غزلان الجنوب

ثلاثون

ساگيتك
بـ دمـع الـجفن
يا دمع هلبت غزرت

عريان السيد خلف

نبلش بسم الله الرحمن
_____________________

نور : فتحت عيوني اضوية هواي وبغرفتنا باوعت صكر نايم على جهة اليمنى لازم ايدي وغافي واسير غافي على القنفة المقابيلي حسيت روحي متيه فاقدة مجاي اتذكر شي
حاولت ارفع راسي شوية شفت المسدس يم راس صكر رجعت كل ذكرياتي كدامي اصيل وريم وين شصار بيهم ياربي تحركت بسرعة بدون ما انتبه حسيت بدوخة قوية وطحت بالكاع بس ازمت ايدين صكر وهو بسرعة فز
صكر : شجاي تسوي شبسرعة فزيتي شبسرعة كمتي
نور : شنو صار
صكر : ما صار شي كلهم عايشين محد مات
نور : يحجي وعيونه حمر واعصابه بارزة بحدة
باوعت لاسير ليش نايم هنا
صكر : طول الليل هو يمي ما قبل يعوفج
نور : انت شلونك
صكر : من شوكت تعرفين انتي
نور : والله بس دريت نكعت تلفونها بالثلج
صكر : يعني انتي الي خربتي
نور : اي
صكر : وليش ضميتي علية
نور : يحجي بهدوء يخوف لان خفت منك شنو راح تسوون هسة
صكر : من اليوم و رايح مالج غرض بينا انتبهي لروحج واهتمي بنفسج وراعي صحتج
نور : زعلان مني
صكر : هي ضلت عليج اذا اختي وبتي الي ربيتها بدية طعنتني بظهري اجي الومج انتي الي ما صارلي كم شهر اعرفج
نور : جوابة سجينة ودخلت بكلبي بدون اي ردة فعل سحبت الغطة ونمت حسيت روحي محتاج حضنة اكثر من قبل هيج انا صرت هسة غريبة وما تهمك هيج يعني بسهولة تنحجي السالفة بهل الشكل حسيت روحي اختنكت واريد استفرغ شمرت الغطة وركضت للحمام وكعت بالباب وهو لزمني واسير طفر على الصوت نترت ايدي ولزمت ايد الباب وكمت دخلت للحمام غسلت وصرت ابجي واستفرغ طلع كلش كاعد على قلبي من هم من ضيم بس حسيت روحي راحت فتحت الدوش علية وانا كاعدة هم اثنينهم يدكون بالباب بعدين صكر كسر و دخل من شافني صاح باسير لا يفوت سحب البرنص ولفني بدون ولا حرف اجتي سارة عيونها حمررر والهالات جواهن حسستني صارلي سنة غايبة عنهم جابت ملابس الي ..... صكر اطلع برة اريد ابدل
طلع وهو ساكت كلشي ما حجة سارة تباوع علينا وهي مصدومة بدلت وكملت اجة اسير لزمني ......
اسير : شلون صرتي هسة احسن لو تردين نروح للمستشفى
نور : اريد اروح لبيتنا بعد ما اريد اضل هنا هو كاعد على القنفة وعيونة بالكاع وحاط ايدية على راسة من حجيت هيج رفع راسة وباوعلي
صكر : صيري زينة وبعدين ترحين
نور : اذا ضليت هنا بعد يومين تزفوني للنجف
صكر : اسير وسارة موجودين هنا وراح يبقون وياج وانا راح انام بغرفة امير
نور : اريد اروح هسة ونزلت دموعي اوووووف شكد اكره ضعفي بهيج حالات
سحبني اسير حضني هو عيونة نطن وصار اعصاب مايقبل على اسير واصيل من بعد ما عرف بيهم مو عمامي بس حسيت روحي محتاج سند يسندني خلة وطلع وانا ضليت بحسرتي كاعدة بالغرفة مثل الغريب احسها باردة وما بيها اي شي يخصنا وين جانت اشوفها وردية واشوفها كلها غيوم هسة احسها سودة كمت لميت ملابسي ودموعي تصب سارة واسير عافوني انا طلبت منهم يطلعون وصرت اجمع بالملابس واحط بالجنطة اجمع واحط سمعت الباب انفتح وانسد قفل الباب
هذا مو من كل عقلة ركضت دكيت صرت اصرخ ما كوا اسمع امير واسير يتعاركون ويا
بس ماكوا فايدة سحبت روحي ونمت مثل العادة بالكاع ودموعي تصب فجأة حسيت سجين ودخلت بظهري صرت اصرخ بدون وعي ولا افهم شحجي بس شفته فتح الباب ودخل يركض بعدها نمت وحسيت براحة غريبة