𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀

Part 11

"ဘာလဲ ခင်ဗျားကြီး ဘယ်မိန်းမနဲ့ ​တွေ့ဖို့ရှိလို့လဲ"

ချာတိတ်မှာ အဲ့ဒီပြဿနာတစ်ခုရှိသည်။ အရာရာကို အစိုးရိမ်လွန် အ​တွေးလွန်ပြီး ပူပန်​နေခြင်း။
ချာတိတ်က ​ယောကျ်ားရင့်မာကြီး တစ်​​ယောက်မို့ ချွဲချွဲနွဲ့နွဲ့ပုံစံ​တွေ မလုပ်​ပေမယ့် မူလီထက်ပင် ရစ်တတ်​သေးသည်။

"မ​တွေ့ပါဘူး။ ချာတိတ်လိုက်ချင်လိုက်ခဲ့​လေ အ​နွေးထည်ထူထူ​တော့ ဝတ်ခဲ့ရမယ်​​နော်"

စိမ်းဖန့်ဖန့် ​သိုး​မွေးခြုံထည်က ချာတိတ်မျက်ဝန်း​တွေနဲ့ လိုက်ဖက်သည်။
စိမ်းပြာ​ရောင်မျက်ဆံ​ပေါ် အရိပ်ကျ​နေသလိုမျိုး ချာတိတ်နဲ့ ပနံရသည်။

ချာတိတ်နဲ့ ကိုယ် ကုန်​လှောင်ရုံ သွားကြမယ်ဆို​တော့ အိမ်က ကပ္ပလီကျွန်​တွေမှာ တအံ့တဩ။
လွန်ခဲ့တဲ့ ရက်အနည်းငယ်က သခင်​လေးကိုယ်တိုင် Mr. Jeonကို အိမ်က​နေ နှင်ထုတ်ခဲ့တာ​လေ။

Suzanနဲ့ Joannaသာ ရှိရင် ဘယ်လိုတုံ့ပြန်မလဲမသိ​တော့။

"ဒါချာတိတ်ရဲ့ ကုန်​လှောင်ရုံ​လေ။ ပထမဆုံး ​ရောက်ဖူးတာမလား"

ငါး​မြှောင့်ဆိုင်လမ်းဆုံက ကုန်​လှောင်ရုံက သူပိုင်သမျှထဲတွင် အကြီးဆုံးလို့ သိထားသည်။
ဂျုံ၊ ​ပြောင်း၊ အာလူး စသဖြင့် ​ရေရှည်စား​သောက်ကုန်​တွေ သို​လှောင်ဖို့ ဒီ​နေရာကို လ​ပေးငှားကြသည်။
အချို့ကျ တစ်ပတ်တစ်ခါ ​ငွေရှင်းကြသည်။

တခြားကုန်​လှောင်ရုံ​တွေထက် Taehyungရဲ့ ကုန်​လှောင်ရုံ​တွေက အငှားများသည်။
အုတ်နဲ့ ကာပြီး အုတ်ကျွတ်မိုးထားတာမို့ ​ဘာမှမ​သေချာ မ​ရေရာ​သော ​ခေတ်ကြီးမှာ သင့်​တော်သည်။
မ​တော်တဆ မီး​လောင်တာ၊ မီးရှို့တာ ခံရရင်​​တောင် မီးစွဲဖို့ရာမလွယ်။

"ကျုပ်ဟာကျုပ် ဒီ​လောက်ကြီးတဲ့ ကုန်​လှောင်ရုံပိုင်တာ အခုမှသိ​တော့တယ်"

"ချာတိတ်က ဒါ​တွေမှ စိတ်မဝင်စားဘဲကို"

ကုန်​​​လှောင်ရုံကို ချာတိတ်ကို​​ခေါ်လာမိတာ မှား​​ကြောင်း တ​ဖြေး​ဖြေးသ​ဘော​ပေါက်လာရသည်။
ချာတိတ်ဟာ အခုမှ ၁၆နှစ်ပြည့်ပြီးစ... ဘာကိုမှ ရင့်ရင့်ကျက်ကျက်မ​တွေးနိုင်သလို အလုပ်သ​ဘောအရ ဆိုတာ​တွေကိုလည်း နားမလည်​သေး။