وكر _الحر 🦅

البارت السابع

#وكر_الحر 🦅
(البارت السابع )
بشاير: حبيبتي اخيتي انه راح احجيلج بس اريدج تقوين اعصابج وتهدين شويه شويه لاتخافين ان شاءالله ماكو شي بس الزمي اعصابج تره انه البيه كافييني بعد مابيه اتحمل صدمات والله العظيم تعبت كلش *بدموع
زمرد: بشوره شنو صاير خوفتيني احجي شكو
بشاير: قبل كلشي اريدنج توعديني ماتتهسترين ولاتخافين ولاسوين شي بروحج
زمرد: لااله الالله بشاير تستفزيني بكلامج احجي حبابه صاير
بشاير: اسمعييي امييي مريضه بس مو مثل ماانتي تعرفين
زمرد: يعني شلون مثل ماانه اعرف صاير. بشاير خوفتيني احجيي مو حركتي اعصابي
بشاير : اسمعيني خيتي اسمعيني خل احجي .. شوفي انه بهل دنيا ماعندي غير انتي وامييي انه ابوي من مات نكسر  كلبييييي ونكسر اجناحي جان هوه الخيمه الي فوك راسنه هوه سندنه بهل دنيا راح وراحت كل ضحكه وفرحه ويا نطفه بيتنه راح شمعه البيت وخيمتنه وسندنه وعزيز كلبنا انه من ذاك اليوم الهذا اليوم وكلبي موجر عمن ماناويه تطفي ناره سمعيني ياخيتي امي مريضة وبيها جلطة بالدماغ ونشلت جهتها اليسره هساع ماتكدر تحرك شي من ايدها ورجلها وحلكها وماتكدر تحجييي عبن اول بدايتها بس
زمرد: لطمت ع وجهي صخام صخم وجهج يازمرد يمه قلبيييي راح يوكف دخيلك ربي ليش هيج المشاكل تركض ورانه ليش هيج دخيل الله ياربي رحمتك والله راح اموت بس شنو بشاير بس شنو احجيليييي بس شنووو ياخيتي
بشاير:  اهدئي انتي مو كلتي راح اسكت وماسوي شي
زمرد: ايييي شنو الصاير احجييي شهدء ولج شهدء بعد هالحجي هذا
بشاير: احتمال امي ماتعيش ..بحروق متقاطعه ودموع *
زمرد: ش ش ش شششلون بشاير شجاي تحجين انتي شتاقين وياي تعرفين بيه انه مااحب هذا الحجي لو انتي حلمانه وناويه تمقلبيني احب اكلج مقلبج بايخ عيب عليج انتي توج صاحيه من الغيبوبه ههه عبالها تعبر عليه كشفتج *بجييي وصياح
بشاير: ورورح ابوي الماحلف بي جذب انه مامجذبه عليج ولازم تتقبلين الوضع انه صح كلبي واجعني ع امي واكثر منج بس شبيدي غير ادعيلها والله يفرجها زمرد اريدنج قويه كلشي يصير ياخيتي كولي ياالله احنه ابوي شعلمناا دوم يكول صيرين قويات وسند بعضجن عبن احنه ماعدنه غير بعض كولي ياالله بعد حيلييي
زمرد: شلون بشوره شلون امييي راح تروح من ايدنه كليلي شلون بينه اخخخخ ياربي ليش بعمرنه الفرح مايدخلنه ليش ربي حياتنه مبنيه ع تعب والهم والغم شنو الي مسوي حته هيج صاير ليش ياالله ليششش * بدموع
حمزه: بشايره تحجي ويا اختها انه ترخصت وطلعت وبس اباوعلهن من الجامه شلون موتن روحهن من البجييي صدك نقهرت عليهن طبعاً خل اعرفكم شويه بنفسي
انه اسمي حمزة ضابط عمري 27 سنة زوجت العنود بنت خاليي ماعندي جهال هساع العنود حامل بولد وانه رابي ويا بشاير وزمرد من هنه صغار جان ابوي مسلم الله يرحمه صاحب عمييي طالب الله يرحمه جانو الروح بالروح من ايام الابتدائيه الحد ماكبرو وزوجو وصارو شياب توفه ابويي وراه بسبوعين توفه عمييي الله يرحمهم قبل لايتوفه عمييي جنت مخبوص ويااهم رايح جاي وبالمستشفى هوسه بلحظاته الاخيره جنت كاعد يمه كلي وليدي اريدن احاجيك بشغله وامنك عليها كتله كول عمييي عيوني الك امرني كلي بويه انه اول وتالي مامطول اريد امنك ع خياتك بشاير وزمرد اريدنك سند الهن واريدك بمچانيي وتوعدني مافديوم تتخله عنهن وتبقه وياهن السند مالتهن انه ماكدر امنهن غير بس عندك اخوي الي هوا ابن امي وابوي ويصير عمهن مأمن بي كثر مأمن بيك كتله عمي شهل حجي هذا كول ياالله ان شاءالله ترجعلنه سالم كال لابويه انه اول وتالي ميت وايامي معدوده ماطول هالحجايتين كالهن وتوفه سوده عليه من ذيج ساعه عاد انه خذت عهد ع روحي ابقه وياهن وسند الهن واحسبهن حساب مروه اخيتي عمن هنا عزيزات وامييي وخالة زهره اكثر من خوات هناا علاقتهن كلش قويه لهذا انه دوم وياهن ..
