طفلة كانت عايشة في نيويورك من صغرها مع عايلتها بين ليلة و ليلة تبدلت حياتها و راحت تعيش في الجزائر و هنا تبدا الحكاية.
- ممنوع نقل الرواية بدون إذن 🙏❤️
اليوم هو اليوم الموعود .... اليوم راح تولي سارة خطيبة سامي رسميا . صوفيا ناضت بكري على صوت سارة . - صوفيا: وي سارة ؟ - سارة : صوفيا نوضي ليوم خطبتي . - صوفيا: عمبالي . و شافت في تيليفونها و كملت : مي علاش راكي منوضتني على 7 يازح . انا ماأمنتش راسي بلي ليوم منقراش قلت ليوم نرقد مليح و نخلف واش مرقدتش جيتي نتي تنوضي فيا دوك . منيتك سارة. و هي تحكي معاها زدم سامي معاه أمير . - صوفيا: ربحت . وشبيك سامي زادم عليا كي البغل ؟ - سامي : مزالكي راقدة . نوضي يالالة . ليوم خطبتي . منبعد دار لسارة : صباح الخير مرتي . صبحتي مليح؟ - سارة : صباحوو راجلي. راني مليحة و نتا ؟ - سامي : كي تكون الكبدة مليحة كيفاش منكونش مليح . ( التحلاب بكل انواعه) و زيد عاودي واش قلتي مع اللول. - سارة : صباحو. ؟ 🤨 -سامي : لالا الدوزيام. - سارة بتبسيمة صغيرة : راجلي 😍. حكمها من وجها و قاللها : شحال حلوة من عندك . - صوفيا: رانا هنا و لا نقولك واش نديرو . روح نتا و سارة نوضو لخرين و دوك شويا نجي انا و أمير . اوكي ؟ - أمير بعينين مغلوقين : وي . روحو . كاش نص ساعة و نجو قيس ما نوجدو رواحنا . - سامي : بلاكو نلقاكم رقدتو. بلاكو . - صوفيا: متتقلقش خو . - سارة : اوكي . خرج سامي و سارة و أمير راح غلق الباب بالمفتاح و راح تكسل مع صوفيا و عنقها . شوفو كان هو متكسل على ظهرو و صوفيا حاطة راسها على صدرو و هو معنقها بيديه . و مغمضين عينيهم . - أمير : عندنا بزاف مرقدناش كيف كيف . - صوفيا: وي . توحشت رقدتنا . - أمير : مام انا توحشتك . - صوفيا: ههه عمبالي بلي توحشتني . - أمير : ايه خلينا نرقدو شويا مزالني نعسان . لوكان غير رحت نخدم ليوم. برك باش منريحش معاه . - صوفيا: مام انا لوكان غير رحت نقرا . - أمير: كيفاش راكي مع القراية ؟ - صوفيا: راني نطبع برك . - أمير : أصلا نتي حياتك كومبلي تطباع . - صوفيا: هههه صار هكا . امشي نرقدو . رقدو لزوج كاش نص ساعة ناضو على صوت طبطيب في الباب . راح أمير يفتح الباب بعد معاناة كبيرة باش ينوض . فتحو شاف جاد في وجهو . خزر امير في جاد و طلع. حاجبو . - أمير : جاد صباح الخير . غير الخير ؟ - جاد بغضب : صباح الخير . بعثني سامي ليكم قالي روح نوضهم باينة ولاو يرقدو . - أمير : اوكي. مرسي . دوك نوضو . -جاد : بلا مزية . و راح مقلق . دخل أمير لشومبرة نوض صوفيا. - أمير: صوفيا نوضي . - صوفيا: اخخخ . مزال نزيد شويا برك. و قعدت تتقلب فالبونك . راح أمير فتح الريدو و التاقة و نحالها الكوفيرطا. - صوفيا: أمير . - امير: واش ؟ - صوفيا: غير اهرب 😈. - أمير : شوفي راني رايح و نتي نوضي . خوك راهو متحمس . - صوفيا: ممم اوكي . راني نضت . فرحت ؟ 