اذا أࢪدت أن تعرف شيئاً عني اسألني ولاتسأل غيࢪي فعشاق ﭑلتأليف ڪثيرون💜
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
علي : يمه يعني بسمه ما ركصت هناك
ام علي : لا يمه البنيه كولشي ما سوت
علي : استغفرالله يا ربي...... يمه هيه وين هسه صيحيلها
ام علي : عفتها ويه البنات تعال وياي الصاله
علي : دخلت للصاله واشوف بسمه تتمايل وتضحك من كل كلبها عبالك ما تشوفني تركص ويه بنات عبالك سندريلا ونوب فتحت شعرها..... بس مو فتحت شعرها فتحت نار گلبي يخبل عليها شعرها من فاتحته....... انوب انتبهت عليه خطيه صارت طماطيه اعرفها تستحي مني
بسمه : لا ياربي هاي شنو علي شدخله هنا انوب يبتسم اريد اعرف شبي هل رجال قبل ساعه يريد ياكلني وهسه يبتسم
ام وسام : خاله علي هنيالك على زوجتك تخبل
علي : اي والله يا خاله هنيالي
بسمه : بعد ما رفعت عيني بعين علي كولش مستحيه منه بس ضليت بنص البنات اركص وياهن
علي : طلعت من البيت بس مقهور من روحي شلون هيج حجيت وياها وضوجتها ....... بس بنت الوادم طالعه تخبل بس اني قهرتها عود هيه اليوم عترفتلي وطلعت تحبني مفروض اني ما اضوجها
بسمه : تعبت عفتهن وكعدت اجتي خالتي
ام علي : يمه بسمه اني صحت علي وحاجيته طلع فاهم خطا وما اعرف منو كايله المهم فهمته
بسمه : عادي خاله ............. يعني اني من حاجيته ما فهم مني ولا صدك بيه واني اضل على موقفي باجر من الزفه وخلي يوصلني لبيت اهلي........ كمت ويه البنات علمود العشه خلينه عشه للناس ونوب لمينه البيت اني طلعت غسلت الطرمه جان اكو كم شاب ولد عمهم ما اعرف شنو يعودون الهم يدخلون ويطلعون كل شويه ...... كملت ضلت بس الزبل جان يدخل علي عيونه بگصته يريد بس ياكلنه
علي : جنت كاعد ويه الولد بره نسولف ونضحك جان يجون ولد عمي يحجون بيناتهم على ابنيه عاجبتهم بالطرمه بس مو بنيه تخبل من كالو عدها غمازات زارفات خدها عرفتها بسمه ....... بس شنو اني صرت نار لو الزم بسمه هسه اجنزها شطلعها بالطرمه ...... يحجي وصاك على سنونه.... شطلعج بره هسه ادخلين لا اسحلج وادخلج
بسمه : تمام هسه ادخل ......... دخلت بس خانكتني العبره اريد ابجي......
