أنت لي (باللهجة الجزائرية)

❤️❤️

- فالفيلا : 
كانو ڨاع فوق الطابلة يستناو في جدهم و صوفيا يحبطو . حتى وين حبط الجد و قال. 
- الجد: صباح الخير. 
- الكل : صباح الخير .
- الجد: كولو متسناوش صوفيا . ماهيش هنا . راحت .
- جاد : وين راحت ؟
- الجد : خدمة .
- سامي : وقتاش تولي ؟
- كريم : كي تكمل خدمتها تولي . دوك أيا نبداو بسم الله. 
جاد كان باين من وجهو بلي مقلق باسك راحت و مقاتلوش .
- عند صوفيا .:
لحقت راحت لأوتال حطت قشها و دخلت دوش . بدلت شها . لبست هكا 👇👇

و حبطت تاكل كملت عيطت للشوفور يديها و بدات تخدم .
- بعد مرور 3 أيام:
صوفيا و هي تحكي بالتيليفون مع باباها: وي بابا كملت كلشي .
- كريم : شفتي لرض مليح .
- صوفيا: وي شفتها . و بعثت الاخصائيين دياولنا . هوما اكدولي بلي صالحة باش نبني فوقها .
- كريم : و العقد ؟ ماشي مزور؟ .
- صوفيا: نو . ماشي مزور . فيريفتو . كلشي راهو مريقلي هنا . تفاهمت مع الشركة تاع البناء و قاتلي اوكي . راح يبداو خدمتهم. و تفاهمت مع المهندسين .
- كريم: أيا مليح . بنتي بالباراكة عليك . لعقوبة لدوزيام نشاءالله .
- صوفيا: نشاء الله يكملوه فالوقت المحدد برك .
- كريم : متتقلقيش يكمل و نفتحوه .
- صوفيا: نشاء الله . بابا ابعثلي الطيارة باش نحبط .
- كريم : اوكي . بنتي . تهلاي في روحك .
- صوفيا: باي باي بابا .
كملت الهدرة زادت نص ساعة . عيطلها باباها قاللها راهي جايا الطيارة . لحقت 3 تاع العشية في ايطاليا لحقت الطيارة . قاتلو ريح . ثلاث سوايع و نروحو .
دخلت لطيارة . قعدت حطت راسها و تنهدت بقوة . غاست و هي تخمم في جاد . ماهيش فاهمة واش راهي تحس . منجيهة حاسة بلي توحشاتو . و من جيهة حاسة بلي متوحشاتوش .. .. قعدت هكاك حتى وين رقدت .
- نخلو جاد يحكي :
سو من الخطرة لخرة لي حكيت فيها مع صوفيا و انا نتوجع . ماعندهاش قلب تحس بيه ( للأسف ماعندهاش ) غاضتني عمري بزاف كي كانت تحكي هكاك . كي عرفت بلي راحت تقلقت . قلت كي قالي جدي خدمة دونك مراحش نشوفها كاش شهر و لا زوج مي متقدرش تغيب ڨاع هكا بسك لافاك راح تبدا السمانة الجاية . المفيد جازو عليا هادو 3 أيام كي زمر . توحشتها بزاف . لازم نخليها تحبني . راح نخليها تحبني كيما انا حبيتها منبعد .... ( منقدرش نقول واش راهو يخمم دوك بسك عفسة مهمة )
- نولو لصوفيا:
كي لحقت لدار كانت 2 تاع صباح دخلت لشومبرتها بلعقل . لبست بيجامة ڨري شورت و خرجت راحت عند أمير دخلت لشومبرتو بلعقل لقاتو راقد و نيسا راقدة قدامو . باستو و عاودت خرجت راحت عند سامي لقاتو راقد على كرشو . راحت بلعقل رفدت لغطا و دخلت عنقاتو و رقدت . توحشت خاوتها بزاف .
ناض صباح سامي لقا عفسة طايحة فوقو . شاف لقا طفلة . فهديك دقيقة خاف ناض يجري غير ناض شافها صوفيا عيط غير عيط فطنت صوفيا .
- صوفيا: واش صرا ؟ وشبيك ؟
- سامي: صوفيا . جيتي ؟
- صوفيا: نو .مزالني فالطريق .
- سامي : وقتاش جيتي ؟ علاش مقلتيناش؟
- صوفيا: جيت على 2 تاع صباح و دوك عاود ولي خلينا نرقدو توحشتك .
راح تكسل و هيا عنقاتو حاطة راسها على صدرو و هو يلعبلها بشعرها و يتبسم .
- صوفيا: توحشتك
- سامي: مام انا توحشتك . وين رحتي؟
- صوفيا: ايطاليا .
- سامي: علاش مقلتيليش نجي معاك .
- صوفيا: كنت مشغول مع سارة . حقا فريتوها ؟
- سامي : وي . فريناها .
- صوفيا: و دوك واش راكم ؟
- سامي: رانا ملاح . اخطيك منا . قوليلي علاش رحتي؟
- صوفيا: تشفا كي كنت نقللكم بلي راح نفتح اوتال و منا .
- سامي: ايه
- صوفيا: حكيت مع واحد معروف فالطاليان لقالي لرض.  رحت نشوفها.  و شريتها .
- سامي : فيريفيتيها و لا شريتي برك ؟
- صوفيا: نو فيريفيت كلشي .
- سامي: ايه . مبروك عليك عينيا . ❣️
و باسها من راسها .
- صوفيا: مرسي الحب ❤️ .
🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬 هاي ڨايز .
عمبالي بلي راني روطار بزاف . مي تعرفو كي بدينا القراية ملقيتش الوقت باش نكتب . نشاء الله تتفهموني.
نحبكم ❣️ .
فوت و كومنتار بلييززز 😘