في وسط بغداد

البارت الرابع

-حاضر، اني طالع

عكدت حاجبهاا-وين ان شاءلله

-هنا بالمنطقه ماتاخر

-تمام انتبه عل نفسك ترى الدنيا تخوف

-لتخافين يوم ابنج نجر

طلع من البيت وتوجهه لشغله وصار وكت الغدا ورجع للبيت تغدا ورجع للشغل والعصر يلا رجع للبيت

مرت الايام عل نفس هذا المنوال الى ان.....

جان فيصل يتمشى ويا اصدقائه مر من جانب مطعم شوي وطلع قصي يمسح بالطاولات

شافه فيصل ونصدم وبنفس الوقت نكسر خاطره عليه

فيصل-يولد اني حروح شويا واجي

عافهم وراح لقصي...

-احمم

رفع راسه وتفاجئ من شافه،برود-نعم؟

بهدوء-كواك الله

بدون مايباوعله كمل شغله وكال -تسلم

-ليش تحجي وياي من ورا خشمك

-ادري هسه انت جاي علمود تضحك عليه لان اشتغل عامل بالمطعم وانت عايش بالرفاه وكلشي يوصلك وانت كاعد

-لاوالله ابد مجاي اضحك عليك بس حبيت اسلم عليك واعتذر منك

ابتسم برود-بعد وكت مو

-شغله تافهه علمود رحله نتزاعل، احنا جيران وزملاء بالمدرسه فـ شنو رايك نصير اصدقاء

باوعله بطرف عين -شكرا ويلا روح منا

فيصل-اسف عل البدر مني ذاك اليوم وانت ترد هيج هذا اسلوب يعني

جر نفس-ماشي المسامح كريم

صغر عيونه -مبين عصبي ماتتحاجه

ابتسم -لا اصلا هادئ حيل

ضحك-اي واضح ،كاتم عصبيتك بالكوه

ابتسم....

فيصل-هسه اصدقاء مو؟

قصي-ماحب اصادق

فيصل-صادقني ومراح تندم

قصي يفكر ....

لوح بايده -هلووو وين صفنت

مد ايده-تمام اصدقاء

ابتسم فيصل ومدله ايده-صح شنو اسمك

-قصي وانت؟

-فيصل

-تشرفت

فيصل-يلا حبيبي كمل شغلك اخرتك اني بعدين نلتقي ونسولف

-الله وياك

راح فيصل وهو مبتسم وقصي كمل شغله

.....
في المساء

رغده-الله يهدي النفوس

دنيا-ليش قبلت تصادقه هو مغرور وشايف روحه