طفلة كانت عايشة في نيويورك من صغرها مع عايلتها بين ليلة و ليلة تبدلت حياتها و راحت تعيش في الجزائر و هنا تبدا الحكاية.
- ممنوع نقل الرواية بدون إذن 🙏❤️
جازو يامات و يامات و لافامي كومبلي عرفت بلي جاد و صوفيا راح يتخطبو . و سامي و سارة قالو مزال باش نتزوجو باسك مزالهم يقراو و أمير و مايا راهم يعيشو في احلى قصة حب فالدنيا مع نيسا . اما اسامة و سمية مزال مفهمو المشاعر دياولهم . اما مينا مازالها مع رؤؤف و مزالهم هايلين .
ناضت صوفيا على 11:30 دوشت و لبست هكا 👇
Oops! This image does not follow our content guidelines. To continue publishing, please remove it or upload a different image.
و خرجت ديراكت . راحت لشركة تاع جاد باش تحكي معاه بخصوص الاوتال ديالها. ڨارات الطونوبيل حبطت منال ( السكرتيرة ديالها) و حبطت صوفيا . دخلت و راسها مرفوع فالسما . حكات مع السكرتيرة تاع جاد . قاتلها بلي راهو مع وحدة . دخلت للبيرو . لقات جاد قاعد مع وحدة لابسة نص ميترة و دايرة طابلة ماكياج باينة من هادوك القح## . غير شافها جاد ناض راح ليها . - جاد : صوفيا. - صوفيا: جاد . - جاد: واش راكي ديري هنا ؟ - صوفيا: وقيل نسيت بلي عندنا اجتماع اليوم . - جاد : اخخخ ديزولي نسيت . - صوفيا: مممم . باينة . - جاد: استناي شويا برك . - هاديك الطفلة : ( تحكي بالاسبانية زعما اسمها بيلا . ) : جاد شكون هادي ؟ - منال: مسيو جاد . رانا هنا بصفتنا عملاء . منقدروش نستناو بزاف بسك عندنا اجتماع وحدوخر موراك . يا اما نبداو الاجتماع يا اما نشوفو نهار وحدوخر . - بيلا : جاد شكون هادو ؟ جاد قعد ساكت حتى وين نطقت صوفيا. - صوفيا: مسيو جاد . المرة الجاية ديرلنا اجتماع كيما الناس و لا مديرش . هادي العفسة في خدمتنا نعتبروها اهانة . منال امشي نروحو . خرجت صوفيا و منال من البيرو و صوفيا راح تطرطق من جاد باسك كي سقساتو بيلا شكون كان قاللها خطيبتي تفرح مي هوا لالا قعد ساكت . خرجو من الشركة كومبلي. ركبت صوفيا و منال الطونوبيل . - منال: وين نروحو ؟ - صوفيا: نروحو لداركم نورمال؟ ؛ منال : وي باينة . أصلا عندنا خدمة بزاف و زيد فطرتي ؟ - صوفيا: لالا مزال . - منال : مليح . مالا دوك نعيط لماما نقوللها ديرلنا زفيطي حار و حنا نروحو لداركم نجيبولك لبسة و ورق تاع الخدمة و نتي تجي تباتي معايا اليوم منجيها نخدمو و منجيها نحكو و زيد فطوم توحشاتك بزاف. - صوفيا: مام انا توحشتها . اوكي عيطيلها . عيطت منال ليماها قالتلها و فرحت بزاف بصوفيا و صوفيا راحت مع منال لدار طلعت صوفيا برك رفدت لبسة و ورق و خرجت . ركبت فالطونوبيل و ديمارات لدار منال . اما عند جاد لي كان ساكت مخلوع و مقلق باسك بيلا مدامتو القديمة و زيد راطا الاجتماع ديالو مع صوفيا . شويا و دخلت السكرتيرة ديالو . - السكرتيرة: مسيو جاد . عيطتلنا السكرتيرة تاع مدموزال صوفيا و قاتلنا بلي الاجتماع راح يتأجل للسمانة الجاية . - جاد : السمانة الجاية؟ - السكرتيرة: ايه . بسك ماعندهاش وقت فارغ في هاد السمانة اجلاتو للسمانة الجاية . - جاد : أوكي . تقدري تخرجي . خرجت و هو عيط لصوفيا و هي والو متريبونديش .