•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسام : رافد يله استعجل اني راح افتح الباب ونوب اطلع السياره
رافد : يله اطلعوا انتم واني بس اخلي عطر
بسمه : طلع بسام يشوف منو بالباب واني اخذت جنطتي وضليت انتظر بالطرمه
العسكري : السلام عليكم
بسام : وعليكم السلام تفضل
العسكري : اخويه عندي امر القاء قبض على بسمه .........
بسام : ليش سيدي شنو مسويه اختي
العسكري : ما عندي علم اذا تريد تجي تعرف بالمركز
بسام : استغفرالله يا ربي منين اجتي هاي المصيبه على راسنا ......... اخويه تكدر تنتظر بس اصيح اختي
العسكري : اي تفضل بس استعجل
بسام : رحت دخلت واشوف بسمه واكفه بالطرمه بس امبين ما سمعت شي لن شفتها صافنه
بسمه : يله بسام هذا السويج طلع السياره هسه راح يطلع رافد
بسام : بسمه الشرطه بالباب يردون ياخذوج
بسمه : ليش شنو مسويه اني
بسام: والله ما اعرف يا اختي والشرطي الي بالباب ما يعرف..... انتظري اصيح رافد
بسمه : الي سمعته من بسام تفاجئت بي شنو الي صار شسوي اني عند الشرطه
بسام : دخلت وكلت لاهلي على الشرطه كلها نصدمت وصارت هوسه ......... يله بسمه امشي
بسمه : طلعت اني وبسام و رافد ورائد وامي وابويه ورسل خطيه تبجي
العسكري : المتهمه تصعد ويانه
رائد : كل عقلك تجي تصعد بسيارة الشرطه
العسكري : اخي هاي اوامر مو مني واني عبد المأمور
رافد : رائد مو وكت مشاكل
بسمه : لا تخافون ما يصير شي
بسام : بسمه لا تخافين احنه وراج بالسيارة
بسمه : اخواني وياي احس بالامان بس ابوية وامي يبجون عبالك راح اموت...... بابا ماما شبيكم ماكو شي رسل هاي شبيج عليمن هل بجي.... ديري بالج عليهم شويه وارجع ماكو شي بس سويلي اكل لن ارجع جوعانه..... احجي وياهم هيج حته ما يخافون واني خايفه اكثر منهم
طلعت صعدت بسيارة الشرطه بس الخوف اخذ نص حيلي اخواني بسيارتهم يمشون ورانه ......... وصلنا للمركز
العسكري : احترامي سيدي هاي المتهمه بسمه.............
الضابط : تفضلي
بسمه : حلكي يابس وبطني كامت توجعني من الخوف
الضابط : شبيج هيج وجهج اصفر اكعدي لا تسوين روحج فقيره
بسمه : كولش خفت من هذا الضابط
الضابط : انتي متهمه بقتل علي......... واطفاله
بسمه : سيدي تعرف علي شنو يصيرلي
الضابط : اي زوجج
بسمه : واكو واحده تقتل زوجها واطفالها وثاني شي اني جنت وياهم بالحادث.
الضابط : هذا الحجي ما يفيدج المدعو سلام.........
