ماچيك لاند- ارض السحر (مكتمله)

البارت التاسع عشر والاخير

بعد مرور اربعه اعوام كان يجلس على مكتبه وهو ينظر حوله بسعاده فهو يحمد الله مئة مره على ما وصل اليه الحال هو يتذكر حتى الان الجهد الذي كان يقوم به لبناء ذلك المكان فهو لم يرف له جفن طول تلك الاعوام حتى اصبح يمتلك سلسله من المطاعم في انحاء مصر

وفجاه وجد صديقه يدخل الي المكتب وهو يبتسم له : احمد اخيرا صاحب الارض وافق انو يبيعها ان شاء الله هنروح نمضي العقود بكره

احمد ببتسامة: ان شاء الله عارف يا علي انا فرحان اوي تعبي انا وانت طول السنين دي ما راحش هدر

علي ببتسامة: ربنا يرحمه الحج متولي كان بيعاملنا زي اولاده لولاه ما كناش وصلنا لهنا

ثم تبع بهدوء: صحيح لقيت البنت اللي كنت بتدور عليها

احمد بحزن: لسه بس اكيد هالاقيها

علي بتعب : ما تنسى يا عم وعيش حياتك

احمد بغضب وهو ياخذ مفاتيح سيارته: ما تتكلمش في الموضوع ده تاني

علي بهدوء: طب انت رايح فين يا ابني

احمد بحزن عميق : هاطلع اشم شويه هواء

علي : طب ما تنساش لازم نسافر اسكندريه بكره عشان نمضي العقود

احمد وهو يغادر المكان :ما تقلقش مش هانسى.....
___________________________________

كان يقود سيارته وهو لا يعلم الى اين سيذهب ولكن كل ما يعلمه انه يريد ان يبتعد عن ذلك العالم
اوقف السياره في مكان هادئ
وما هي الا لحظات وكان يتذكر كل ما حدث في الماضي
وضع يده على موضع قلبه بتعب وهو ينظر الى السماء بعيون دمعه: وحشتيني اوي يا هيلينا

تنهد بتعب عندما تذكر ما حدث قبل مرور اربعه اعوام

‏flash back

كان يعبر الطريق ولم يكن منتبه الى تلك السياره الاتيه بسرعه ولا يعلم ما حدث بعدها الا انهو استيقظ في المشفى لا يتذكر اي شيء وفجاه وجد شخص يدخل الى الغرفه ويجلس امامه بهدوء

الشخص: انا اسف جدا على اللي حصلك بسببي

نظر اليه بتعب شديد وهو يضع يده على راسه: انا مين وبعمل ايه هنا

الشخص بحزن: انا للاسف ما اعرفش انت مين بس انا مستعد اساعدك في اي حاجه انا اقدر عليها

ثم مد يده وهو ينظر اليه بهدوء: انا اسمي عامر

الشاب بتعب وهو ينظر الى يديه: كان نفسي اقولك اسمي بس للاسف انا مش فاكر اي حاجه

عامر بهدوء : انا سجلت حضرتك في اوراق المستشفى احمد ممكن تستعمل الاسم ده لحد ما ذاكرتك ترجعلك الدكتور قال انها حاله مؤقته ولحد ما ذاكرتك ترجعلك انا عندي المكان اللي ممكن تقعد فيه

احمد ببتسامة متعبه :شكرا لحضرتك

عامر بهدوء: ما تشكرنيش على حاجه يا احمد انت زي اخويا الصغير تقدر ترتاح دلوقتي وبكره نبقى نروح