" Taehyung လည်း Taehyung ဆိုပေမဲ့ မင်းကိုလည်း ငါအားမရတော့ဘူး ဒီလိုနဲ့ Taehyung သတိမရလာခင် မင်းလဲသွားတော့မယ် "
PD လေးက ဘာကိုမှ ပြန်မပြောဘဲ ခေါင်းသာငြိမ့်ပြသည်။ ပြီးတော့ ဖြည်းညင်းစွာ ထရပ်လိုက်ပြီး အိမ်ကိုပြန်မည်ဟု ထင်ရသော ခြေလှမ်းတို့ကို လှမ်းလျှောက်လိုက်သည်။
" နေဦး ငါ့ကားကို စီးသွား ငါမှာထားပြီးသား "
" ကြောင်ပေါက်!! "
Boss Jin လှမ်းအော်ပြောလိုက်တာကို ကြားလိုက်သည်။ ပြီးတော့ သူ ကားတစ်စီးပေါ်တက်လိုက်သည် ထင်သည်။ ဘယ်ကိုသွားမယ်လို့ပြောလိုက်ရဲ့လားသူမသိပါ။ Boss Jin ရဲ့ကားရော ဟုတ်ရဲ့လား။
သူကအနောက်ထိုင်ခုံမှာ ဝင်ထိုင်နေခြင်းမဟုတ်ဘဲ Taehyung ရဲ့ ဘေးမှာ ဝင်ထိုင်နေခြင်းဖြစ်သည်။ ဟုတ်သည်။ ကားမောင်းနေသည့်သူမှာ Taehyung ဖြစ်သည်။ Boss Jin ရဲ့ကားမဟုတ်ဘဲ Taehyung ရဲ့ကားပေါ်သို့ သူတက်လိုက်မိခြင်းဖြစ်သည်။
" Tae.... "
Taehyung က လှမ်းရယ်ပြသည်ကို သူတအံ့တဩ ငေးကြည့်နေမိသည်။ ပြီးတော့ သူလည်း ပြန်ရယ်ပြလိုက်သည်။
" ချစ်တယ် Tae "
အခုသူတို့နှစ်ယောက်အတူတူ လက်တွဲထားကြသည်။ မွေးမြူရေးခြံထဲက နွားကြီးကိုကြောက်လို့ ထွက်ပြေးနေကြသည်။ မောဟိုက်နေရင်းက သူတို့ရယ်မိကြပြန်သည်။
" ချစ်တယ် Tae "
တောင်ကုန်းပေါ်က အိမ်ကလေးထဲတွင် သူတို့နှုတ်ခမ်းချင်းထိကပ်ထားကြသည်။ သူတို့နောက်တွင် မင်္ဂလာဆောင် ဓာတ်ပုံကြီးတစ်ပုံရှိနေသည်။ ထိုဓာတ်ပုံကြီးထဲမှာလည်း သူတို့နှုတ်ခမ်းတွေ ထိကပ်ထားကြသည်။
" ချစ်တယ် Tae "
ရုတ်တရက်နှင်းတွေကျလာသည်။ Snow Flower သီချင်းသံစဉ်က စိတ်ခြောက်ခြားစရာ သံစဉ်တစ်ခုနှင့် တူနေသည်။ နှင်းတွေအပြည့်နဲ့လမ်းမှာ Taehyung က သူ့ကို ရပ်စောင့်နေသည်။ ရင်ခုန်စိတ်လှုပ်ရှားနေရမယ့်အစား Taehyung ရဲ့မျက်လုံးတွေက ဝမ်းနည်းဆွေးမြေ့နေကြသည်။
Snow Flower သီချင်းသံရပ်သွားပြီး ဖုန်းမြည်သံတွေက တစ်ခန်းလုံးမှာ ပြည့်နှက်သွားသည်။ အခန်းကျဉ်းလေးတစ်ခုမှာ သူရောက်နေပြန်သည်။
YOU ARE READING
I hate that ' I love you '
Fanfictionကိုယ်တကယ်ချစ်တဲ့သူကသာ ကိုယ့်ကိုနာကျင်စေနိုင်တာ.. Main OTP - Taegi * Unicode+Zawgyi * From 31st October, 2021
Part : 24 💘
Start from the beginning