بشاير: زمرد كسرت خاطري وانه احاجيها ع امييي وهيه تبجييي تعبت ياربيي كلش تعبت الفرح مامكتوب النه ابد بعد ماكعدت من الغيبوبه مر سبوعين وامي بالمستشفى كل مانسئلهم يكولون زينه ومابيها شي لاجن انه كلبي يعلم اعرف امي مو زينه ضلينه وياها بالمستشفى انه ابات بليل وياها وزمرد ترجع والصبح هيه تجي وانه ارجع لليل اجيي بقينه فتره هيج وياها
يوم من الايام ........
زمرد: خيتي روحييي انتي تعبتي من المستشفى انه ابقه ويه امي وانتي باجر خل حمزه يجيبج
بشاير: لاانتي روحييي وانه الصبح ارجع
زمرد: بشوره لاتعاندين روحييي للبيت وانه هنا شبيج ماكو شي واخذي خالتي ام حمزه خطيه تعبت
بشاير : لا لا مابيه شي انه شوفي حته مانعسانه روحي انتي
زمرد: انتي مايفيد الحجي وياج اوكفي خنشوف حمزه
حمزه: السلام عليكم
الجميع : عليكم السلام
زمرد: الله جابك ياخوي تعال قنعها خل ترجع للبيت هيه وخالتي وانه اضل يم امي كتلها وماجاي تقنع والصبح هيه تجي بمچاني شوفها طفت من رئيسي وعيونها حمر
حمزه: هوا انه جاي اخذها وارجع للبيت اوصلها هيه وامي واجيب مروه يمج
زمرد: لايخوي خطيه لاجيبها انه هنايه يم امييي اكفي واوفي
حمزه: لاشلون هم تردين ترتاحين انتي تبقه هيه وياج يلا بشوره يلا عيوني امشي
بشاير: والله مابيه شي روحي انتي
زمرد: روحيييي وبلا ححي زايد ديلا ماريد اسمع حجايه
بشاير: امري الله ديربالج ع امي وخاف يصير شي صيحي الدكتور وهاا لا سهرين تمدديلج شويه يمها ع قنفه وبس تلاحظين شي غريب صيحي عليهم وديربالج ع امي وع نفسج. ووو
زمرد: مو فتهمنا يا عيني شايفتني زعطوطه يمج والله فتهمت روحييي حبيبتي روحييي وانه يمها لايضل بالج انه وامي بخير بس روحي
بشاير: باعي زمرد بس
حمزه: امشي يابويه هاي يمها الدكاتره وانه اوصلج وارجعلها بعد شنو امشي لايضل بالج
بشاير: خوش جاا انه رايحه ديربالج يلا مع السلامة
زمرد: الله وياج حبيبة
حمزة: خويه انه ماطول عليج ازتهن واجيب مروة واجيج خوش
زمرد: خوش الله وياكم محروسين بااسم الله
حمزه: يلا مع السلامة ..
زمرد: راحو بشاير وحمزه وخالتي ام حمزه وبقيت كاعده يم امي انه جايبه وياي قران كعدت اقره قران شويه ودخت رحت اجيبلي شي اشربه واغسل وارجع الامييي رحت غسلت واشتريت عصير وكيكه برجعتييي واشوف رجال طالع من غرفه امي يااا هذا طول مو غريب عليه هذا منوو ...