تقلق . كمل خدمتو و هو يتحلف فيها. اما صوفيا غير دخلت سلمت على فاطمة و قعدو يڨسرو حتى وين حطتلهم الزفيطي . بداو ياكلو و تسمعو صوفيا تقول اخخخ منال زيديلي كاس لبن . طاطا فاطمة جا هايل الزفيطي. كملو فطرو جات صوفيا راح ترفد الماعن نطقت منال - منال: صوفيا واش راكي ديري ؟ حطيهم دوك نرفدهم انا - صوفيا: بلعيه تشو . ماشي كي جاية زعما مرفهة و منا تقولي متعرفش دير الشغول و لا متعرفش تغسل . نعرف و دوك نوضي نغسلوهم و منبعد نبداو نخدمو . غسلو الماعن و هوما يقسرو و راحو ولاو لصالون باش يخدمو . كاش 3 سوايع و هوما يخدمو برك بلا ما يحبسو . باسك صوفيا راهي حابة ينشهرو الفنادق دياولها و الشركات . ( حقا جاد ندير بلي عندو شركات تاع اعلان و تصميم الديكور و هندسة راكم فاهمين و زيد في عمرو 25 ) . فتحت تيليفونها لقات ليزابال بزاف من عند جاد عاودتلو . اللولة مريبونداش . الدوزيام كيف كيف . عاودت عيطت لأمير قاتلو يقوللهم راهي بايتة عند صحبتها و هو قاللها اوكي . كملت صوفيا و منال يخدمو . ولاو تعشاو و عاودو يخدمو و يحكو . - منال : تحبيه؟ - صوفيا: ايه . - منال: علاش تقلبتي مقبيل كي شفتي هاديك الطفلة ؟ - صوفيا: هاديك الاكس ديالو . - منال : آه اوكي . - صوفيا: و حقا منال صحيتي كي جبتيني معاك لهنا و الله. - منال: أخاه بلا مزية . و صوفيا عيطلونا من الفندق تاع دبي فيه بروبلام لازم نروحو نشوفوه . - صوفيا: مليحة نروحو . أصلا راني حابة نبعد شوية منا . احكي مع طاطا و شوفيها ادا قبلت . - منال : أوكي . خرجت منال من الصالون . رفدت صوفيا تيليفون لقات جاد يعيطلها . رفدت عليه . - جاد : صوفيا وين راكي ؟ - صوفيا: عند صحبتي . - جاد : شكون صحبتك هادي ؟ و علاش مقلتيليش بلي راح تباتي عندها ؟ ديجا سقسيتيني ادا تباتي معاها و لالا ؟ سقسيتيني ؟ قولي ؟ - صوفيا: صحبتي منال و ديجا مكنتش معولة نبات عندها مي صرات عفسة خلاتني نبات و زيد نتا كنت مشغول لدرجة الاجتماع ديالنا تاع اليوم متفكرتش جدو و جاي دوك تعيط عليا . قادر روحك يا خو . اوكي . روح اقعد مع البيلا ديالك و احكم فيها هيا ماشي انا . فهمت و زيد سقسيت خويا و مقالي والو . دونك مكاين حتا بروبلام . فهمت و لا نعاود - جاد : نتي همك غير بيلا و ديجا كيفاش عرفتي بلي هاديك بيلا و لوكان راكي ضالتمني. ؟ قولي ؟ وزيد نسيت برك مدرتش عفسة كبيرة . - صوفيا: ميهمنيش . انا دوك راني نحكي معاك بصفتي شريكة معاك فالخدمة و الهدة لي درتها هدة عيانة . أحمد ربي لي منحيتش الشراكة ديالنا . اوكي . و دوك راح نحكي معاك بصفتي صوفيا . مقبيل علاش كي سقساتك شكون انا علاش مجوبتهاش ؟ و لا حشمت بيا ؟ حشمت باش تقول هادي خطيبتي ؟ قول . و شوف جاد مدابيك تبعد هاديك البيلا من طريقنا سينون نعفس فوق راسها و نجوز نورمال . و نتا افهم كيما حبيت . اوكي . و دوك خليني نرقد . غدوة نحكو . باي . و كوبات عليه . غير كوبات سمعت منال تحكي . - منال: واو . مخليتيلوش الأخت . - صوفيا: يستهل . بغل . جايح . اععع قعدو يحكو و راحو يرقدو اما جاد لي كانت النار تخرج من عينيه و نيفو و مقلق و يستنا وقتاش يطلع النهار باش يحكي مع صوفيا . 🎬🎬🎬🎬🎬🎬🎬🎬🎬🎬🎬🎬🎬🎬🎬 البنات . راني كتبت هاد البارت . مي شغول معجبنيش بزاف . و الله راني حاساتو ناقص شويا . المفيد نحبكم ❤️❤️ و زيد سمحولي مي نسيت مقبيل طفلة . - Nour2603 سمحيلي نسيتك و الله ❣️❣️