كفي والمنجمه

بارت الرابع والعشرون ج2

جا وخر ايدك عنها راح يوكف كلبها البت تعبت

رد دفعها وجر شعري اكثر رفع راسي دنگ گال اروح وارد اذا بس لكيتج متحركه موش احرگج لااا حرام ادفنج وانتي عايششه سمعتييي

اشرتله اي

-ماخذتني على كد عقلي لججج

- مارديت ضغط على سنونه ودفعني انركع راسي بالجرباية صاح بحرگة گلب ودفر الكنتور بكل حيله من قوت الضربة طگ الباب بالنص؛ لزم راسه باوعلي ينفت اباوع عيونه اتحولن مثل الدم رجعت ليورا اباوعلة بتحدي وبنفس الوقت الشهگه بكلبي احس نار تطلع من جواي

دنگ مسح وجهه اخذله ثواني وطلع ركع الباب ورا

سماح - اشبيج اتسودنتي علي خبلتي

-مااريد اعيش ويا

-غزل موش طفله انتي افتهمي يكلج ماعندي احد مضطر شيعمل متكليلي راد يروح يجي بدون لاتعرفين حتى لاتنقهرين

-وكل عقله اذا دريت بعدها راح اضل وياا وروح بابا لو يصير الروح هم اتركه وهسه ارجع لماما اذا هو سبع خلي يوكف بوجهي

بعدني احجي وانفتح الباب دخل اجه بسرعة راد يدفرني ركضت سماح صارت بوجهه كمشته من صدره كالته لخاطري اتركها

لميت روحي خفت يكتلني ضميت راسي بحضني واشهك

عصر جف ايده يباوعلي بحرگه صاحت وسماح مؤتمن خشمك ينزف يمكم صعد ضغطك يمعووود

دفعها ودنگ عصر راسه

-دخيل الله شصابك اصيحلك مصطفى

مارد وخرها عن طريقه وراح طلع راحت ورا تركض

لميت رجليه خليت راسي بحضني دموعي تنزل احس كلبي يفور لليل واني على كعدتي لاسمعت صوت ولا واحد مر لحد ما دخلت سماح بيدها صنية اكل خلتها كدامي كلتلها مااريد شيلي

-ولج اكلي لكمه بلا غده انتي

-مااريد وخررري وين مصطفى

-ااااي غزل حتى يحركم سووه

-حتى لو يحركني هم ماراح اضل

كل عقلج انتي غزل شنهو ماتعرفين مؤتمن اخاف نسيتي وعلي يسحلج ويشمرج بالغرفة ويقفلها عليج لمن تموتين وحدج عقلي ترا اتحمل جثر منج وعبرلج لاتزوديها

اريد اروح لماما

-وكلام الله يغزل يرد امج الامريكا ويخليج تحت رحمة مثل قبل عليش خيه تعمين على نفسج كلش زين تعرفين مؤتمن يكدر يسحكج ومحد يوكف بوجهه

-يعنييي شنووو

-اشلون بلوه يربي هو متخبل بجهه وانتي خبلتيني بجهه

رجعت راسي بحضني غمضت ردت تتوسل اكل شافتني ماجاوبتها اخذت الصنيه وطلعت

تمددت بفرشتها خليت راسي احس يريد ينفجر من الالم شوية ودخلت كتلها فدوه راسي حينفجر انطيني مسكن