I hate that ' I love you '

Part : 28 💘

ဒါပေမဲ့ အစ်ကိုကြီး Park က သူ့ကိုတွေ့တယ်ဆိုတာနဲ့ Jimin ကို ဝမ်းသာအားရအကြောင်းကြားပေးမယ့်သူမျိုးလား။ ဝေးပါသေးတယ်။ သူစိတ်ထင့်ရ‌ခြင်းမှာ ဘာတွေကြံစည်နေပြန်တာလဲဟု တွေးမိခြင်းကြောင့်ဖြစ်ပါသည်။

တစ်ဆိုင်ကနေ နှစ်ဆိုင်ကူးပြီးတဲ့နောက်မှာတော့ အစ်ကိုကြီး Park မရှိတော့သည့်အပြင် ဘာထူးထူးဆန်းဆန်းမှလည်း မရှိနေသဖြင့် သူနည်းနည်းစိတ်အေးလက်အေးဖြစ်သွားသည်။ ပစ္စည်းတွေ ကားပေါ်တင်ပြီးမှ ဒီအကြောင်းကို Min PD ဆီဖုန်းဆက်ပြောရမယ်ဟု ‌သူတွေးနေလိုက်သည်။

" ကားက ဟိုဘက်အပြင်မှာ...ကားဆရာကြီးကို မင်းသွားခေါ်ထားနှင့်မလား ငါပစ္စည်းသယ်လာတဲ့လူတွေကို လမ်းပြလိုက်မယ် "

" အေး ရတယ် "

Jungkook က ခပ်သွက်သွက်ခြေလှမ်းတွေနဲ့ ဈေးကြီးရဲ့ အနောက်ဘက်အပေါက်က ကားတွေရပ်ထားသည့်နေရာဆီသို့လျှောက်လာသည်။ ပစ္စည်းသယ်တဲ့ကားတွေက ရပ်ထားကြတာအများကြီးမို့ သူတို့ကားနံပါတ်ကို မနည်းလိုက်ရှာနေရပါသည်။

" ရှာတွေ့ပြီ! "

ဒီစကားက Jungkook ပြောလိုက်ခြင်းမဟုတ်ပါ။ မြန်ဆန်လွန်းစွာ Jungkook ရဲ့ဘေးကိုရောက်လာတဲ့ တစ်ချိန်က သူရင်းနှီးကျွမ်းဝင်ခဲ့ဖူးသော ခပ်ဖူးဖူးနှုတ်ခမ်းလေးတွေက ပြောလာခြင်းဖြစ်သည်။

" Koo "

" Jimin!! "

အစ်ကိုကြီး Park ကိုတွေ့တုန်းက ဘယ်လိုမှမနေပေမဲ့ Jimin ကိုတွေ့လိုက်တဲ့အခါ သူထွက်ပြေးချင်စိတ်တွေပေါက်သွားမိသည်။ တစ်ခါမဟုတ် တစ်ခါမှာတော့ သူ့စိတ်သူအဆင်သင့်ပြင်ပြီး Jimin ကိုလာရှာမယ်လို့ စိတ်ကူးထားတာရှိပါသည်။ ဒါပေမဲ့ အခုအခြေအနေကတော့ ရုတ်တရက်ဆန်လွန်းနေတာကြောင့် သူကြောင်အစွာရပ်နေမိသည်။

" ဘာမှမပြောတော့ဘူးလား "

" ..... ငါ ဘာပြောရမလဲ "

" မင်းက အရင်အတိုင်းပဲ "

Jimin ကတော့ တစ်နှစ်အတွင်းမှာ အများကြီးပြောင်းလဲသွားပုံရပါသည်။ အရင်ကလို ခပ်ရွှင်ရွှင်မျက်လုံးတွေနှင့် ပေါ့ပေါ့ပါးပါး လေယူလေသိမ်းလေးက မပြောင်းလဲသော်လည်း Jimin ရဲ့ဝတ်ပုံစားပုံကိုကြည့်ရသလောက် လူကြီးတစ်ယောက်ဖြစ်စပြုနေပြီဆိုတာကို သူခံစားမိလိုက်သည်။