Mistakes We Can't Laugh About (Loser #2)

Chapter 4

Muling umilaw ang cellphone ko kaya hindi ko na siya naismiran. Dinampot ko iyon at may kung anong sumikdo sa sikmura ko nang makitang ang pangalan ni Leon.

Leon Ysmael Zamora: You should rest.

I was about to type a reply when he suddenly removed the pdf files he sent earlier.

Amari Sloane Mendoza: Hindi ko pa na-do-download!

Binitawan ko ang kutsarang hawak at pinisil ang pang-ibabang labi ko nang mapagtantong inamin ko sa kanya na binabasa ko ang mga sine-send niya. Very good ka talaga, Mari! Top 1 ka sa katangahan!

Leon Ysmael Zamora: Sa susunod mo na lang aralin.

I made a face.

Amari Sloane Mendoza: At ano, ma-la-late ako? Sa four days natin sa Davao, tingin mo ba titigil ang klase? Ayokong maghabol.

Leon Ysmael Zamora: Then at least study after you sleep.

Amari Sloane Mendoza: Don't worry about my sleep. Hindi naman eyebags mo ang lalaki!

Leon Ysmael Zamora: Really? Do you think I can sleep?

Kumunot ang noo ko sa message niya. Hindi ko gets. Wrong send ba 'to?

Amari Sloane Mendoza: Whatever. Sa instructors na lang ako magtatanong. Kung ayaw mong mag-share, edi 'wag. Lamunin mo 'yang files mo.

"Punyeta," bulaslas ni Mill kaya napatingin ako sa kanya. "Sino ba 'yang kausap mo at hindi ka makakain?"

I paused for a moment before I answered, "Kaklase ko."

"Ganitong oras, kaklase?" Pinanliitan niya ako ng mata. "Isusumbong kita kay Kat."

"Kaklase ko nga lang, aba ka!" reklamo ko.

"Tigilan mo 'ko! Gan'yan na gan'yan ang mukha mo kapag ka-chat mo ang gago mong ex noon." She scoffed.

"Huh? Tanga ka," sabi ko sabay hawak sa pisngi ko. "Kung ano-anong iniisip mo."

She exhaled, glaring at me. "Ayusin mo 'yan, ha? Kapag ikaw na-in-love na naman . . . gan'yang itinatago mo, lalong nakakaalarma."

I scowled at her. "Napakaarte mo! Nagpapa-send lang ako ng na-miss kong lesson sa klase dahil sa review namin, ang dami mo agad nasasabi!"

She brushed her hair and pushed my plate towards me. "Bilisan mo na d'yan. Langya naman. Huhugasan ko pa 'yang plato mo! Antok na antok na 'ko." Lumingon siya sa pinto ng kwarto nila ni Karsen. "Dawn Karsen, ipagplantsa mo si Mari ng uniform! At hinaan mo 'yang speaker mo! Rinding-rindi na ako sa mga kanta ng Kobe na 'yan!"

"Mill, ang ingay mo," pupungas-pungas na sabi ni Kat habang lumalabas sa kwarto namin.

Umismid si Mill. "Ay, Kat! Kausapin mo 'yang kaibigan mo at may nakaka-chat na naman. Hindi pa nagtatanda."

Napairap ako. "Kaklase nga lang!"

"Namumula ang pisngi!"

Kat went near us. "Baka naman wala lang, Mill. Nag-iisip ka agad, eh."

Umiling ang huli. "Katana, kita mo naman ang iyak n'yan kay Jin, eh." She gave me a sidelong glance. "Hanggang ngayon, sising-sisi ako na ipinakilala kita sa hayop na 'yon."

My heart tightened when her voice trembled a little. She rushed to Jin after learning of our breakup and beat the crap out of him. They were friends, but when she saw me cry, she didn't even bother asking Jin what happened. She trusted me so much that she ended her friendship with him.

"Kaklase ko nga lang 'to . . ." I whispered. Bwisit kasi si Leon, eh!

Mill sighed. "O sige na, kumain ka na para mahugasan na 'yan."