«ضابطة شرطة لكن مجنونه»

الفصل 22 والاخير

«ضابطة شرطه لكن مجنونه» الفصل 22والأخير
ـــــــــــــــــــــــــــــــــــــــــــــــــــــــــــــــ
صلو على الحبيب المصطفى محمد ﷺ
ـــــــــــــــــــــــــــــــــــــــــــــــــــــــــــــــ
الخطه مشيا زي مهما مخطاطين وملك ويوسف اخترقو الكاميرات المراقبه بتاعت القصر وامل وسيف بدأو يشوفو ايه اللي بيحصل في القصر واكتشفو ان فيه كاميرا محطوطه في اوضه وفي الاوضه دي شافو ست قاعده عالسجاده بتدعي قرب سيف الصوره وصدم
امل: احم سيف مين دي.. تعرفها
سيف: دي دي تبقا امي
امل: دي شبهك اووي
سيف: انتي عبيطه يا امل بقولك امي.. معنى كده انها فعلا في القصر ده ومحبوسه في اوضه
امل: يا عم منا عارفه بس بستعبط
سيف: ياعم في حد يقول للقائد بتاعه يا عم
امل: بص احنا دلوقتي مش في الشغل ف...
سيف ويقترب منها: ف ايه
امل بارتباك: ولا حاجه انا كنت بهزر انت مبتهزرش
سيف: صحيح مردتيش يعني
امل: على ايه
سيف: الجواز يا جميل
امل: ابقى.. ابقى ت ت تعالى ات اتقدملي من بابا
قالت ما قالت وجرت الى غرفتها
سيف: تب هي كده وافقت ولا موافقتش
ـــــــــــــــــــــــــــــــــــــــــــــــــــــــــــــــ
عند زين اتصل به عميله السري
زين: ايوه عرف حاجه
....: ايوه طلع فعلا بيتاجر في المخدرات والسلاح.. والمهمه الجديده هتبقا انهارده الساعه 10بليل
زين: حلو اوووي خليك مراقب لو فيه حاجه اتغيرت
...  : اوامرك يا زين باشا
اغلق معه زين وقال: النهايه قربت
ـــــــــــــــــــــــــــــــــــــــــــــــــــــــــــــــ
اما عند هدير وحسن بالعامي كان طالع عينهم في التنضيف هدير قاعده يعيني بتكنس الصاله الكبيره بتاعت القصر وحسن يا حرام عمال بينضف الجنينه بينضفو لوحدهم عشان مفيش غير هما وخدامه كمان بتطبخ بس
هدير مع نفسها وهي متحسره على حالها: على اخر الزمن ياهدير تنكسي وتسيقي ااه يانا بقا انا هدير بنت اللواء رفعت الله يرحمه اشتغل كده.. بس بردو لو بابا كان عايش وعرف الحاله اللي فيها كان هيغصب عليا اعمل كده.... ااااخ هي هي
اما عند حسن كان حاله لا يختلف عن حال هدير
حسن مع نفسه: ونبي التدريبات اللي بناخدوها دي ولا حاجه في اللي انا بعمله ده كأني ببدأ زراعتهم من تاني... ااه الله يرحم لما كنت باشا في نفسي كده.. اما اشوف البت هدير عامله ايه هي كمان وبعث لها رساله لتأتي له في الجنينه... بعد دقائق جاءت هدير له وقالت وهي متعبه: لا لا لا انا مش قادره انا عايزه امشي
حسن: ياشيخه اسكتي ده اللي انتي بتعمليه ولا حاجه قدام اللي بعمله.. اوووف
هدير: انت هتجيب نفسك مكاني انت مش شايفتي كيوت وقمر قدامك على اخر الزمن اتكلم فلاحي
حسن: ماله يختي الفلاحي حلو والله بس انا بردو بتعب اكتر منك
هدير: بتتعب خالص.. بقا انا هدير بنت اللواء رفعت الله يرحمه يبقى ده حالي
حسن: تب اسكتي عشان السلعوه جات
هدير: مين السلعوه دي
حسن: بصي وراكي يختي
نظرت هدير خلفها وجدت جوليا قادمه نحوهم
هدير وهي تحاول كتم ضحكاتها: يخربيتك انت سمتها
حسن: بتفكرني بالسلعوه
ضحكت هدير على مايقول وتشبيه جوليا بالسلعوه
جاءت جوليا وقالت: ايه واقفين كده ليه وبتضحكي على ايه يا نعمات
ذاد ضحك هدير وقالت: عالسلعوه
جوليا: افندم
هدير: بضحك عالسلع... كتم حسن فمها في اللحظه الاخيره وتكلم بالفلاحي: معلش يا جوليا هانم اختها كانت بتكلمها وكانت بتضحك معاها يعني وكده
جوليا: اهه اوكي... بس انت عرفت منين
حسن: مهي نعمات تبقى خطيبتي واختها اتصلت من تليفوني
جوليا: اممم على راي المثل الطيور على اشكالها تقع.. المهم كمله يلا شغلكو وانتي يا نعمات عوزاكي في حاجه تعالي ورايا
نعمات ققصد هدير: في ديلك