زهراء وزينب : تعالي تعشي ويانه
بسمه : لا ما اريد مو جوعانه
زهراء : يمعوده تعبتي تعالي اكلي ويانه
بسمه : استحيت اعوفهم كعدت اكلت اول لكمتين ردت اتقيه........ ركضت للحمام.... غسلت ما فاد..... سبحت بمي بارد يله شويه ارتاحيت
زهراء : شبيج بسمه اصيح علي يجي ياخذج للدكتور
بسمه : لا زهراء ما اريد هسه ارتاح واصير زينه..... ضليت بالغرفه مــر اليوم كبال عيني تندمت لن كلت لــ علي احبك ضجت من تصرفاته اتذكرت من صيح عليه بالسياره لو هسه بالطرمه طكيت بجي بس كاتمه صوتي................. دخل علي
علي : شبيج حبيبتي......... بسمه ليش تبجين
بسمه : انوب ما يعرف ليش ابجي....... مابيه شي ..........علي روح اطلع من الغرفه لن تعبانه ما اريد تطلع مني كلمه اتضوجك
علي : بسمه اول مره اشوفج هيج تحجين وياي
بسمه : واني اول مره اشوفك هيج تتصرف وياي علي شبيك اليوم انته راضي عن نفسك وعن تصرفاتك
بالنهار ضوجتني بتصرفاتك ويه ساره ونوب جبت الطريق كله ترزل بيه ونوب تعيط بيه بالطرمه
علي : اول شي ويه ساره اني تقصدت اضوجج ردت اشوفج تغارين عليه لو لا....... والحمدلله ردت اشوف غيرتج طلعت حته الكلمه الي جنت ميت حته اسمعها منج....... واما على شغلت الحنه فه اني اسف واعتذر منج جنت متسرع وما صدكت بيج...... وعلى شغلة الطرمه الخطا منج شنو طالعه والشباب موجودين
بسمه : علي شنو شباب تره اني جنت موظفه وياك ما يوم كلتلي شباب ما اعرف شنو
علي : بصياح......... ولج جانو يتغزلون بيج كدامي ويحجون على غمازاتج
بسمه : واني شعليه تجي تصيح عليه اكو الف اسلوب غير هذا تصرفك الي ضوجتني بي جنت تكدر تضمها بكلبك لمن نروح لبيتنه او على الاقل من ندخل ونكعد هنا
علي : اي والله لازم اضل اسمعهم يتغزلون بيج واني اسكت
بسمه : لا تجي تعيط عليه......... مع الاسف من تزوجنه كلت ما اخلي دمعتج تنزل فد يوم........ اني اليوم شبعت قهر منك مال سنه كامله
علي: .............. هسه شلون صرتي
بسمه : زينه مابيه شي🥺......... علي اطلع من الغرفه لن اني كولش مختنكه
علي : هيج اني مضوجج ...... اوكي راح اطلع بس راجعلج اريدج ترتاحين شويه
بسمه : طلع علي بس اني من داخلي ما اريده يطلع بس صايره عصبيه بس احجي بعد اضوجه احسن اله والي انو يطلع ضليت بفراشي اجتي زهراء
زهراء : تفضلي بسومه هذا عصير دزه علي بيدي الج يكول خلي تشرب
بسمه : بس والله ما مشتهيه
زهراء : شنو يوجعج
بسمه : معدتي ولعبانه نفسي
زهراء : هذا العصير راح اخلي هنا من ترتاحين اشربي
بسمه : شكراً عيني تعبتج وياي ........ راسي يريد ينفجر هم قهر وهم بجيت وهم هوسه مال حنه...... علي ما شاءالله طلع العرس من عيني......... نمت ما حسيت بالدنيا....... كعدت واحد يمي نايم ويشم بشعري
علي : هااا حبيبتي كعدتي شلونج هسه
بسمه : الحمدلله زينه اني احجي واوخر من علي
علي : بسمه بعدج ضايجه مني حبيبي شرحتلج كولشي صار وياي ليش بعدج شايله بكلبج عليه
بسمه : اكثر شي قاهرني منك انو ما صدكت بيه....... زين بس كولي وريح گلبي منو اجه وكلك بسمه تركص وطالع شعرها...... سحر لو ساره
علي : حبيبي المهم اني عرفت انتي ما مسويه هيج
بسمه : بس ما صدكت بيه انته صدكت بخالتي...... علي والله اذا ما كلت منو كلك باجر وره العرس اني رايحه لهلي ..... تعرف جان رحت اليوم بس ما اريد هاي الناس تتشمت بيك اني ما يهموني بس علمودك انته
علي : كافي يا بسمه كولش لحيتي واني اكول خطيه وعوفها شوكت تكبرين تضلين طفله
بسمه : علي اني مو طفله لا تضلون تكولون طفله انته و..............
علي : اني و منو
بسمه : علي بداعتي سحر لو ساره
علي : استغفرالله ربي..... ساره...... هسه عرفتي شنو راح تستفادين
بسمه : اي ليش بشنو اني مضوجتها
علي : هيه عبالها من تسوي هيج اني ارجعلها ...... زين هسه انتي جاوبي منو يكولج طفله
بسمه : انته و..........................
........................................
ŞİMDİ OKUDUĞUN
الحياة على قيد الامل
Genç Kız Edebiyatıتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
