كفي والمنجمه

بارت الثالث والعشرون

كفي والمنجمه

بقلمي: leo Alfatlawi

بارت الثالث والعشرون***

 
منظر رجاء وصوتها جانوا كفيلين بزرع الرعب داخل الشخص المقابل

رجليه ماتت مااعرف شنو صارلي اريد اوصل يمها مااكدر ؛سماح جانت سريعة ركضت واني وكفت مكاني اراقبهم من بعيد ماجان عندي الجرأة  اوصل لان ما ماره عليه هيج شي من قبل وخاصتاً صرختها جانت تخوف لدرجة جمدتني بمكاني

نزل مؤتمن على صوتها يركض  گعد كدامها نص كعده   يريد يفهم شكو

كم مره عاد عليها السؤال مترد  كمش راسها خله بحضنه يهديها بس هيه جانت مستمره بالبجي واللطم 

لمن صرخ بيها حيل كلها فهميني بويه اشصابج
كلنه جنه واكفين نريد نفتهم و اخيراً نطقت گالت
-احمد طگني  يخوي اخيتك انهانت بوجودك 

بهالحظة دخل احمد وراها يصيح وينججج

اندار مؤتمن  على صوته وترك اخته وكامله اول ماوصل  بدون لايحجي سحبه  رفعه من ركبته بالهوا  صك على اسنونه؛ شراينه جانت ظاهرة من كثر الغضب
-
-اشلون تمد ايدك عليها ماگال غير هاي الكلمة ودگه بالكاع

دنگ علي رجع رفعه رگعه بوكس من قوة الضربة  يمكن اتفلش وجهه

ركضت عمتي طلعت بره تصيح لحكونا  لان مؤتمن اتولاه ضرب  بدون وعي  

ثواني و دخل مكرم  يركض  وره عمتي كلما يحاول يبعده عن احمد ميكدرون لان مؤتمن ضخم يختلف عنهم وفوكاها معصب وناوي على موت احمد

عمتي تلطم اتكله مات الولد بيدك ولك تركه ومكرم يحجي ويجر بي بس جان فاقد ماتركه لمن احمد كام يتقيء دم من حلكه 

سحبه مكرم دفع مكرم رد دفره بطنه ركضت عمتي ومكرم كوه بعدوا صاروا بوجهه كامشي  صاح بصوت رج البيت بعدووووا عني

مكرم - يخوي راح يمووت

-بعد ماطگه خلي افهم عليششش طاكهااا

احمد -تغلط على امي

-غلطت ماكفرت عليش ماجيت كلتنه شنهو اتمد ايدك عليها ماوراها زلمم

-اكلك تغلط وسبتها من احاجيها اترادد وحاسبه الكل خدم جوه رجليها اختك مامتربايه

-اخت منهو لك  ماتمتربايه من انعل ابو عشيرتك اليوم

دفع مكرم  على عمتي وركض شاله من ركبته رفعه ليفوك كطع التنفس  اباوع لاحمد يرفس بلا نفس

ركضوا الكل الي يحر بمؤتمن والي يسحب بأحمد وعمتي تضرب بظهره بس رادوا يفكوا لان سكت
من شافه فقد شمره بالكاع وگع على وجهه  كوه يتنفس ويكح

دفره وكله مالك مرة عندي اطلع منا اذا لمحت ضلك صوب البيت اترسك بارود وانعل ابو اليوكف بوجهي