رافع عليج قضية ويتهمج بقتل علي
بسمه : سيدي الله يخليك صدگني والله اني ما قتلت علي الحادث صار علينه گلنه
الضابط : راح تضلين اليوم يمنه علي ذمة التحقيق
بسمه : طلعت واشوف اخواني كلهم بالباب بس شفتهم بجيت بعد طاقة التحمل عندي خلصت..... الدنيا بعد شنو تسوي بيه تعبت والله يا ربي
دخلت السجن الحمدلله جان منفرد ضليت صافنه اني شنو سويت بحياتي ليش هيج جاي اتعاقب
علي شفت وين وصلت وياي من عفتني لليوم ما شفت راحه يا حبيبي عبالي اليوم اجي واشوفك شوف الدنيا وين سجنتني معقوله حبيبي يتهموني اني اقتلك يا روح بسمه ....... ضليت لو ابجي لو اسولف لو صافنه اجه العسكري
العسكري :يا حلو ما جعتي
بسمه : كولش خفت منه.... لا شكراً
العسكري : بس اخوج جابلج اكل
بسمه : خفت مخلي بي شي........... لا مو جوعانه انته اخذه اكله بالعافيه
العسكري : شكراً يا گمر
بسمه : يا ربي هذا شبي انوب الخوف اكل گلبي يمكن راح ينغمي عليه من القلق والخوف
بسام : وصلنا للمركز دخلت بسمه واحنه ضلينا بره ننتظر من طلعت وبجت هدمت حيلي عليها دخل رائد و رافد اني ضليت اباوع عليها شلون اخذوها للسجن
صعبه واحد يشوف اخته ياخذوها گدام عينه للسجن ........... طلع رافد عيونه بگصته ورائد ضل يم الضابط شويه وطلع هوه هم عصبي
بسام : فهموني شكوووو مو راح اتخبل بسمه شنو مسويه وليش اخذوها للسجن
رائد : هذا العار سلام يتهم بسمه بقتل علي
بسام : ايا خسيخ وعار والله اذا ما رحت وفشلت وجهه اطلع مو ابن ابوي
رافد : عوفنه من هذا الحجي هسه شلون انطلع بسمه مستحيل اليوم تبات هنا
رائد : لا شنو تبات غير ابوك وامك يموتون
بسام : راح رائد يجيب صديقه محامي.... و رافد راح ياخذ اجازه من دوامه اني ضليت ما كدرت اترك بسمه بوحدها بالمركز... ابويه حرك الموبايل حرك
بسام : هااا بويه . ... لا ماكو شي شويه ونرجع ..... لالا زينه الحمدلله.......... هااااا لا مو يمي هسه من تطلع اخليها تحاجيك....
سديت الموبايل من ابويه خطيه ضال بالهم ما كتله شنو صار اخاف يصعد ضغطه..... اجه رائد وجايب وياه المحامي .... دخل المحامي وره نص ساعه طلع
المحامي : عيني قضية اختك تحولت للمحكمة وراح ينقلوها باجر للمحكمة
رائد : باوعلي كولشي تريد سوي المهم اختي تطلع من المركز اليوم مستحيل تنام هنا
المحامي : الشغله صعبه يراد فلوس واحتمال ما تصير بس اني راح اسوي اتصالاتي بلكي اطلعها اليوم بس الشغله ما تنحل لن الضابط قافل الجوه ...... راح احاول بكفالة اطلعها اليوم .... رائد حضر فلوس خاف يطلب فلوس
رائد : انته سوي شغلك وسالفة الفلوس سهله...... بسام خابر رافد يطلع بوجهه للبيت يروح يجيب مليون ويجي
بسام : صار هسه...... الووووووو رافد اكولك عيني تروح للبيت تجيب مليون بلكي تطلع بسمه من المركز بكفالة..... يله اوكي ننتظرك
__________________________
بسمه : صار اليل واني طاقتي خلصت قلق وخوف وجوعانه احس هبط ضغطي كمت ابجي بس بهدوه بس دموع تنزل
العسكري : انته هيييي
بسمه : نعم
العسكري : يله كومي افراج
بسمه : ما صدكت طلعت ركض
بسام : خطيه المحامي تعب ويانه شكد خابر ناس واسطات وفلوس يله تطلع بسمه.... طلعت بكفالة الحمدلله ابويه كل ربع ساعه يخابر فوك التعب القلق
رائد : اشكد تامرني
المحامي : عيب عليك ابو مصطفى احنه اخوان
رائد : لا هذا تعبك
المحامي : تعبك راحه الحمدلله على سلامة اختنه
رائد : الله يسلمك يله تعال اخذك اوصلك
المحامي : لا رائد اخذ راحتك اني اخذ تكسي انته التهي بأختك
بسام : راح المحامي ضلينا ربع ساعه ننتظر..... طلعت بسمه بس شافتنه اجتي ركض وجان تشبگني وتضل تبجي
بسمه : وين رحتو و عفتوني
_______________________
لا تنسون التصويت والتعليق حبايبي 💗💗💗
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
