صحيتوا 😃
بقي أنام و اصحي القي كل النقد دا 🙂 طب ليه أنا قولت من الأول إن الرواية نهايتها مفتوحة دي أنسب نهاية ليها واقعية شوية لكنها الأنسب .. و مع ذلك بتقبل النقد عادي..
انا بيتقالي في وشي النهاية مش حلوه و اعملي كذا و كذا طب ما تيجي أنتِ تكتبيها أحسن 🙁
الرواية نهايتها لا هي حزينه ولا هي مفرحة إزاي ؟
١- إن الحقيقة انكشفت و المظالم اتردت لأصحابها و كل واحد اتعاقب على غلطه
٢ - أسيل مرجعتش لأن دي كرامتها و كله إلا الكرامة بالنسبالها هي حذرته قبل و هو استهان بيها
لو كان سكت عن كلامه يوم الحادثة كانت عذرته لكن كلامه في الفون ليها وجعها اكتر هو حسسها أنها شحاته و من وجهه نظرها لو رجعت هتبقي فعلا شحاته 😃
الرواية نهايتها مفتوحة يعني ايه و النقد اللي نازل فيا من لما البارت نزل؟
نهايتها مفتوحة يعني ممكن ترجعله و ممكن لا باختلاف الأسباب بقي
- ممكن عشان خاطر الطفل
- جاسر قال مش هيأس و هفضل وراكي ممكن في مره من المرات الحظ يكون حليفه 🙂
- يمكن يكون من وجه نظر أسيل أنها عاوزه تربية و تعلمه الأدب
أسباب كتير ......
نيجي بقى عند حته النقد ردي عليها هيكون....
الرواية ما هي إلا اسكريبت لفيلم أو مسلسل..
حضراتكم لو بتتفرجوا على مسلسل و كانت النهاية بتاعته غير المتوقعة أو مفتوحة زي دي كان هيبقي رد فعلكم ايه ؟
- يا إما هتتقبلوه زي ما هو
- يا إما هتحطوا انتوا افتراض من عندكم وتبقي هي دي النهاية 🌚
افترضنا إن النهاية كانت رومانسيه و رجعوا لبعض طب فين الاختلاف ؟ ما كل الروايات البطله بتتهان و بترجع في الآخر فين بقي كرامه البطلة تحت الأقدام صح
انا شايفة إن النهاية دي أنسب نهاية للرواية من وجهه نظري 😃 و النهاية مفترحة اللي مش عاجبه كلامه اعتبروهم رجعوا لبعض 🙂
آخر حاجه الرفيوهات اللي محدش عملها غير رضوى 😃 و لها مني جزيل الشكر على دا ❤️ كنت اتمني يكون فيه رفيوهات اكتر من كده لكن قدر الله و ما شاء فعل 🤍
مشكورين جدا و هرد على كل الكومنتات 🤍 و لينك صراحه اهوا اللي عاوز يقول حاجة
و عذرا على الرسائل اللي مقدرتش أرد عليها لكني حرفياً مضغوطة
http://rose246810.sarhne.com
