Days of Counting Camellia (Hiatus)

[41] A drop of poison

ပါးပြင်မှယိုစီးကျလာသော နီရဲရဲသွေးတွေကို လက်နဲ့ဖိအုပ်လိုက်ပြီး ... တရှုံ့ရှုံ့ဖြစ်နေတဲ့ Kain အား Ben စိတ်မရှည်စွာ ဟောက်ထည့်လိုက်၏ ။

Bentley တစ်ယောက် ဓားရေးလေ့ကျင့်နေရင်းမှ မတော်တဆ ပါးကိုဓားသွားဖြင့် ခြစ်မိသွားရာ Kainတို့ အော်ငိုပါတော့သည် ။ ထိခိုက်မိသောလူက နာကြောင်းတောင် မပြလိုက်ရ ... ထိုကောင်လေးမှာ နှပ်ချေးတွဲလောင်းဖြင့် ငိုလို့ယိုလို့ ... ။

ယခု တွေးကြည့်မိတော့ Ben သဘောပေါက်သလိုလို ရှိလာ၏ ။ သူဟာ ထိုဖြစ်ရပ်အပြီး နောက်ပိုင်း ဘာတွေပဲကြုံရကြုံရ လုံးဝမငိုတော့ပေ ။ ဘာကြောင့်ဆို Xavia Kain ဟူသော ကောင်လေးတစ်ယောက်က သူ့အစား ငိုပေးခဲ့သည်ချည်းလေ ။ ကရူးမူးထိုး တဇွတ်ထိုးတဇောက်ကန်းပြုလေ့ရှိသော Bentley အဖို့ Kain ဟာ သူ့ကိုယ်သူထက် ဂရုစိုက်ပေးသောသူဖြစ်လာခဲ့သည် ။

Ben ပြုံးလိုက်မိသည် ။
လူသားတွေဟာ သေခြင်းတရားနဲ့ နီးလာလျှင် အတိတ်ကို ပြန်လည်တမ်းတတတ်ကြတယ် ဆိုသည်မှာ အမှန်ပဲနေမည် ။ သူ့အသက်ကို နှုတ်ယူတော့မယ့် အဆိပ်ပုလင်းရဲ့ရှေ့မှောက် အတွေးတွေ နောက်ပြန်ရစ်နေ၏ ။

Kain ထံ ကမ်းပေးလာသော ကြွေပုလင်းဖြူလေးကို စူးစိုက်ကြည့်နေရင်း စိတ်ပိုင်းဖြတ်လိုက်၏ ။

" Kain , မင်းလို သူငယ်ချင်းတစ်‌ယောက်ရှိတာ ငါ့ဘဝရဲ့ အကြီးမားဆုံး ဆုလာဘ်ပဲနေမယ် ။ တွေဝေနေစရာမလိုဘူး "

ထိုသို့ ခပ်ပြုံးပြုံးလေး ဆိုလိုက်ပြီး ကိန်းရဲ့လက်ထဲမှ အဆိပ်ပုလင်းကို ဆတ်ခနဲလုယူလိုက်သည် ။ ကိန်းမှာ လန့်သွားရကာ ဘန်ဆီမှ ပြန်လုရန် ကြိုးစား၏ ။

Kain : " Ben မလုပ်နဲ့ ! "

Ben : " မင်းလက်ကို လွှတ် ! "

သူတို့နှစ်ယောက် လုံးထွေးလုယက်နေသည်ကို ဧကရာဇ်သည် စိတ်ဝင်စားစွာ ငေးကြည့်နေလေ၏ ။

Kain ၏ ကိုယ်ရံတော်ကြီးမှာလဲ ထိုအခြေအနေ၌ ဘာလုပ်လို့ဘာကိုင်ရမလဲ မသိဖြစ်နေလေ၏ ။ Bentley က သခင်လေး Kain ရဲ့အသက်ကို ကယ်ရန် မိမိကိုယ်ကို သတ်သေတော့မည် ။ ထိုသည်ကို သခင်‌လေးဖြစ်သူက မလိုလား... ။ အခြေ‌အနေက ရှုပ်ထွေး၏ ။