العم ساميي : اخذت اوراق القطعه ورحت الزهرة انه ادري بيها ماتتتنازل اذا ماهددها اتفقت ويا جماعه انه صار فتره مراقبها كتلهم بشاير بنتها راح تطلع بس ادخل الها واهددها اذا ماقبلت ارمو ع سياره الي تطلع بيها وسحلوها وياكم والله رحتلها واخذت الاوراق دخلت لكيتها متمدده وتباوع بسكف العم سامي : السلام عليكم ام بشاير
زهرة : *بدموع وارتباك وخوف وقلق بدون كلام {لان ماتكدر تحجييي بس تباوع بعيونه }
العم سامي: خطيه شوف حالتج تكسر الخاطر ادري بيج ماتكدرين تحجين الهدا السبب انه جايج اليوم وعندي طلب يمج وانه ادري بيج بنت اجاويد وراح تقبلين واكيد تقبلين برضاتج مو غصبن عنج احنه اهمشي سلامتج نريد مو صح
زهره: 😔😭.
العم سامي : زهره انه جايب اوراق وياي واريدج تتنازلين عن القطعه واذا ماتنازلتي هسه وقعتييي هنااا راح يصير غير حساب وياج فَ توقعين لو شوفين بنتج بوادي السلام تره هيه هسه طلعت هيه وحمزه وامه عادي هسه اخابر جماعه واخليهم يخطفوها ويكتلوها ويذبوها للجلاب كلش عادي فَ شنو رئيج ؟؟ بمكر*
زهره : مابليد حيله فقط تبجي .
العم سامي: شوفي ماينفع البجي لاتعطليني انه اريدن توقيعج واروح مابيه تعبتوني رايح جاي رايح جاي وصار شكد اراقب ادري بناتج لازكات يمج اربعه وعشرين ساعه مجلبات يمج تعبت يلا وهسه لاتعبيني اكثر وتعاي وقعي ادري بيج مشلوله وماتكدريت بس انه راح اطيج القلم باايدج الثانيه وانتي مثل شاطره راح توقعين واذا مارضيتي عادي شوفي بنتج بالمكبره كلش سهله انه اكول لوشوفيها بالمكبره احسن من توقيع مو بلا
زهره: ...😔😔
العم سامي: عفيه عليج هسه خوش مره انتي يلا اودعناكم عود عندج العافيه يامشلوله *بااستهزاء ومكر  ..
زمرد:  اي هذا عمي عمي والله عمي من الله ياخذه وساعه سوده صار بيها عمييي طلع واشوف اوراق بيده بس هذا جابه هناا وشلون عرف احنه بهاي المستشفى وشعنده ويه امي رئسن اجه بالي بيوم اجانه للبيت ويهدد ركضت ورا وصحت عليه اوكفففففففففففف * بصياح
العم سامي : خيررر شتردين
زمرد: ولك انته هم الك عين تحاجيني والله ماتستحي شعندك هنا وشسوي بغرفه امييي حقير
العم سامي : الزمي حدودج وتئدبييي لااربيج ع ايدي وبعدين اجيت اشوف امج تعرفيني صاحب واجب من يوم يومي
زمرد: بااستهزاء *كلش صاحب واجب الله يسلمك  احجيييي هيييي شسوي يم امييي ولك والله عيب عليك تدري استحي من يكلولي هالرجال شيصير منج واكلهم عمي اخو ابوي عمت عينك اي والله ماتوصل الربع ضفر ابوي الله يرحمه ويرحم ترابه حقيررر الله لايوفقك شتتتنه واذيتنه وامي بسبكك وهيه بالمستشفى تعرف انه اكدر اشتكي عليك بس اريد الله ياخذ حوبتي وحوبه اختي وحوبه هالمره المشلوله جوا ياعديم الاحساس ياعديم الاخلاق حسبي الله ونعم الوكيل بيك يااجلب مابيك ذره شرف واخلاق والله لو بيدي اخليك تخيس بالسجن بس عبن اخاف ع بناتك ومرتك لان خوش مره وخوش بنات واخاف لايشتتن بس اريدن الله ياخذ حوبتي منك ياحقير * بصياح