جوليا: افندم
هدير: وراكي وراكي
ضحك حسن عليها وقال مع نفسه: مجنونه بس عسل
(بطل معاكسه ياض ياللي اسمك حسن😅)
ـــــــــــــــــــــــــــــــــــــــــــــــــــــــــــــــ
عند جوليا وهدير
جوليا: بصي يا نعمات انا ارتحتلك جداا عشان كده هطلبك في خدمه
هدير: تمام ايه بقا
جوليا: بصي انتي عارفه اني اكتر الوقت ببقا بره القصر ففي واحده موجوده في الاوضه اللي في الجناح اللي قصادي وده المفتاح بتاع الجناح يفضل معاكي واوعي تديه لحد او تعرفي حد معاد الفطار تدخلي الجناح هتحطي الفطار وتستني لما تخلص تشيليه وتمشي كلام كتير معاها لا متتكلميش اصلا.. مفهوم
هدير بخبث اخفته: مفهوم
جوليا: وهكذا في الغدا والعشا سامعه
هدير: سامعه يا جوليا هانم
جوليا: العشا كمان نص ساعة هكون مشيت تطلعهولها يلا سلام
ذهبت جوليا ووقفت هدير تبتسم بسعاده فهذه السيده التي بالجناح والدة سيف... بعثت لسيف رساله بأنها ستدخل الى الجناح الذي توجد فيه والدته
قرأ سيف الرساله بفرحه وكتب: هدير اديها التليفون وخليها تدخل الحمام وتكلمني من تليفونك وتوطي صوتك خالص وانتي بتتكلمي واديها التليفون وهو مثلا بين الاكل وكلميها بصوت واطي خالص
قرأتها هدير وبعثت له: حاضر يارب تعرفو بس الجمايل وتكرموني حتى🙂
بعث سيف: هههههههه اللي انتي عايزاه يا لمضه
وبالفعل ذهبت هدير الى الجناح دخلت واغلقت الباب من خلفها وجدت تلك السيده تبكي وتدعو الله ان يفج سجنها هذا.. اشفقت عليها هدير واقتربت منها اعطتها الصنيه وقالت بهمس سمعته رباب: سيف ابنك بيقولك خودي التليفون اللي عالصنيه وادخلي الحمام كلميه ورقمه اول واحد
استغربت رباب ولكنها فرحت واخذت تأكل وتنظر لهدير نظرات شكر وامتنان انتهت رباب من الاكل فأخذت هدير الصنيه وذهبت دخلت رباب الي الحمام واجلبت اول رقم وكان متسجل القائد اللي مفيش منه... ضحكت عالاسم اذا هذه الفتاه ظابطه وسيف بعثها الى هنا... اتصلت عليه وقالت بصوت مرتعش: س سيف اابني
سيف بشوق لها : ماما عامله ايه هخرجك من المكان ده بسرعه وهنرجع تاني متقلقيش
رباب: زين يا سيف... زين عايش يا سيف ابقى دور عليه يا بني
سيف: زين قبل معرف انه اخويا كان صاحبي يا امي ولما عرفت روحت وقولتله وهو دلوقتي بيساعدنا
رباب بفرحه: انا مبسوطه اني اتطمنت عليكو وسمعت صوتك ورهف اختك عامله ايه دلوقتي والواد آدم مش ناوي يتجوزها بقا
سيف: مهو اتقدملها والخطوبه هتتعمل اول مترجعي
رباب: هبقا اتصل عليك علطول يا بني وابقى خليني اكلم اخواتك
سيف: حاضر ياماما خلي بالك من نفسك اكلتك مش عجباني خالص
رباب: وانت تعرف منين
سيف: م احنا اخترقنا كاميرات المراقبه وشايفك علطول
رباب: حاضر يا حبيبي..
سيف: مع السلامه دلوقتي عشان محدش يشك انك اتأخرتي في الحمام والتليفون اللي معاكي خليه صامت دايما
رباب: حاضر يا بني سلام
ـــــــــــــــــــــــــــــــــــــــــــــــــــــــــــــــ
في تمام الساعه العاشره مساءا ذهب زين وسيف وامل ومعهم ايضا يوسف وملك ومعهم عساكر الى المكان الذي سيتم فيه تجاره المخدرات والسلاح
نظر سيف من خلال (االبتاع اللي شبه التليسكوب ده مش عارفه اسمه) وجدهم يحملون بعض العلب ويضعونها في السياره قال سيف: يلا هجوم
امل: لا لا لسه
سيف: لسه ايه
امل: العلب دي مفيهاش حاجه
سيف: وانتي عرفتي ازاي
امل: بص هما شيلنها ازاي..العلب دي لازم عالاقل 2يشيلو فيها لكن ده واحد بس اللي بيشيل وبيشلها كمان كانها خفيفه خالص يعني كأن مفيهاش سلاح او مخدرات يعني لو هجمنا دلوقتي مش هنستفاد حاجه بالعكس هيخدو حذرهم اكتر
زين: فعلا معاكي حق
سيف: طلعتي ذكية
فضلو مستنين قرابه الساعه وبعدها وجدو بالفعل اثنين من الرجال يشيلون صندق واثنين آخرين وهكذا..
