اختطاف

Ch31

بعد مرور شهر

مر شهر منذ دخولهم السجن وسُمح لهم بالزيارة.
بعدما تم تفتيش المساجين وتفتيش الزوار دخلوا الي غرفه واسعة وتم توزيعهم وكل فرد يصحبه احد الضباط

تقدم سوهو وبيده اصفاد محكمة  لم يعرف من أتى لزيارته، وقفت بانتظاره بأبتسامة شامتة تو ان رآها سوهو امتعضت ملامحه ورفض مقابلتها واستدار للرحيل.

جوين : سوهو رايح فين؟ انت نستنى ولا ايه

قلد سوهو طريقتها في قرف

سوهو : عايزة ايه؟ ايه اللي جابك

جوين : تؤتؤ عيب عليك بقى دي طريقة تستضيف بيها مرات صاحبك المستقبلية

نظر لها سوهو بقرف فاهي ما تنقصه الان، تركهم الضابط ليبتعد قليلا عنهم واشارت له جوين بالجلوس حتى يتحدثا

سوهو :ايه اللي جابك يا جوين، لو جاية تشمتي وتقولي شوية كلام مستفز من كلامك فأنا مش طايق نفسي ولا طايقك انتي شخصياً

جوين : انا كلامي مستفز يا سوهو حرام عليك ده لوهان بيقول اني كلامي قمر زي.

تاو  :حقه القرد في عين امه غزال

جاء صوت من خلفهم  فقد كان يسترق السمع نظرت جوين خلفها لتجد انه تاو قد جاء لزيارة لاي هو وكريس، فلم يسمح لهم بزيارة الفرقة كلها

جوين : بتقول حاجة؟

سألت بحدة فمثل تاو انه لا يسمعها، فقامت بشتمه بسرها ثم أعادت النظر لسوهو الذي كان يخفى ملامح الشماته على وجهه

سوهو :  مفهمتش برده جاية ليه؟

جوين : صراحة لوهان كان هو اللي هيجي بس انا قولتله بلاش انت عارف برده اخاف على غزالتي الصغيرة يدخل أماكن مقرفة زي دي.

سوهو :والله، غزالتك الصغيرة مينفعش يجي هنا بس حربابته الكبيرة تيجي هنا عادي.

اردف مقلداً طريقتها المستفزة، لم ترد عليه ولكن قامت برفع اصبعها الأوسط انصدم الاخير حتى ان بعض الزوار ومن يجلسون حولهم نظروا في تعجب.

قام تاو من مكانه يريد أن يضربها من الخلف بعد ما رأى حركتها تلك ولكن كريس امسكه بسرعة حتى لا يتسبب في مشاكل.

تاو : سبني عليها والله لأربيها.

كريس : يا بني اتنيل اقعد خلينا نركز مع الغيبوبة اللي قدامنا ده