بيلار؟ هلكت بجي عله اهلي أريدهم ظليت بمكاني وناشغ أريد اخوتي مااعرف شكد مر وقت سمعت واحد أجه أتوقعته هوه كعدت بل زويه وحضنت رجليه وابجي طب وحجه كتله رجعني لماما ودمعتي بعيوني
ابو الحسن؟ رجعه لهلج ماكو وكومي أكلي
بيلار رجعني يم ماما أكل
ابو الحسن؟ بله لغوه زايده وكومي
بيلار؟ ماريد تقبل واحد ياخذ اختك من البيت هيج ويحبسه
ابو الحسن؟ خل بس واحد ايفكر ايكول اسمها ادفنه وهوه عايش
بيلار؟ ضجت وكمت صيحت لعد شلون ترضاه عله بنات العالم
ابو الحسن.. لتاكلين خره (العفو) لتخليني اتصرف غير تصرف وياج كومي أكلي
بيلار؟ ضجت حيل وطكت فيوزاتي وجان اشمر صينية الأكل بل كاع وكع عليه الأكل وصار من العصاب نار وشرار واجه عليه لزمني من ايدي وكال
ابو الجسن؟ كامت وجان تشمر الصينيه بل كاع وكع عليه مركه وتمن هم زين الأكل دافي مو حار رحت عليه ولزمته كتله إلى مااكسر ايدج ما اطل ابو الحسن وشمرته بل كاع وطلعت وركعت الباب حيل بس ما قفلته ورحت غسلت وبدلت ورحت كعدت بل مضيف اشويه واجاني الكهوجي وكال
شيخ اكو خمس شباب يردونك
ابو الحسن؟ دخلهم وطلع شويه ودخلو خمس شباب
مرتبين وكفت وسلمت كتلهم اتفضلو كعدو كلت الله بل خير
ردو الله بل خير والعفيه
ابو الحسن؟ اي سنو طلابتكم
ابو الاكبر؟ بعد ماوصلن وصار هل كلام كلته طلابتنه وياك
ابو الحسن؟ ستغربت كتلهم وياي
ابو الاكبر؟ اي وياك طاب بيتنه وماخذ اختنه من نص البيت احنه مااريد لا مشاكل ولا دكه ولاحك ولافصل
اطينه اختنه ونروح
ابو الحسن؟ هاا يعني انتو أولاد زامل
بشار؟ اي احنه
ابو الحسن؟ وحكي اني منين اخذه وابوكم الي ضحك عليه
هميمن شيخ شنو هل حجي شنو ضحك عليك
ابو الحسن؟ انتو باركتو لبوكم عله زواجه
ردو مصدومين شنووو زواج
ابو الاكبر؟ كول يا الله شيخ
ابو الحسن؟ يا الله خن احجيلكم السالفه ابوكم قبل سنه ونص اجه وطلب مني 12 شده كال بنتي بيه صرطان
مهدي؟ سم الله شنوو صرطان مابيه
ابو الحسن؟ اعرف وكال راح اتموت واجيت عله الله وعليك وبعد شهر ونص او شهرين يطلعلي ورث وانطي الك واني هم شلت وانطيته ودلاني عله بيته حته أمر اخذ الفلوس المهم مر شهرين وثالث واربع وصار سنه رحت للبيت باوعتله قديم حشاكم حيوان ميكعد بي سئلت طلع مهجور من عشر سنوات عرفت انضحك عليه دورت على ابوكم لكيته وديت طارش
عليه ما رد عليه كلت انطي مجال رديت قبل فتره دزيت كام ايشمر بحجيه رحتله اني بنفسي ونطيته مهله اسبوع وبهل اسبوع طلعت سئلت عليه طلع ما عنده بنت مريضه ولا كاعد بل فكر ما شاءالله انتو اتسدون عين الشمس المهم من سئلت طلع مزوج
بل فلوس ورايح لبغداد ولابنت مريضه ولاغيره
واني كتله الى صدك بنتك مريضه اني اتكفل كل علاجها والفلوس مااخذهن بس طلع كله كذب وصارت اختكم كدامي الي ايكول عليه مريضه وماشاءالله كلشي مابيه لاصرطان ولاغيره ايجيبلي افلوسي ياخذ بنته ميجيب ماايشوف ضفره بعد
