Never to Fall In love with a Gangster! (On-Going)

CHAPTER 19 - THE GAME

"Omigosh!" isama na nila si Cheska. Napa-iling na lang ako.

The fourth player is wearing jersey #07. A sweet smile was plastered on his face nang lumabas siya. Kumaway siya sa mga audience na sumisigaw ng "Zach!", must be his real name. Nang maglakad siya papunta sa mga Seniors, nabasa ko ang nasa likod ng uniform niya. HOURLEY.

"RAAAYNER BABE!!!!" sigaw ng isang babaeng hindi kalayuan sa pwesto namen. Winagayway niya ang kamay niya, baka mapansin ka, ateng? Ang dami niyo kayang sumusigaw. Number one fan siguro siya ni....SMITH?!!

Pinikit ko ng mariin ang mata ko bago ko muling tignan yung kalalabas pa lang na player. Siya nga!! Si Rayner Smith, ang number one rule breaker sa school. Paanong nasali siya sa basketball team? Dapat, maintain ang grades ng mga sumasali sa ganun. Madaya!! Sikat siya sa school dahil suki siya ng Guidance Room pero mas lalo siyang sumikat (lalo na sa mga girls) dahil cool daw siya at gwapo. (-_-)

Bago siya mag-shooting may sinaluduhan muna siyang babae at kumindat pa. Para saken hindi siya cool kundi pa-cool. Pati number niya pa-cool din, #00. Ano ba yun? Psh!

Kilala ko rin ang player na sumunod kay Smith dahil part siya ng Student Commitee. Si Allen Martinez o mas kilala sa accolade na Vice PRINCE-sident. Hindi ko pa talaga siya nami-meet at wala akong balak. Hanggang dun lang ang alam ko tungkol sa kanya. Hindi ko nga alam na member pala siya ng East Knight.

"I'M WEARING HIS SHIRT!!!" papansin naman tong nasa likod ko. Kailangan talaga sumigaw? Naglingunan sa kanya ang mga tao. Nawala ang mayabang na ngiti sa mukha niya nang buksan ng iba ang zipper ng jacket nila. Naka-suot din sila ng t-shirt na may pirma ni Allen, kagaya ng sa kanya. Pahiya onti.

Nagulat naman ang lahat sa pang-pitong player. Patakbo kasi itong lumabas ng court at may hawak-hawak na video cam. Nakasunod sa kanya ang lahat ng tingin at parang papalapit siya dito. Dahil dun ay kinilig yung mga hintad sa pwesto namen.

"Saken ba siya palapit?" naglagay ng ilang strand ng buhok sa kanang tenga si Feelingera #1.

"Hindi girl. Saken papunta si Jace!!" parang may bulate sa pwet kung kiligin si Feelingera #2.

At sabi ko nga, mga feelingera sila dahil hindi naman sila ang nilapitan ni...East Knight #04. Nagtaka na ako nang konti na lang ay nasa harapan na namen siya. Dito talaga siya papunta? Nagkatinginan kame ni Cheska, nagtatanong ang mga mata.

"Xan, favor naman," sapilitan niyang inabot kay Xanddie yung video cam, "video-han mo yung buong game namen. Don't miss any single detail, okay?" hindi na rin nakasagot si Xanddie dahil umalis agad si 'ROLANN', nabasa ko ang last name niya nang tumakbo siya pabalik sa mga ka-grupo niya.

"Makulit talaga si Kuya Jace," sabi ni Xanddie nang mapatingin kame ni Cheska sa kanya. Actually, lahat ay nakatingin sa kanya. May inggit sa mga mata ng karamihan. Nakalimutan ko rin na kasama nga pala namen ang kapatid ng isa sa mga miyembro ng East Knight.

"Ah...Xan, close ka ba sa kanilang lahat?" nagtwi-twinkle ang mga mata ni Cheska.