__________
- كل رجل في مكان ما في العالم لديه امرأة خُلقت من أجله فقط. إنها ليست أفضل من الآخرين ، لكنها الوحيدة التي يحتاجها حقًا. وكل امرأة أيضًا ، لديها مثل هذا هذا الرجل ؛لكن القليل من الناس المحظوظين يلتقون ببعضهم البعض
________________
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
علي : بسمه اني اسف حبيبتي والله مجان قصدي اضربج بس انتي كلامج جان مو حلو وياي
بسمه : علي اني هسه كولش عصبيه ومقهوره فه ما اكدر اتناقش بشي
علي : على راحتج
بسمه : كولش قهرني علي من مد ايده عليه هم اني مجان مفروض هيج احجي............. ضليت 3 ايام زعلانه على علي وهوه هم عافني براحتي بس جنت كولش ضايجه لن احنه متزاعلين............ صادف يوم هوه معطل من الدوام وكاعد يلاعب بسراج ويحجي وياه
علي : شنو سراج ما خلص زعلك عليه
سراج: ابه ابه
علي : يا روح ابه .......... هااا بعدك ضايج اكول صار 3 ايام ما شفت غمازات روحي
بسمه : بتسمت لن اعرف جاي يقصدني
علي :اي الحمدلله شويه شفنه من الغمازات
بسمه : عفته كاعد يم الجهال وكمت كملت شغلي واخير شي جان عندي الطرمه طلعت اغسلها جان يطلع علي
علي : اني انظفها ادخلي انتي جوه
بسمه : اني انظفها
علي : بس اني كلت اني انضفها
بسمه : علي هذا مو شغلك ادخل اني انظفها
علي : جاي اكولج ادخلي....... انتي ما تشوفين ولد جوارينه على السطح وانتي ما شاءالله بياضج حته الي ما يباوع يخلي يباوع
بسمه : طلع الاخ غيران...... عفته ودخلت جوه سبحت
علي : بسمه اطلعي اريد اسبح
بسمه : لحظه هسه اطلع.......... طلعت جان اشوف علي واكف بالباب مال حمام
علي : بساع اطلعي هذا ابنج يريد يدخل للحمام وبس يجي يشوفني يضل يبجي
بسمه : وانته تخاف من سراج
علي : اني اخاف ام سراج ما تسامحني
بسمه : ادخل اسبح لا يجيك .......... ضحكت على علي شلون ركض دخل للحمام.........
علي : هااا عصفوره شلون تضلين هيج
بسمه : اني اسفه لن عليت صوتي عليك وحجيت وياك بشكل مو حلو
علي : يا روح علي اني الي اعتذر منج.... بسمه الي صار ساره خابرت عليه تتبارك لن صارت عندي بنيه وضلت تسولف وياي بالرسايل واني ارد عليها اني اعترف مجان المفروض ارد عليها بس بعد هذا الي صار من خابرت اني كتلها بعد لا تخابر
بسمه : هاي هيه مصار شي ........ ضلت حياتي هيج ما بين جهالي وعلي يرجع من الشركه ويضل يمنه لو مرات يروح لشغله الثاني....... صار عمر ريتاج 3 اشهر قررنه نروح للزيارة
علي : حبيبي عندي مجال اسبوع راح نخلصه بالزيارة نروح كربلاء ونجف
بسمه : اوكي عمري...... خلصت كل التحضيرات واخذت ملابس كافيه للجهال ........ كعدت الفجر صليت وسويت ريوك كعدت سراج غيرت ملابسه و كعد يم ابو يتريك واني غيرت ملابس ريتاج ورضعتها ضلت شويه ورجعت نامت وراها رحت نظفت المطبخ بس جان گلبي كولش مقبوض حته علي انتبه عليه كتله ماكو شي حتمال لن تعبانه هاي الفتره...... طلع علي كل اغراضنه اني طفيت اضويت البيت بس كل غرفه اطفي الضوه البيها احس شي من حياتي يطفه قفلت باب البيت وطلعنه بس سيارة علي ابد ما شتغلت مع العلم هوه قبل يوم شافها خاف اذا بيها نقص
بسمه : علي صارت بيها عرضه خلي نكعد بالبيت ما اريد اروح
علي : لا حبيبتي قابل شكو عادي الباتري كعد..... انطيني مفاتيح البيت خلي اجيب سويج سيارتج ونروح بيها
بسمه : بس سيارتي مو تمام انو تاخذنه
علي : اي فيتر نشوفه نوكف ونخلي يشوفها...... شبيج حياتي ليش هيج خايفه ادري بيج تحبين تروحين للزيارة
بسمه : ما اعرف علي گلبي يوجعني......
علي : ماكو شي ان شاءالله الي كاتبه رب العالمين يصير
بسمه : ان شاءالله خير............ طلعنه من بيتنه الساعة بــ6 الصبح بالطريق نزل علي راح على فيتر واجه شافها كال ممتازه مابيها شي...... كملنه طريقنه بس كل شويه ننزل علمود الجهال لن خليتهم وره كرسي علي من الشمس لن صدر السياره تضرب علي الشمس
علي : حبيبي ليش تعبانه
بسمه : لا حياتي مابيه شي يمكن لن ما نايمه
علي : فدوه لحياتج ....... بسومه لعد نامي شويه واذا كعدو الجهال اكعدج
بسمه : لا علي اريد ابقه وياك لا تغفه
علي : لا يا عمري ما انام انتي بس نامي وارتاحي اني ارتاح
بسمه : اوكي حبيبي بس شنو تحتاج كعدني..... علي لا تمشي سريع
علي : اوكي حبيبي بس نامي.......... بسمه...
بسمه : هااا حبيبي
علي : اني احبج يا عمري...... بسومه اني عمري ما حبيت وحده بكد ما حبيتج انتي عصفورة گلبي.... بسمه انتي روح علي
بسمه : يا يروحي اني هم احبك فدوه لــ روحك يا حبيبي
علي : يلوموني لن احبج فدوه اروحلج يله نامي
بسمه : خليت راسي على كشن السياره وضليت صافنه علي الطريق غفيت...................... فتحت عيوني السياره جاي تمشي سريع وطلعت من الطريق جاي تمشي على الترابي اباوع على علي غافي صرخت ..... علييييييي السياره راح ننگلب ......... ما شفت بس السياره نكلبت بينه مرتين حسيت بيها وراها ما حسيت بشي ......
بسمه : فتحت عيوني اشوف ماما على راسي وتبجي.... اباوع على ايدي ملفوفه وما اكدر احركها وكل جسمي يوجعني..... ما..... ماما..... وين...... علي...... جهالي .... وينهم
ام رائد : لا تعبين نفسج حبيبتي علي زين الحمدلله
بسمه : ماما...... اريد..... اشوفهم......... اجه بسام و رافد
بسام ...... اخذني عليهم....... الله يخليك
رافد : بسمه حبيبتي اني اخذج بس ارتاحي وضعج مو تمام
بسمه : ضليت ابجي يا ناس يا عالم گلبي يوجعني على جهالي وحبيب روحي ..... اجتي الدكتوره وضربتني ابره بعد ما حسيت بالدنيا
..........
........ .....................................
YOU ARE READING
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
