عزبة فكه النسخه المعدله

مقدمة

عزبه فكه
ابطالنا
فكريه الشهيره بفكه: بنت يتيمه عاشت فى الشوارع اتعلمت تاخد حقهابدراعها ومحدش بيقدر عليها وكل اللى يعرفها بيعملها الف  حساب وعايشه فى القاهره

شيماء :بنت وحيده لاب وام حالتهم على قدها عايشه فى اسكندريه

يوسف :جار شيماء ومتربيين سوا وبيشتغل كهربائى بيصلح اجهزه كهربائيه وفاتح دكانه تحت البيت مؤدب جدا وكل الحته تشهد برجولته واخلاقه وشيماء بتحبه جدا بس ولا مره بينتله الحب ده وهو كان بيتعامل معاها عادى ومش حاسس بيها

كرم الشهير بالكانو هو اللى علم فكه كل حاجه فى الدنيا شغلته بلطجى وحرامى ومبيستحرمش و بيحب فكه اووى و بيدافع عنها ومبيخليش اى حد يقربلها بس هى كانت بتكرهه عشان اسلوبه وبلطجيته الزايده

بكر الشهير ببيكا  :اخو كانو الصغير ودراعه اليمين مبيسيبوش بعض ابدا وكان بيعمل اى حاجه ويتحامى فأخوه

اقتباس
فكه :الو ايوه ياشلاطه بقولك لسه بتعرف حد يصفى ولا تبت
شلاطه :اشمعنا ياقطه عاوزه قطعه غيار ولا ايه
فكه :لا ياخفيف عندى حته وعاوزاك تصفيهالى
شلاطه :إده إده من امته!!
فكه :من دلوقتى هاه قولت ايه؟

شلاطه تمام جاهز معاكى
فكه :اه جاهز هو عنده خمس سنين بس عاوزاه يتصفى خالص وعاوزه منه احلى فلوس
شلاطه :لا دا عاوز شغل عالهادى ينفع يستنى كام يوم؟

فكه :اه ينفع زى منتا عاوز
شلاطه :اشطا هظبط واديكى رنه سلام

فكه تبص لطفل بيلعب بلعبه فى الارض وبصلها وابتسم وهو بيقولها
ماما ممكن تيجى تلعبى معايا؟
فكه :اه ياحبيبى نلعب منلعبش ليه
فكه فى سرها معلش ياخالد ياحبيبى هى مش غلطتك بس انت اللى لازم تدفع التمن وحطت ايدها على دماغه وابتسمتله ابتسامه كدابه وهي بتمسد على شعره

خالد :انا بحبك اوى ياماما
فكه :وانا كمان ياخالد .....بحبك
تابعونى فى الروايه الجديده
كل يوم الساعه ٨ فكونوا بالقرب

بقلم /ريناد يوسف  ���