إمبراطورية العمالقة

الفصل الحادي عشر "معلومات غاية في الخطورة"

وقع حديث "النسر" على فريقه كالصاعقة فليس من السهل تحمل كل ما يسمعاه والصادم أكثر هو أن هذه المافيا لا يوجد شئ إلا ولها يداً فيه انها تعمل في كل شئ خارج عن القانون ولكن ليس قانون القضاء فقط بل قانون الحياة والعيش فيها يشعرون انهم بالفعل داخل غابة موحشه لا يوجد بها سوا حيوانات مفترسه تأكل كل ما هو ضعيف أو لا يقوي على مواجهة هذه الحياة كل هذا كان يدور بداخل رأس كل فرد من فريق العمالقة وبعد فترة وجيزة من الصمت تحدث "الكينج" قائلاً

زياد"الكينج" : هو كل ده بجد هيا وصلت للإتجار بالبشر كمان لا وبالشكل ده

محمد"النسر" : للأسف كل ده بجد وحقيقي وقدامي كل حاجة

زين"الحوت" : انا حاسس إن تفكيري إتشل من كمية الحجات دي (ثم نظر لأحمد الذي لا يتحدث) إيه يا أحمد مالك ساكت ليه

أحمد"القرش" : مصدوم بعد ما عرفت إنهم بيتاجروا في كل الحجات دي وبالتحديد الدعارة و الأعضاء والإتجار بالبشر وأكلي لحوم البشر أنا مش قادر عايز أروح دلوقتي حالا أخلص عليهم واريح العالم من المجرمين دول

زياد"الكينج" : إهدي يا أحمد كلنا كدة بس لازم ندرس كل حاجة ونحسب خطواتنا عشان ميكونش في مجال للفشل ولا انهم يهربوا مننا

أحمد"القرش" : مش قادر يا زياد في نار قايدة جوايا دماغي حاسس إنها هتنفجر عارف يعني إيه يتاجرو بالخلق كده كأنهم أستغفر اللّٰه هما إلى صنعوهم الموضوع صعب قوي وإني أتخيل حد عزيز عليا في موقف زي ده صعب حتى اتخيل....
وخطف البنات والي بيحصلهم ويا إما يشغلوهم معاهم بالاجبار يا إما يقتلوهم ببساطه عارفين احساس كل بنت فيهم عامل ازاي واحساس اهليهم إلى ممكن يموتوا لو عرفوا إلى بيحصل لبناتهم
وكمان إلى بيتاجرو بأعضائهم كأنهم حيوانات للبيع كل ما أفكر إن في ناس كده بحس إني شخص تاني وجوايا نار قادرة تدمر العالم كله

زين"الحوت" : نفس النار الي جواك يا أحمد بس بجد لازم نفكر كويس عشان مش هيكون في مجال لأي غلطة الكلاب دول لازم نقضي عليهم وعلى أمثالهم

محمد"النسر" : انا قدرت أحدد مكانهم فين بالظبط وكل حاجة عنهم، مكانهم في منطقه شبه الغابات قريبه من البحر وعرفت كمان حاجات خطيرة لازم باقي الفريق يكونوا معانا عشان يعرفوها ونحط الخطه

زين"الحوت" : تمام كله يروح على بيته يرتاح شويه وبكره هيكون في إجتماع لجميع أعضاء الفريق

أحمد "القرش" : طب سلامون انا بقا اروح اريح شويه ونتقابل بكره

زياد"الكينج" : واللّٰه انا بالنسبالي مش عايز اروح احسن البت أشرقت تعمل فيا مقلب من المقالب بتوعها تجيب أجلي

زين"الحوت" : انت هتقولي

محمد "النسر" : ربنا معانا يابني احنا عندنا عاهات انا هروح لشله المعاتيه اخواتي ونروح بدل منتنفخ في البيت