سيف: يابت الذينه.... ثم قال في الاسلكي: هجووم يلا
وأهجمه عليهم صدم نادر كثيرا
زين: اووه نادر.... انت طلعت بتاجر في القرف ده... ثم نادى بصوت عالي: امسكووه
امسكه العساكر ووضعو الكلبشات في يده
سيف: مفضلش غير حاجه واحده وهي تهمت الخطف ومشاركة اخته جوليا في التجاره المخدرات والسلاح يعني هيقضو عمرهم كله في السجن
ذهبو الى القصر وامسكو جوليا وقالو: انتي متهمه بخطف حرم السيد محمد نصر الدين وتجاره في المخدرات والسلاح
جوليا بصدمه: انت انت بتقول ايه
سيف بصوت عالي: كلبشوها وعالبوكس يلا
دخل سيف وزين ومعهم امل الى الداخل قالت هدير تعالو ورايا بسرعه
صعدو معها الى جناح رباب ودخلو الجناح واشعلت هدير النور وجدو رباب نائمه عالسرير ذهب سيف وزين عندها
سيف: ماما ماما
تململت رباب في نومتها وقالت: انا بحلم مش كده
زين: انا زين يا امي
سيف: وانا سيف.. انتي مش بتحلمي
رباب بصدمه: انتو انتو قدامي بجد وجيتو عشان تخرجوني
قالو: ايوه يا امي
احتضنتهم رباب وقالت: وحشتوني اووي وظلت تبكي وهم ايضا يبكون
ـــــــــــــــــــــــــــــــــــــــــــــــــــــــــــــــ
ذهبو الى فيلت سيف ودخلت معهم رباب دخلو وجدو محمد ورهف واقفون ومتحمسين للغايه فأمل اخبرت رهف فجاءت على الفور وهي مصدومه
دخلت رباب فرأت رهف ومحمد واقفون ينظرون لها بصدمه وشوق كبير عندما رأتها رهف جرت واحتضنتها وقالت: ماما وحشتيني خالص الحمدلله يارب الحمدلله انك عايشه
رباب: انتي كمان يا حبيبتي وحشتيني خالص
ابتعدت عنها رهف وازالت دموعها وذهبت الى زين واحتضنته رهف: ايوه ااه مكنتش اعرف اني ليا اخ كمان بس لما عرفت فرحت جدااا
احتضنها زين وقال: وانا كمان فرحت جداا
اما محمد كان ينظر لهم بشق وذهب واحتضن زوجته الذي اشتاق لها حد اللعنه... واحتضن زين وسيف ورهف
قال سيف بمرح: ااه صح بكره خطوبتي انا وامل انا قلت لباباها ووافق وخطوبة آدم ورهف بردو
ـــــــــــــــــــــــــــــــــــــــــــــــــــــــــــــــ
في اليوم التالي في قاعه كبيره كانت مل تجلس جوار سيف بذلك الفستان الجميل البنكي الذي لا تعرف ان تمشي به وبجانبا سيف ببدله سوداء انيقه.. وعلى الجهة الاخرى يجلس آدم بنفس لون بدلت سيف وبجانبه رهف بنفس لون فستان امل
قال الدي جي... يلا العروسين يطلعو المنصة عشان يلبسو الدبل... ذهبو الى المنصه فجاءت فاطمه ومعها الدبل لامل وسيف ورباب ومعها دبل رهف وادم
البس سيف الدبله لأمل وقال: الف مبروك يازوجتي المستقبليه
اما ادم البس رهف الدبله وقال: مبروك يا خطيبتي
ـــــــــــــــــــــــــــــــــــــــــــــــــــــــــــــــ
بوم انتهت الروايه انتظروني في روايه جديده لزين هيبقا فيها فرح سيف وامل وادم ورهف... ومغامرات بين هدير وحسن وملك ويوسف
بعنوان(حورية الزين2)
ـــــــــــــــــــــــــــــــــــــــــــــــــــــــــــــــ
دمتم سالمين
ببقلمي: Eman Alkholy  
ـــــــــــــــــــــــــــــــــــــــــــــــــــــــــــــــ