akong interes na marinig pa ang kahit na ano tungkol sa kanya. Nandito ako para magtrabaho hindi para maki-chismis sa kung sino ang dating nakaupo dito." Mataray kong sagot.