ابو الحسن؟ بعد ماسمعت كلامهم صعدت عدي فول
وقررت اني اروحله بنفسي بل طيب مااجه بل غصب يجي كملت ويه الناس كمت رحت للبيت سبحت وبدلت ورحت لبيت الرجال الي اطلبه فلوس دكيت الباب طلعتلي ابنيه حلوه ومرتبه كتله أريد رجال احجي وياه مااريد مره
هسه نتعرف علع بيلار
مرحبا اسمي بيلار اعرف سمي غريب معنا النسمه الرقيقه بابا سماني هيج لئني البنت الوحيده على خمس ولد واخر وحده؟
عايشه بنص اهلي بابا اسمه زامل عمره 57 امي اسمه
ناديه عمره 50 اخوي الچبير اسمه ابو الأكبر عمره 35 مخلص معهد موارد مائيه ورا اخويه مهيمن عمره 30 هاذه معلم عربي ورا اخويه بشار عمره 28
مخلص اعدادية تجاره ورا اخويه مهدي عمره 25 هاذه مخلص اعدادية صناعه ورا اخويه كرار عمره 23 بعده طالب جامعه مهندس مدني ورا اني اخر العنقود عمري 20 طبعاً اني وكرار مناكر اربعه وعشرين ساعه طبعي اعنوديه وماارظه بشي
وارادد ايحاجيني بكلمه ارد عليه بعشره عود بابا سماني بيلار حتى رقيقه وكلي انوثه بس اتربيت بنص خمس ولد ماشاءالله واني صرت السادس الحمد الله 😄 بابا دائمن ايكول صوجي سميتج بيلار المفروض اسميج جبار جابر جاسم دراسه وصلت خامس اعدادي وجيمت كوه طلعت وبل سادس عصيت وجان ابطل لان موشاطره بل دفرات انجح عكس اخوتي وصراحه نومت الصبح ماتتفوت 😂 وتركت احنه ناس عله كد حالنه بس الحمد الله مكتفين واخوتي ولا واحد متعين على شهادته وشكلي عادي ملامحي حلوه مرتبه وشعري طويل حيل يم ركبتي تقريباً ماما ماتقبل جانت اكصه ابد وتهتم بي وهيه اتمشطه بيده لحد هسه المهم مره كاعده بل حديقه وندكت الباب عدلت شالي وكمت فتحته واحد كام يحجي من وره خشمه ومبين افه كتله وشبيه المره يمه ماعاجبتك تاج راسكم المره
شو هاذه اعيونه صارن حمر من العصاب عفته ورحت صحت بابا طبيت وكتله بابا اكو واحد ايريدك بل باب طلع بابا ودخله لصاله وصاح عله چاي كمت اسوي چاي
ابو الحسن؟ طلعت البنيه لسانه اطول منه عشر امتار والله لو ماطابه وصايحه ابوه جان ظربته المهم دخلني وصاح عله چاي واجه كعد بس مبين مرتبك
كتله ماشالله بيتك چبير عكس الي شفته خرابه
زامل؟ هاا اي مو هو اشتريت بل افلوس بيت
ابو الحسن؟ هاا معقوله هيج بيت ب 12 شده اذا صدك چاا كل الناس اشترت اقل شي يطلع سعره بعد التصليحات ب 30 شده
زامل؟ هاا شيخ هوه حصلته بهل سعر
ابو الحسن؟ بدون لف ودوران وتوتر اعرف كلشي وهاذه البيت ورثه ومن ذاك الزمن انته مشتري حصص اخوتك والبيت بأسمك فه شوف السبوع الجاي اجي اخذ الفلوس كامله صبرت هواي واذا مادبرتهن غير حجي ايصير يلا اترخص
زامل؟ ماشربت چايك
ابو الحسن؟ عله السبوع الجاي اودعناك وكمت طلعت وهوه وراي طلعت وصعدت سيارتي وتوجهت للبيت جان عندي فصل بدلت وتوجهت لمكان الفصل وحليت الأمور وراه رحت للبستان الي احترك لكيتهم منضفين وشايلين الشجار والزرع الي احترك وامضبطين الأمور صار اليل ورحت عله ابن عمي فهد
اخذته وطلعنه رحنه للسوك ومرينه عله ايهاب وكعدنه يمه سوالف وضحك وچاي ورجعنه للبيت وفهد بات يمنه