😑 - أمير : وي . بزاف . و راح باسها من راسها و خرج . غير خرج كاش 2 دقائق كانت راح تدخل لدوش زدم عليها جاد . خزرت فيه بحاجب مرفوع. - صوفيا: كسر الباب . - جاد : اسكتي . راحت وقفت قدامو و قاتلو: علاش ؟ - جاد : كنتي مع أمير . - صوفيا: ايه - جاد: رقدتي معاه . - صوفيا: كاش نص ساعة برك . - جاد : شوف و تزيد تقولي نص ساعة . شوفي نزيد نشوفك رقدتي معا واحد من خاوتك و لا كاش واحد من غيري انا منتفاهموش . - صوفيا: باش نفكرك في عفسة جاد نتا صح راك قريب تولي خطيبي مي هو و سامي خاوتي . يعني هوما الزوج النهار لي زدت فيه كانو معايا . بلاك هوما لي بدلولي ليكوش . هوما لي كانو يوكلوني . هوما لي يقروني . يدوني . يخرجوني نحوس . يعني هوما حياتي راك فاهم . و نتا عندي كاش 6ولا 7 شهور ملي عرفتك . و زيد كيفاش هادي تاع كاش واحد ؟ راك تشوف فيا كل يوم معامن نرقد ؟ قول و لا راك تشوف فيا نعطي و ن## مع لي يسوا و لي ميسواش . جاد راني نقولك و نعاود صح نحبك مي اعرف واش تخرج من فمك اوكي . - جاد : مدخلنيش مادام راح تولي خطيبتي انا دونك متزيديش ترقدي معاهم . مدخلنيش فيك . و زيد كيفاش هدي بدلولك ليكوش ؟ يسما شافوك عريانة ؟ صح 🤨 - صوفيا: ههههه 🤣🤣🤣 . - جاد: علاش راكي تضحكي؟ - صوفيا: نحبك جاد 🤣🤣 . - جاد : مام انا . - صوفيا: قولها . - جاد: وشنوها؟ - صوفيا: الكلمة . - جاد: اما كلمة ؟ - صوفيا: اخخخ خلاص اخرج من شومبرتي خليني ندوش 😤😔 . و دخلت لدوش و غلقت لباب . كي سمعت الباب تاع الشومبرة تغلق خرجت . شافت لقاتو راح . ولات دخلت دوشت و لبست هكا 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت من الشومبرة حبطت لطابلة لقات اسامة و سمية.برك . - صوفيا: صباح الخير . - اسامة: واش من خير مع خوك ؟ - صوفيا: مام نتوما نوضكم على 6. - سمية : اسكتي خوك هبل . - صوفيا: تسمعكم سارة تنوض الحرب فالدار . - اسامة : عمبالنا . قعدو فوق الطابلة يستناو فالغاشي يهبط حتى وين تلمو فوق الطابلة . بداو ياكلو حتى وين نطق الجد . - الجد: البنات يديكم الشوفور تشرو لبسة . - سمية : اوكي جدو . - صوفيا: مي نروحو ندو مايا معليش ؟ - الجد: وي . معليش. مي قبل الوحدة تكونو فدار كومبلي - صوفيا: اوكي . و بعثت ميساج لمايا تقوللها فيه بلي شويا و يجو يدوها . و الجد قعد يقسم فالمهام حتى وين لحق ليها. - الجد: صوفيا راح تروحي مع جاد قبل الوقت للصالة باش تفيريفي واش كاين . - صوفيا: جدو علاش انا ؟ - الجد: نتي ختو . لازم تروحي و جاد خوها لازم يروح . و دوك فهمتو خدمتكم . - صوفيا: وي 😒 . خرجت صوفيا و بنات عمها و راحو داو مايا من الدار و الطريق كومبلي و هوما جايبينها نميمة فالممثلين الجايحين تاع بلادنا . 🎬🎬🎬🎬🎬🎬🎬🎬🎬🎬🎬🎬🎬🎬🎬🎬 هاي لبنات . سمحولي على الروطار . المهم نحبكم بزاففففف ❤️❤️