A Hundred Billion Worth

Kabanata 15

"Ano y-yon hija? 'Di kita marinig." he hiccuped and drank a cup of beer.

Kasali ba sa kalasingan ang maging bingi? Natatakot tuloy akong uminom. Baka kasi 'pag lasing ako at sinabi ni Caspian na makakaalis na ako, hindi ko marinig. E 'di wala, wala na.

"Sa port ba hija? Dumiretso ka lang doon at lumiko ka sa kanan. Dumiretso ka ulit at lumiko ka sa kanan. May makikita kang malaking gate doon. Sa likod no'n ay ang port." paliwanag ng isang hindi lasing na matandang babae. Mukhang mag-asawa ata sila no'ng lasing na lalaki.

"Salamat po," magalang kong sabi at mabilis na pinaandar ang sasakyan. Medyo malayo-layo pa naman ang lilikuan ko.

Gusto kong maniwala na ayos lang si Kara. Na sana ay hindi siya sinaktan ng mga taong 'yon. Kung alam ko lang na mangyayari 'to ay sana hindi nalang ako nakipagpalit kay Kara. Siguro ay maililigtas ko pa ang sarili ko sa ibang paraan.

Nanlalamig ang mga pawisan kong kamay na mahigpit na nakahawak sa manibela. Medyo nanginginig pa ang mga kamay ko.

Mabilis akong nakarating sa sinasabi nilang malaking gate.

Akala ko ay hindi nila ako papasukin ngunit nasa malayo pa nga lang ako ay may nagbukas na sa gate.

Siguro ay kilala na nila ang nagmamay-ari ng kotseng 'to? Akala siguro nila ay si Caspian ang nagmamaneho.

Dumiretso lang ako papasok sa loob at hindi naman nila ako nakita dahil sa tinted ang mga salamin.

Hindi pa ko pa nga maayos na naipark ang kotse ay agad ko ng pinatay ang makina at mabilis na lumabas.

Bumungad sa akin ang madilim na dagat at kalangitan. May iilang ilaw sa paligid at pati na rin sa mga ship o 'di kaya'y mga yacht na nanatiling nakalutang sa dagat.

Mabilis akong lumapit sa kasintahan ni Kara na parang paaalis pa lang sa yacht. Tumawid ako sa plank at mabilis na nakapasok sa yacht.

"M-Ma'am Khione? Ba't nandito po kayo? Bakit suot mo po ang damit ni Kara?" gulantang na napaatras ang kasintahan ni Kara.

"Pupunta ako sa resthouse. Sa isla kung saan dapat sa mga oras na 'to ay nagpapahinga na ako roon," mabilis ko siyang iniwan doon at umakyat na papunta sa bridge ng yate.

Naramdaman kong sinundan niya ako.

"Pero Ma'am Khione, gabi na po at baka ay pagalitan ako ni Sir Lordcan," nababakas sa boses niya ang pag-aalala na baka ay magalit si Caspian.

Galit na 'yon kanina pa.

Alam kong maaring hindi siya papayag sa kagustuhan ko. Wala akong magawa kung 'di ay ang papatakbuhin ang yate na 'to.

Ayokong sabihin sa kanya ang lahat. Malalaman din naman niya 'pag nakarating na kami sa isla.

"Ma'am! Gabi na po! Baka pagalitan po ako!" natatarantang pagpigil niya sa akin pero ginawa ko pa rin.

Hindi naman gumalaw ang yate. Oo nga pala. 'Yong lubid. Nakatali ito upang hindi mapunta kung saan. Parang magjowa lang 'yan. Dapat itali nila ang isa't isa upang hindi na mapadpad sa kung kani-kanino.

Magpapakasal.

So ibig sabihin no'n ay kasal na ang luxury yacht ni Caspian sa port kung saan ito nakatali?

Pinipigilan ako ng kasintahan ni Kara sa pamamagitan ng salita. He didn't touched me. Sobrang taas talaga ng respeto niya sa mga babae. Ba't nagawang iwan ni Kara ang ganitong klaseng lalaki?

Hindi na ako nakapagpigil. Ayoko ma'ng saktan ang ganitong klaseng lalaki pero ayoko rin namang gawin siyang tanga.

"Listen! Nagpalit kami ni Kara, she's in that resthouse and it was attacked by some unknown people! D'you hear me? I want to see if she's okay! Now, you drive the yacht!" ramdam ko ang pag-init ng pisngi ko. I can almost imagine my face turned red in frustration.