My Bad Brother(Completed)

Part-6

'တီးတောင်'

*Shwe Yee - Hi အစ်ကိုလရိပ်များလား*

"ဟင် ဘယ် ဘယ်လိုလုပ်ငါ့ကိုတန်းသိနေတာလဲ။မဟုတ်မှ ငါ့ရဲ့ငယ်ပုံကသိသာနေလား။လုပ်ပါ ဖျက်စမ်းပါ ဖျက်စမ်းပါ"

သူdelete ဆိုသည့်စာတန်းကိုသုံးလေးခါလောက် ဖိနှိပ်ပြီးမှထိုပုံလေးပျက်သွားတာကြောင့်သက်ပြင်းချလိုက်မိသည်။

"ဟူး....တော်ပါသေးရဲ့"

ပြီးနောက်သူရွှေရည်အား reply ပြန်လိုက်သည်။

*ဟုတ်တယ် ရွှေရည်ရဲ့။အခုတစ်လောရွှေရည့်ကိုအချိန်မပေးနိုင်တာအားနာတယ်နော်*

*ရပါတယ်။ဒါဆိုမနက် ရွှေရည်စောင့်နေကြနေရာလေးမှာစောင့်နေရမလား*

*အင်း..*

*ရွှေရည်အခုမအားလို့ လိုင်းဆင်းပြီနော်*

သူလဲ goodnight ဆိုတဲ့စာလေးကိုပို့ပြီးနောက်...

"အေးလေ ငါတောင်ဒီနေ့မှလိုင်းသုံးဖြစ်တာကို"

လိုင်းသုံးပါမယ်ဆိုမှ ရွှေရည်ကမရှိတာကြောင့်။လက်ကအလိုလို ဟိုအရိုင်းစိုင်းကောင်ရဲ့အကောင့်ကိုဝင်ကြည့်မိသွားသည်။သူ့အ‌ကောင့်နာမည်ကတော့ရှင်းခန့်တည်ဖြစ်ပြီး wall ထဲတွင်တော့သူ့ပုံ တစ်ပုံမှတင်ထားတာမတွေ့ပဲ ကိုယ်တိုင်ရိုက်ရှုခင်းအပိုင်းအစတစ်ချို့ကိုသာတွေ့ရသည်။‌postကသိပ်များများစားစားမရှိတာကြောင့်အဆုံးထိဆွဲချလိုက်ရာ ရှင်းခန့်ငယ်ငယ်ကပုံလေးတစ်ပုံ..လရိပ်သေချာကြည့်ပြီးနှာခေါင်းရှုံ့ကာ..

"ငယ်ငယ်တည်းကအမြင်ကတ်စရာကောင်းတဲ့မျက်နှာ၊မုန်းစရာဆံပင်ကောက်တွေတစ်ထုတ်ကြီးနဲ့ မျက်လုံးပေါက်မှေးမှေးအကျင့်ပုတ်တဲ့ရုပ်။အသားဖြူချင်လိုက်တာမှလည်းလွန်ရောတစ်လတစ်လသိန်းချီပြီးအသားဖြူဆပ်ပြာတွေဝယ်သုံးတာတောင်ငါ့ခြေသလုံးအသားရောင်ကိုမမှီသေးဘူး"

သူရှင်းခန့်၏ပုံကိုသာအာရုံစိုက်ကြည့်နေရင်းမှ ဘေးမှာသူပါ ပါနေသည်ကိုသတိထားမိသွားသည်။

"ဟင်!"

ပါနေတဲ့ပုံကကောင်းကောင်းတော့မဟုတ်..ရှင်းခန့်အားရိုက်နေသည့်ကင်မရာကိုသူကနှာခေါင်းနှိုက်ကာမျက်လုံးအပြူးသားလေးနဲ့ချောင်းကြည့်နေသကဲ့သို့ဖြစ်နေ၏။