PANSIT MINGAW (Completed)

Chapter 4

Pila ko ka adlaw nga sige og ibid-ibid sa gawas balay ni Elai pero iya ra gyud kong i-deadma. Akong mga barkada ga advice sa akoa nga kung dili siya nimo, mangita na lang og lain.

Makatawa ko og huna-huna. Ka gwapo nako niya kugod-kugod lang ko sa babaye nga walay kasiguraduhan nga ma akoa. Pero wala man pod siguroy mawala kung i-try gyud nako kay mura gyud kong nalumay sa ka gwapa ni Elai.

Kada buntag sayo ko mo mata samtang galantaw sa balkonahe namo. Makita nako siya nga ga pamisbis sa dandelion nga bulak samtang ga kanta. Iyahang suot dili ingon nga revealing kaayo, kana bang saktohan lang nga dili siya mabastos sa mga lalaki dire.

Og karon dia na sad ko sa gawas sa balay samtang ga lantaw sa iyaha nga gapamugong. Mao gyud ni akong kahinaan da, ang naay mga balahibo sa tangkugo niya nga puti.

"Good morning Elai" ming smile ko sa dihang ming lantaw siya sa akoa. Ug ussual ming sipat na sad siya nako.

Ga bit-bit na siya og camera para mamicture na sad sa siyudad. Nakita na sad nako iyahang facebook page og Instagram account nga tua amoang picture ni Amore dito sa dihang gihatod nako siya.

Nagpa himo ko dayon ni Kiel og Instagram account og mura gyud kog makapang hinulsol sa iyang username nga gibutang.

Gi ingnan nako si Elai nga ihatod na nako siya sa pinaka kusgan nako nga bike, pero iyahang tubag dili siya kuno kay basig mo gawas iyang almoranas.

Ingani nga oras ga trabaho ko sa usa ka shop. Actually wala man gud koy permanente nga trabaho, kana bang racket-racket ra ba kay wala man gu'y mo atiman ni Amore kay ga skwela siya. Dili man pod ko ganahan nga mapasmohan akong manghod bisag timplahonon to kaayo og utok.

Dili man sad kapoy og hectec akong trabaho dire sa shop kay igo raman ko trapo sa mga glass door. Nananghid ko sa akoang boss nga mo half day ko kay naa koy aplayan sa samaritan bilang taga bungay og taga tanom.

Pag abot nako digtu, dayon ko og trabaho. Gi hire ko nila dayon kay kuwang gyud kaayo sila og tawo niya usa pa, si Jay ang naay dakong share dire sa yuta.

Mao nay advantage kung naa kay amigo nga datu og business minded. Sapoton lang ni si Jay pero manghinatagon og buotan ni kaayo.

Naga suot ko og butas og gloves. Giluho pa nako ang sleevs nako nga itom og nagsuot og pang hardenero nga kalo.

Nagsugod ko og pananom. Si Jay sige lang siya og chika sa akoa og gi offeran ko niya og kwarta para dili na kuno ko mag init-init pero ming balibad ko

"Okay rag ma initan ko dire bay basta ang kwarta nga imong gihatag gi hagu-an nako" ana ko kay Jay nga ga sandig sa dako nga kahoy.

"That's good. Inlove siguro ka karon maong arang ka pursigido nimo" ana siya og ming lakaw nga ga ngisi. Ga wave pana siya sa akoa og dayon sulod sa usa ka building.

Ming ngisi na lang ko kay tinood man pod. Sa dihang nakaila nako si Elai, grabe na nakog pa impressed sa iyaha. Daghan man gud nga mga dato nga nanguyab sa iyaha, murag ako ra ang naglakas loob nga kara-ot ang kwarta nga nanguyab sa iyaha.

Wala pa man pod siyay gisugot maong kampante pako karon. Dili ra pod ni kay Elai ni akong gibuhat, ga tigom pod ko para sa graduation ni Amore kay na ulaw nako kay Tita Solar nga siya permi ang ga gasto sa akoang manghod.

Naay duha ka babaye akong kauban. Banha ni sila kaayo maong madani na lang ta sa ilahang chika.

"Gibo diba barkada mana nimo si Riki?"

Ming lantaw ko ni Kathleen. Gwapa ni siya, taas ilong, brown ang buhok niya engineer ni iyahang gi kuha.

Ming tando ko maong nakapanagpi siya.