PANSIT MINGAW (Completed)

Chapter 13

"Gibo, mura man kag galasgaw ingon ko charger og battery sa camera dili charger sa cellphone."

Ming tan-aw ko ni Ellai nga ga reklamo sa gidala nako. Sa sobra ka dali dali nako wala na nuon ko nag ka dimao. Naa na mi sa gawas sa amoang balay samtang ga storya, ga timpla og kape de tutho.

"Kabalo na si papa nga gi declined namo ni Riki ang kasal" ana siya og gihigop akong kape. Ming ginhawa ko og lalom, should I tell her sa nahitabo ganina?

"Unya sani iyang ingon?"

"Wala man. Kasab an lang man ko" Ming katawa ko. Ka hasler ba ni Ellai mamakak.

Kadali mi nahilom. Ga tan-aw mi sa mga bituon, og makakita mig shooting star ma wish siya dayon nya ingnon lang nako samtang ga piyong siya nga ming balik ang shooting star.

Kinaugmaan wala koy trabaho. Naa lang ko sa balay nila Ellai kauban si Amore. Naki charge ra gud mi kay brown out sa amoang baranggay.

"Ellai, pa charja ko sa ispat ha?! Manulo pa mi unya" ana ko og gikuha nako iyahang cellphone.

Nahunong ko sa dihang nabasa nako ang mga conversation nila ni Riki. Nawad an na daw siya og kwarta sa bank account kay gi hold sa iyahang papa. Dili na pod kuno siya madawat sa mga wedding photographer. Tungod ba ni sa akoa nganong nahunong ang mga pangandoy ni Ellai?

Ming atubang ko ni Ellai nga ga luto sa bulad. Ga kisi-kisi pana siya kay mo talsik lagi sa iyaha ang mantika maong ako ang nag insist nga ako na lang ang mo luto.

"Kalami ba ana Gibo" ngisi siyang ga tan-aw sa bulad nga akong gi utang. Ming ngisi ko pero kada mahinumduman nako si Ellai nga sekreto nga mag suka-suka sa cr,  manakit akong dughan. Mao ra gyud ni akong nakaya kay nagasto na amoang ipon ni Ellai.

Unya na diay ang graduation ni Amore pero akong natigom para sa graduation niya nahagbong lang sa wala sa kay gipalit namo sa among pang adlaw-adlaw.

"Amore, use my make up sa kwarto nako, ayaw lang 'to ang walay abli kay ibaligya to nako" ana si Ellai kay Amore nga bag- o lang og ligo.

"Ayaw ibaligya imong mga bag ong make up" ana ko sa dihang nakasaka na si Amore sa taas.

"Hagdi lang gud! Mao na lang na ang gamiton nato pang hikay sa iyaha. Ang imo rang pinalit ang dili nako ibaligya" ana siya samtang ga hukad.

Pagkahuman namo og kaon, ming diritso mi ni Ellai sa grocery store. Ako ang taga tulod sa cart samtang siya ang taga pili sa mga palitunon. Ulaw ko kaayo kay bisag piso wala koy ikahatag niya. Siya tanan ang ming bayad sa amoang gikaon karong adlawa.

"Gibo, unsay nindot nga Kaong? " Gipakita niya ang green og pula.

"Basta ang dili lang expired Lai okay nako ana" ana ko dayon maong namalikas siya.

Paghuman namo og groceries, ako gihapon ang taga bit-bit. Ming uban sad ko sa meet up ni Ellai aron dungan na lang mi og uli.

Makita gyud nimo ang pagmahay sa nawong ni Ellai sa iyahang make up.  Sa America pa daw kuno to maong arang ka high quality. Naka attend na lang mi sa graduation ni Amore ga storya gihapon siya sa make up kung unsa to kamahal.

Ming tindog mi ni Ellai sa dihang gitawag si Amore kauban ang manghod ni Calli og Junnie. Puro sila mga highest honor. Nakita nako nga ming saka  si Ethan og si Gyu nga ming attend og gi sab-itan nilag medalya si Angel og Emier.

Mo barog na unta ko sa dihang gipa lingkod ko ni Junnie.

"Ako nani nga moment,bay" ana siya og gi ayo pa niya iyang buhok usa ming saka sa stage.

Completo na gyud ang mga Tang girls. Puro mga templahonon og utok. Iritado kaayo og mga lalaki.

Pagkahuman og picture-picture diritso mi dayon sa balay. Naluto na ang mga pagkaon og mainit init pa nga gi butang sa lamesa. Gi hagad nako si Calli pero ana siya nga sa balay lang daw sila kay basig masuko si Ellai.