غزلان الجنوب

الرابع والعشرين

اشيل من الزعل بصمات
خاف الوادم تكشفه
يالتارك دليل اثبات
ضحكه وسالفه وشفه
بطعناتك ولاحسيت
مثل حجايتك ترفه
ايهاب المالكي
نبلش بسم الله الرحمن الرحيم 
............................................
نور : طلعنا لبيت العروس والهوسة انا وسلال
واصيل وسمية بسيارة روان وجدو وبيبي واسير بسيارة وعمو اثير وزوجتة بسيارة
طلعنا واصيل حرك الجو اغاني وسلال
كل هلهولة طكها ولا الثانية ......
اصيل : خاب شنهيييييي اذني طرشت شسالفة
......
سلال : عااااااااا ولك هذا عرس الزين
كللللللللللللوووووووشششش .....
اصيل : ولك شنو هاز كاروكوج ...... وبعدين واذا عرس الزين ننطرش يعني ..... 
سلال : اي هذا الزين هذا المعدل مو مثلك ابو لسان ......
اصيل : والله اطلع طفل كدام لسانج . .......
نور : صارت سيارة عمو قريبة علينا وعمتي
تخبلت طكتها هلهولة طفرتنا كلنا اصيل استحى يحجي شغل المسجل عالي حتى يسكتن وهذن زادن كامن يهزن بالسيارة لدرجة
صرت احس صارت هزة ارضية بالسيارة .....
وصلنا الهوسة والزلم مالحكت انزل صكر صار فوك راسي وعيونة تجدح ياطلابة الطلابة ....
دخلنا للداخل وتلكتنا عمتي جنان بهلولة وجيس جكليت بس مو جكليت تكول حجار .....
سحبتني ريم وسلال وسمية نزلت  جنان تهوس وهذن يدبجن والجهاز يصرخ صار زلزال بكل البصرة على هذا الردح .... مو بس بالسلف
شوية ويدخلوا السيد واسير للاستقبال
ريم لابسة فستان وردي فاتح وقصير من فوك مفتوح وهند لابسة فستان بيج همات قصير بس مختلف عن موديل ريم وسارة لابسة ماروني على لون قاتم كلششش عاكس على جمالها بشكل كلشششش حلو .......
دخلت للغرفة العروس وريم وغزال وهنود
.....
ريم : شلونها اختي مو جنها قمررررر
هند : عمي مرت اخونا احلى وحدة طالعة صلوات اكلجن اقرن المعوذات ما ناقصنا عين
......
غزال : عليمن يحسدوني اشو صايرة جني بطة وبعدني بالسادس الله يستر للتاسع شصير
يمكن اسمر يطفر مني ..... 
نور : لا والله شو حليانا بالزايد .....
سارة : نويران شلون طلع عمج بالقاط حلو ها ؟؟؟؟
ريم : لا اله الا الله بنتي اكوا شي اسمة كرامة خجل صخام بوجهج شنو شلون طلع ولج فشلتينا .....
سلال : ههههههههه ...... خاب والله طالع كيكة
بالفروالة .... 
سارة : بعد قلبي لكيت الي يفهمني يمة فديت
هاتي بوسة......
سلال : يمة ما مصدكة جنتنا جكليتة ومهضومة فدوة .....
ريم : ليش محسسيني لازم اصير سيئة حتى يصير تعادل بالموضوع احسن ما احس روحي كاعدة بنص الملائكة .....
هند : لا مالة داعي ...... جيبي طار الشين وتطفر زهراء .....
نور : دخلن اثنين ما عرفهن وهند تغير كل تعابير وجها ....
ريم : هذا زهراء اخت احمد بت عمتي ....
وهذا منو زهراء وياها بنية صغيرة ....
زهراء : هذا صديقتي واختي وحبيبتي حورررر
......
هند : نور يلا حبيبتي اليوم ما اريدج تكعدين هم حماتج وهم عمج اخذت نور وسلال وطلعت مستحيل اسمح لشخص مريض نفسي يأثر علية
سلال : نور نويران .....
نور : ها ها شبيج
سلال : زهراء عرفناها حور منو ؟؟؟؟
نور : والله ما ادري علمي علمج .....
سلال : امداني جا مو بيت حماج ما تسألين
.....
ريم : ها بنات وين هند ..... ؟؟؟
سلال : صاحتها عمتي جنان ..... رويم
ريم : هاااااا ......
سلال : حور منو ..... ؟؟؟
ريم : هند مو فصخت خطوبتها والسبب ان زهراء تسوي مشاكل بين احمد وهند واخر مرة كبرت السالفة من ردت حور على جهاز احمد هند تخبلت بيومها وفصخت كلشي ....
سلال : اهاااااا. ...... جا خوش كومن نركص
.....
ريم : يلا
نور : دخلن البنات وكلها صاحت وسع الميدان ياحميدان .... دخل السيد عقد وكمل وبعدها
صار الردح من كل قلب ولسان اسير ما قبل يدخل يلبسها الذهب وجدتي وعمتي سمية لبسناها وهزينا وهزينا وهزينا وتعبنا طلعنا للبيت بدون ما نحجي حرف سكتة .....