I hate that ' I love you '

Part : 28 💘

" အချိန်ရလား ငါ့မှာတော့ ပြောစရာတွေ သိပ်များတယ် "

သူစဉ်းစားနေပုံကိုကြည့်ပြီး Jimin က ခပ်ဟဟလေးပြုံးသည်။ ထိုအပြုံးလေးကို မလွမ်းမိပါဘူးလို့တော့သူမညာချင်ပါ။ ဒါပေမဲ့ တစ်နှစ်အတွင်းမှာ အနည်ထိုင်စပြုနေပြီဖြစ်တဲ့ သူ့ခံစားချက်တချို့ကို ပြန်ပြီးနောက်ကျိအောင် လုပ်သင့်ရဲ့လားလို့တော့ သူ‌တွေးနေမိသည်။

" ငါ ကားလိုက်ရှာပြီး ပစ္စည်းတွေတင်ပေးလိုက်ဦးမယ် "

" ခဏစောင့်လို့ရလား "

Jimin က ခေါင်းငြိမ့်ပြလိုက်သည်။ ကားရှာဖို့ထွက်သွားပြီဖြစ်တဲ့ Jungkook ရဲ့ကျောပြင်လေး တဖြေးဖြေးဝေးသွားတာကိုကြည့်ရင်းမှ သူခပ်တိုးတိုးရေရွတ်လိုက်သည်။

" တစ်နှစ်တောင် စောင့်ပြီးပြီပဲ Koo ရယ် "

#...💘...#

ရှုတင်ကနေ ဒုန်းစိုင်းပြေးထွက်လာတဲ့ မင်းသားက အပြင်မှာ အဆင်သင့်စောင့်နေတဲ့ ကားဆရာလက်ထဲကသော့ကို လှမ်းဆွဲလိုက်သည်။ ကားဆရာက ကြောင်နေတုန်းမှာပဲ နောက်ကလိုက်ထွက်လာတဲ့ သူ့မန်နေဂျာက မင်းသားကို အလျင်အမြန်တားလိုက်သည်။

" မင်းသား မဖြစ်ဘူး "

မင်းသားက နားထောင်ဖို့စိတ်ကူးရှိပုံမပေါ်ဘဲ ကားမောင်းသူနေရာမှာ ဝင်ထိုင်လိုက်ပြီးဖြစ်သည်။ မင်းသားရဲ့ ကိုယ်ပိုင်ဖုန်းက တဒွီဒွီနဲ့မြည်နေတာကြောင့် ရှုတင်ခဏနားတဲ့အချိန်မှာ ဖုန်းသွား‌ပေးမိခြင်းအပေါ် မန်နေဂျာကြီးမှာ ချက်ချင်းနောင်တရသွားမိသည်။

" မန်နေဂျာ Hyung အကူအညီတောင်းပါတယ် ကြည့်ကြပ်ဖြေရှင်းထားလိုက်ပါ ကျနော့်ကိစ္စက အရမ်းအရေးကြီးနေလို့ "

" ဘယ်ကိုသွားမလို့လဲ ကားဆရာနဲ့သွားပါ...မင်းစိတ်လှုပ်ရှားနေပုံပေါ်နေတယ် Taehyung ကားမောင်းဖို့မကောင်းဘူး "

ကားစက်နှိုးသံနဲ့ မန်နေဂျာ Hyung ရဲ့တားမြစ်သံတွေရောသွားသည်။ သူ့မှာ ဆွဲနေဖို့အချိန်မရှိပါ။ ပထမ Jimin ရဲ့ရုံးခန်းမှာ Jungkook ရောက်နေတယ်ဆိုတာကိုကြားတော့ သူမတ်တပ်ထရပ်လိုက်သည်။ ဒုတိယ Jeju ကအိမ်မှာ Yoongi ရောက်နေပြီဆိုတာကိုသိလိုက်ရတဲ့အခါ သူအခုလိုထွက်လာခဲ့လိုက်ပြီဖြစ်သည်။