كفي والمنجمه

بارت الرابع عشر

كفي والمنجمه

بقلمي: leo Alfatlawi

بارت الرابع عشر ****

اباوعلة واكف  امجتف ومنتجي على سيارته
اريد اسحب نفس مااكدر شي قبظ على نفسي اختنكت جان شكله مثل الاعصار 

اجه اتجاهي عيونه حمر وقابض على جفه حيل بحيث امبينه دمارات ادي قرب مني وهو كاز على اسنونه يباوعلى بغضب ردت اندار على رزان اكلها لحكيني  ماكدرت مثل الانشليت من الخوف

مسافه صارت قريبه لان جاي بسرعة يمشي اتجاهي اريد ابلع ريكي ماكو حسيت مثل الشي ينسحب من روحي والدنيا دارت الخوف احتل جسمي بعد مااكدر اوكف قرب يمي والدنيا ظلمت ماهيست شي

فتحت اعيوني لكيت روحي بالسيارة ركزت اكثر هذا مؤتمن يسوق ومكرم كاعد يمي يمسح بسلاحه  شلت راسي من الكشن واني كلبي يدك الف دكه بالثانية اتنفس سريع

همست مكرم وين راح تاخذوني

باوعلي ودار وجهه مارد

-شنو راح يسوي بيه

-ماادري

-راح يكتلني موو بس مسويت شي اني لويش اتكتلوني

-اشش لاتحجين

- فدوه مكرم لاتخلي يكتلني الله يخليك

اني احجي وعاط  مؤتمن بصوت رج السياره بي لميت رجليه لحضني وخنست اباوعله  اشلون شكله يخوف ومكرم يعدل بالاقسام  مالة سلاحة عرفت ماراح يرحموني؛ عصرت نفسي ورجعت ليورا اكثر  بس صوت الشهكه تطلع مني واحس كلبي راح يطلع من الخوف

جان يسوق بسرعة خياليه  كوه متحمل ساكت كل اشويه اتوقع يوكفون مكان يكتلوني بي ؛ شطحت السياره رادت تنكلب  من السرعة

كمشت بالكرسي الكدامي كوه مااعرف اشلون سيطر عليها وكفها

مكرم -مؤتمن انزل انه اسوق مكانك

-انكتم

-يخوي خفف السرعة موهيج جان متنه

-مكرم انزززززل

-وين انزل اشصابك يخوي ادري تريد توصل بسرعة خليني اكمل مكانك بين ما ترتاح اشويه لاينفتح جرحك صار كم ساعة ضاغط عليه

-ماينتفح الصخام بس اسكت تره راسي راح ينفجر صوووتتك

-هسه شنهو ها لحاله العندك عليش اميبس راسك اكلك ساعة وحده ارتاااااح وارجع سوق يابه على نفس السرعة راح اكمل ميخالف بس بعد

مؤتمن جان معاند ومكرم يلح بس امبين مؤتمن يتألم من بطنه يمكن الجرح اتاذه و يكابر ضل مكرم يلح كوه قنعه يرتاح اشويه نزل من مكانه فتح الباب الخلفي مالة السيارة  اني شفته راح يجي يمي واني حتى كلبي اتوقف من النبض

صعد وسد الباب اندار نزع  الغتره وخلاها على يده الباب وخله راسه عليها اتمدد وحده من رجليه دفرني بيها ادنين انحشكت بالباب وهو عكسها والثانية خلاها جوه بس جان امبين تعبان حيل بحيث لاحجه وياي ولااباوعلي ملتهي بجرحه خال ايده على بطنه وغمض حيل يريد يمتص الالم خله ايده الثانيه على اعيونه