العم سامي : انه هذا الكلام كله ماينفع وبعدين جاي تحجين عليه ابوج هذا الكواد الساقط الله لايرحمه هوا الي وصلني لهنا لو مارايح وخاطب زهرة حياتي جان ماصار هيج وجان انتي اليوم بنتييي بس سواها الساقط وبعدين كلامج ماياأثر بيه دام اخذت الي اريده ويلا مع السلامة ياابنت طالب افندي
زمرد: طلع وانه دموعي يصبن وادعييي عليه حسبي الله ونعم الوكيل بيك عسى حوبتنه ماتعداك بنات ويتامه وهيج تأذينه حسبي الله ونعم الوكيل
قول الله تعالى: {فَأَمَّا الْيَتِيمَ فَلَا تَقْهَرْ}
وقول الله تعالى : {إِنَّ الَّذِينَ يَأْكُلُونَ أَمْوَالَ الْيَتَامَى ظُلْمًا إِنَّمَا يَأْكُلُونَ فِي بُطُونِهِمْ نَارًا وَسَيَصْلَوْنَ سَعِيرًا}
بس شكول للي مايفتهم حسبي الله ونعم الوكيل بيك اي والله ربي مسلمته باايدك هذا المايخاف الله النذل حسافه انته اخو ابوي اي والله حسافه طبيت جوا وانه دموعي ع خدي ومحروك كلبي بطبتي لكيت امي سوده عليه نايمه انه هم كعدت اكمل قران  شويه واشوف امييي نفسها مو طبيعي والجهاز بده مثل الانذار ينطييي انه هنا كلبي بده يوكف دخيلك ياربي ركضت صحت الدكتور .. دكتور عفيه الحك امي امي امي مادري شبيها
الدكتور: احمد صيح دكتوره اسيل وتعال
زمرد: ياربي دخيلك فدواتك ياالله
الممرضه: عزيزتي مايصير تبقين هنا اطلعي بره خل نشوف شغلنه
زمرد: طلعت وانه دموعي يصبن شويه وصار يمي حمزه ومروه
حمزه: شبيج خويه صاير شبيها خالتي
زمرد: بدموع والله ياخويه مادري اجيت اكمل قران يمها بس رحت غسلت واجيت لكيت الجهاز ينطي انذار انه خايفه خايفه ياربي اريد امي سالمه *بدموع
مروة: حبيبتي لاتخافين كولي ياالله هساع يطلعون يطمنونه
حمزة: بسج بجييي ذكري الله
زمرد: ونعم بالله اباوعلهم الدكاتره مخبوصين وحطو صعقات كهربائيه وانه هنا زاد البجي مالتي وخطيه مروه تصبر بيه وروحي فارت ياربي دخيلك الله لايوفقك ياساميي ياحقير حسبي الله ونعم الوكيل شويه وطلع الدكتور
الدكتور: منو جان يم المريضه ؟
زمرد: انه دكتور
الدكتور: شلون صارت حالتها هيج حاجيه شي يمها مئذيتها بكلمه او اكو احد غيرج اجه يمها
زمرد: خفت اكول شفت عمي وانه اصلاً مادري بي حاجي وياها ولاادري الي صار شنو لا دكتور بس انه رحت اغسل واجيب عصير وكيكة لان شويه دخت واجيت اكمل قران يم راسها شويه واشوف الجهاز ينطي انذارات وركضت صحتكم وبس * بدموع ليش دكتور امي امي بيها شي
الدكتور: خويه ابو اسد ممكن شويه من وقتك
حمزه: خير ان شاء الله تفضل دكتور
الدكتور: شوف خويه انه راح احجيلك والباقي بعد يم رب العالمين المره متعرضه الصدمة هسه او سامعه حجايه غاثتها وبسبب هذا كلبها وكف ورجع هسه بصعقات الكهربائيه بس حالتها ماتبشر بخير ماريد اي شخص يدخل يمها هسه لان وضعها مايسمح وحالتها حرجه الى درجه انه بعد العلي سويته لان اي علاج بعد ماينفع وياها والباقي يم رب العالمين
حمزه: مثل صاعقه صعقتني هسه شكل البناتها ياربي امتحانك صعب ياالله اوففف دكتور كول غيرها اصلاً محد مسعمها شي وسمعت بنتها شكالتلك
الدكتور: انه شمدريني مابنتها جذب الله كريم هساع سويت العليه والباقي يم الله
حمزه: ونعم بالله عافني الدكتور وراح وانه ضليت مسلهم مادري شسوي الامتحان صعب ياربي حيل صعب
