~Unicode~
ရိပေါ်တစ်ယောက်ရှောင်းကျန့်သူ့စက်ရုပ်ကလေးကိုငေးကြည့်နေတာကိုသိလိုက်ရသည်။စက်ရုပ်လေးကိုကြည့်နေတဲ့ရှောင်းကျန့်ရဲ့မျက်ဝန်းတွေကမျက်မှန်ခံနေတာတောင်ကြည်ကြည်တောက်တောက်ကလေးဖြစ်နေမှန်းရိပေါ်သိလိုက်သည်။
"လိုချင်လားးး"
"ဟင်...."
ရှောင်းကျန့်ဟာသူ့ရှေ့ကိုအရုပ်ထိုးပေးကာ လိုချင်လား ဟုမေးလာတဲ့ရိပေါ်ကြောင့်ကြောင်အနေမိသည်။
"လိုချင်လားလို့!!!"
ရိပေါ်ကစိတ်မရှည်သလိုပြောလာတဲ့အခါရှောင်းကျန့်ဟာခေါင်းကိုဖြေးညှင်းစွာခါပြလိုက်မိသည်။
"ဟင့်အင်းးး"
ရှောင်းကျန့်ရဲ့အဖြေကြောင့်ရိပေါ်မျက်မှောင်ကျုံ့သွားရသည်။ရှောင်းကျန့်ရဲ့မျက်ဝန်းထဲမှာလိုချင်နေတဲ့အကြည့်တွေကိုသူတကယ်မြင်လိုက်ရတာပါ...
"အရုပ်ကလေးကို ခနကိုင်ကြည့်ချင်လို့ ရလားဟင်"
"ရော့"
ရိပေါ်ဆီကခွင့်ပြုချက်ရသည်နှင့်အရုပ်ကလေးကိုရတနာတစ်ပါးလိုသေသေချာချာလေးကိုင်ကြည့်နေတဲ့ရှောင်းကျန့်....
တကယ်ဆိုရင်ရှောင်းကျန့်လည်းဒီအရုပ်ကလေးကိုလိုချင်မိပါသည်...ဒါပေမယ့်မာမားကသင်ပေးထားတယ်...သူတစ်ပါးဥစ္စာကိုအလကားမယူရဘူးတဲ့...ဝယ်ဖို့ကြတော့လည်းပိုက်ဆံမရှိတာမို့ ခနလေးကိုင်ကြည့်ရရင်ပဲတော်ပါပြီလေ...
"ရိပေါ်...ရှောင်းကျန့်ကိုင်လိုက်လို့နင့်စက်ရုပ်ကလေးပျက်သွားရင်ဘယ်လိုလုပ်မလဲ...သူကပြန်လျော်နိုင်မှာမဟုတ်ဘူးနော်"
ဂါဝန်ပန်းရောင်လေးနဲ့ကျစ်ဆံမီးလေးကျစ်ထားတဲ့ဖန်းအာကဆိုသည်။
ရှောင်းကျန့်ခင်ဗျာ အရုပ်ကလေးကိုတောင်ဆက်မကိုင်ထားရဲတော့...တကယ်လို့ဖန်းအာပြောသလိုပျက်သွားရင် သူ့မှာလျော်ဖို့ပိုက်ဆံရှိတာမဟုတ်ဘူးလေ...
"ရိပေါ်...ရော့...ငါမကိုင်တော့ပါဘူး"
အရုပ်ကလေးပြန်ပေးလာတဲ့ရှောင်းကျန့်ကြောင့်ရိပေါ်အလိုမကျသလိုမျက်နှာဖြစ်သွားသည်။
YOU ARE READING
My Ugly Boy [Completed]
Fanfictionစစ်မှန်တဲ့အချစ်တစ်ခုဖြစ်ပေါ်ဖို့ဆိုတာ ရုပ်ဆိုးတာ...ရုပ်ချောတာတွေနဲ့သက်ဆိုင်ပါသလား??? Start Date~17.11.2022 End Date ~12.1.2023 ____________________________________ စစ္မွန္တဲ့အခ်စ္တစ္ခုျဖစ္ေပၚဖို႔ဆိုတာ ရုပ္ဆိုးတာ...ရုပ္ေခ်ာတာေတြနဲ႔သက္ဆိုင္ပါသလား...
![My Ugly Boy [Completed]](https://img.wattpad.com/cover/315252718-64-k56069.jpg)