مصطفى : اشوف منو بالباب ونوب ارجع اشوف المن تنطين بشاره
بسمه : هههههه اكيد لام بسومه
ملاك : اي عفيه......... ولج بسمه هذا خطيبج اجه
بسمه : اني جنت لابسة تراك طويل بس عدلت شالي
مصطفى : بسمه خطيبج يريدج
بسمه : من يجي امير احس مصطفى ينغث بس ما يبين على نفسه بس اني اعرفه من عيونه..... تمام مصطفى هسه ادخل بس اجيب مي
امير : من عرفت نجحت بسمه اخذت هديه وبوجهي رحتلها
بسمه : السلام عليكم
امير : وعليكم السلام هلو حبيبتي الف مبروك النجاح
بسمه : الله يبارك بيك حبيبي ...... ماكو داعي للهديه
امير : لا حبيبي اذا مو الج لمن اخذ هديه
بسمه : فرحانه ويه امير كلش هوايه ....... شكراً انته هديتي من رب العالمين
امير : اويلي شنو هل حجي الحلو....... بسمه اريدج احجي وياج بموضوع بس اتمنى تفهميني
بسمه : اي عمري كول
امير : هاي اول واخر مره اشوفج تلبسين تراك يم بيت عمتج
بسمه : ........ والله راهي عليه وطويل هاي شوف كلشي ما مبين مني
امير : ميخالف حبيبتي ابن عمتج موجود وابن عمج ميصير حياتي
بسمه : صار بعد ما البس تراك
امير : من تجين يمي شنو تريدين البسي
بسمه : احب طريقة كلامه وياي
خلص 4 اشهر على الخطوبه لتهينا نحضر للعرس
قدمت استقاله للشركه لان وره العرس يبدء دوام الجامعه رجعت يم اهلي تركت البصره خطيه بيت عمتي كلش نقهرو عليه اني هم تعودت عليهم كمت اشتاقلهم
عمتي خطيه كل يوم تخابرني
وامير كل يوم نتخابر نضل ساعات نسولف
امير : بسمه ليش ما نسوي العرس هذا الشهر
بسمه : امير بعدني كلشي ما مكمله كومه غراض بعد ما مشتريتها
امير : حبيبتي هاي الايام كملي الضروري واني وره العرس وعد اخذج واشتريلج كلشي تحتاجي
بسمه : لا حياتي راح اصير اروح للسوك الصبح والعصر
كملت كلشي خلال اسبوعين من ذهب وملابس ومكياج وكل اغراضي
خابر ابو امير على ابويه حتى يعزمنه نروح يم گرايبهم بالبصره نسوي العرس لان صعبه زفه من بغداد للبصره
ابويه كله مشكورين راح نجي يم بيت اختي
قبل ما نرجع للبصره عرضت قطعة الارض للبيع
اخذت الفلوس ورحت لبيت اهل علي انطيت الفلوس لابو علي وكتله هاي الفلوس من حقكم انتم واتمنى تاخذ خالتي وتروحون للحج بيهم سلمت عليهم وعلى البنات وطلعت بس ما كلتلهم راح اتزوج مهما يكون راح ينقهرون
عرفت سلام ماخذ نص المعرض من الولد ومسافر لاتركيا يشتغل هناك..... نقهرت بس كلت المهم خلصت منه
رافد اخذني للنجف رحت لــ علي هل مره فرحانه كتله علي نجاحي بالدراسة وكتله راح اتزوج اريدك تدعيلي اتوفق
غسلت قبورهم ودعتهم ورجعت احس فتحت صفحه جديده بحياتي
بديت عمر جديد كل الي راح شمرته وره ضهري
حظرت كلشي ورحنه للبصره كل اهلي اجوي وياي
يوم الحنه صار يخبل
احس اول مره اتزوج رگصت ويه البنات حته رافد وبسام ومصطفى دخلو جوه ونركص
كل احنه فرحانين
STAI LEGGENDO
الحياة على قيد الامل
Romanzi rosa / ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
بارت 56
Comincia dall'inizio