زمرد: خير خويه شكال الدكتور*بدموع
حمزه: والله ياخيتي انه مامستعد اجذب عليج الي كاله الدكتور 👆🏻هيج وهيج ادعولها والله كريم
زمرد: لطمت ع وجهي صخام صخم وجهج يازمرد عمت عيني عليج يمه  تعبت والله تعبت بعد شتحمل اخخخ ربيييي دخيلك مالي غيرها ياالله عيني بعينك لاتكسر كلبي وانه يتيمه انه واختي يالهي مالنه غيرك احنه المنه وبينه يشمت علينه ياربي لطفتك ورحمتك ياالله * بدموع ذكرت ابوي
-امس بالليل جنت محاضن وياه
ابويه .. الرسمت اشفاهه ابتسامات
ومن دك الصبح آذان الكعود
كلبه يقيم حي اعلى المعاناة
بسته وجن اشم بيه ريحه اوداع
ودرب الموت خضر بيه علامات
اتانيه وونيني يسأل الروح
ابويه وين مو وكت العصر فات ؟؟
ولن تابوت بحضن والدي يكول
صبراً يايتيم .. التنطره مات 💔
تمنيت ابوي عايش جان ماصار كل هذا اخخ ياحركت كلبي اخخ *بجي بقت خطيه مروه تهدي بيه وماخلونه بيومها ادخل يم امي رحت حاجيت حمزه خويه ابو اسد اريد اكلك شي
حمزه: كولي خيتي امري
زمرد: مايامر عليك ضالم بس ماريد تكل البشاير صار اريدها ماتدري بشي هيه ماتتحمل وتوها صحت يلا ماصدكت صارت زينه دخيلك
حمزه: بس خويه شلون مااكلها هيه هم امها
زمرد: خويه مثل ماكتلك والله بعد مابينه صدمات تعبنا
حمزه: خير ان شاء الله خويه الله كريم
زمرد: رجعت كعدت ومروه خطيه غفت ع كرسي وابوسد طلع بالحديقه يخابر مادري منو بقيت صافنه وانه افكر بعمي وباامي ومادريي عقلي شوش تعبت ونمت ع كرسي وحلمت عمييي رابطنه انه وبشاير وبيده سوط ويضرب بينه وملابسنه مشككه ومجروحات وبشاير وجهه وملابسها كلها دم وانه هم نفس الشي وامييي نايمه كبالنه ولابسه شي ابيض وعمي بيده سجينه واوراق ويكلي تننازلن لو اكتلها واحنه نبجي ىنصرخ لااااااا تكتلها لاتكتلهااااا واخذ سجينه وحطها بكلب امييي وفزيت اصرخخخ لاااااااا تكتلهاااااااااااااا حقير الله ياخذك حقيرررررررررر
مروه: ييمه اسم الله الرحمن شبيج خيه شبيج
حمزه: خيرجن شبيجن شبيج خويه كولي ياالله
مروه: حمزه جيبلها مايييي خطيه راح تموت
حمزه: يلا خويه هساع
زمرد: جابليي حمزه ماييي وتفرك ع ضهري مروه وانه الهوا نكطع منييي عبالك واحد خانكني فتحت شالي ولميت عبايتي وكمت اشهك بالهوااا اريد بس اتنفس وابجييي ياربي رحمتك استغفرالله اعوذو بالله من الشيطان الرجيم
مروه: هاج خيه اشربي المايييي واحجيلي شبيج
زمرد: اخذت الماي شربته وجسمي كله يرجف
مروه: ها شلون صرتي
زمرد: احسن
مروه: شبيج خيه هذا حلم والله كولي ياالله
زمرد: خيه كابوس كابوس وعلي كافل الايتام كابوس يمه كلبي اجه يوكف
مروه: اسم الله ع كلبج شفتي خيه
زمود: حجيتلها الحلم وهيه لطمت ع صدرها
مروه: عزا العزاج يامروه يمه دخيلك ربي ياالهي لطفتك ورحمتك بهل يتيمات ياربي دخيلك
زمرد: خيه اريد قران اريد اقره شويه بلكت ارتاح
مروه: كومي خيه روحي غسلييي وتعالي انطيج القران اقري شويه بلكت ترتاحين
زمرد: رحت غسلت واخذت القران بديت اقره شويه ارتاحت نفسيتي طر الفجر وانه عيني ع غرفه مادري بعد شلون رجعت غفيت فزيت ع صرخه ......
#الكاتبة نيروز الكربلائية.🖤

💔💔💔.