الفارس والريم الفالي❤️‍🔥

سعادة مؤقتة💖

❤️‍🔥حكاية الفارس والريم الفالي ❤️‍🔥9سعادة مؤقتة

اليوم اللي بعده...في الطريق...
عمار: بنحطك ياسمح في الحوش ادوشي تاخدي الدبش اللي تبيه انتي والفارس واني بنعدي مشوار ساعة زمان ونجيك...
دلال: بتعطل؟؟؟
عمار تنهد وقال: ايمن عنده مشكلة في المدرسة كلمني وقالي تعالي ضروري
دلال هزت راسها بايجاب بعدين شبحت لولدها وقعدت تغنيله: غير اكبر بس غير اكبر بس نديرولك عدة وفرس ...
عمار: هههههههههههه
شبحتله دلال وتبتسمت بحب....
حطها في الحوش .... وطول مش لمدرسة ايمن
دوشت.... ولبست.... وتعطرت...
بعدين وتت حوايج ليها و لولدها بعد كملت
مشت لسريره وقالت: حبيب ماما مانقدرش ندوشلك اني راجي لين نمشو لحوش حنينه كاملة
سمعت باب الحوش انفتح...
دلال: اهو بابا الحلو جانا وتوا بنمشو لحنينه سموحي تراجي فينا...
وخرت .. والتفتت بش تطلع...جمدت في مكانها...
عيونها توسعوا بصدمة وهي تشوف قدامها..
قعدت ترجف مع بعضها..
"تضحكي وفرحانه وعايشة حياتك بعد خربتي عيشتي ودمرتيها"
دلال وهي ترجف: انتي... كيف.. خشيتي
هندا بحقد: كيف ما انتي خشيتي حياتي وقلبتيها قلب ودمرتيها يا لفعة..
دلال وهي ترعش: اني ما درتلك شي.... انتي
خربتي علي روحك....
هندا: ياحقيرة ياكلبة..... اني اللي خربت ع روحي!!
دلال: اييه انتي... انتي كان قعدتي عاقلة ولهيتي
بصغارك راهو ماصارش فيك هكي...
هندا: يا مسخة... يا بنت ... &$$€
دلال: سكري فمك يا واطية
قدمتلها هندا وضربتها كف باقوي ماعندها
مالحقتش دلال تتلفت الا ويجيها التاني
وبدت هندا زي المجنونة تضرب في دلال
ودلال تعيط تحاول تقاوم بس مش قادرة
المراة نافس وكيف جايبة وجسمها منهك
مازالت هندا زي الوحش تصرب فيها بغل غلها
طيحتها وبركت فوقها وشدت شعرها وقالت: حلال القتل في كلبة كيفك ....
رن تليفون دلال.....
هندا شبحت للتليفون وخافت طلقتها وناضت
دفلت عليها ووخرت خطوتين بعدين لفت وطلعت تجري من الحوش وخلت دلال فاقدة للوعي تماما
وجواد ولدها يبكي بشدة....
💔💔💔💔💔💔💔💔💔💔
خش يمشي وهو مصدوم...
يشبح قدامه ويبلع فريقه وهو شاد دمعته بقوه..
شافه مدير المستشفى جاه بسرعة ومشي هو وياه وين مافي مرته وولده... وصل غادي لقي اصالة وولد اخته اصالة كانت تبكي بالعبرة...
واصيل مجرد شافه قدمله طول: حالهم باهي ياخال ماتخافش
المدير: ايه درنالهم الازم الام والطفل حالتهم كويسة
بلع ريقه وهو يشوف لباب الغرفةوهز راسه بايجاب
عمار قدم لاصالة وهي تشوفله
وصل فيها وقف وقال: شن صار؟؟
اصالة مسحت دموعها وبدت تتكلم: انت لما كلمتني وقتلي عدي لدلال قاعدة بروحها طول كلمت اصيل وعدينالها...منين وصلنا..
كملت اصالة تحكيله...
وغضبه تزيد تشعل في ناره اكتر واكتر...
مافيش شك ولو واحد في المية ان اللي دار هكي
هي مافيش غيرها من لما طلقها وهو واثق ومتاكد انها حدير شي بس مش عارف شن هو فكر في احتمال واحد مولي شائع بين معشر النساء
"السحر"
الرم دلال وهو معاها التزموا بقراءة سورة البقره وديما يدير في الرقية ليهم وللحوش ميه او قرأة
ومسلم الامر لله اولا واخرا....
لكن انتقام هندا جي بطريقة غير متوقعة...
💔💔💔💔💔💔💔💔💔💔💔
مقعمز حدا سريرها في الغرفة يتأمل....
فوجهها الجميل اللي علامات الضرب باديه عليه
وكيف شاحب.... قعد يتخيل كيف كانت تنضرب
حس بالألم اللي حست بيه... قعد يتخايل في كل ضربة تلقتها كانه هو تلقاها معاها
انقهر.... انقهر اكتر لما فكر كيف هي تحت جناحه ويصير فيها هكي.....مكانش جنبها بش يحميها ومايخلي شعرة من راسها تنمس...
دمعته.... غصب عنه نزلت... فلحضتها حس انه مايستاهلهاش... كان مفكر لو اهلها علمو بوها...
بوها بالدات.. هالمرة فكر انه مش حيوقف فوجهه ابدا لو خداها معاه...شايف ان يستاهل لانه مش قد هالامانة... رشف وحط يده فوق حواجبه ومشا ع وجبهته بعدين نزلها ورجع شافلها.. حط قبضة
يده ع فمه وهو يشوفلها والدموع بدو ينزلو من العيون بغزارة في هاللحظة بدت تفيق...
عيونها اللي يعشقهم بدو بنفتحو...
نزل يده وقعد يشوفلها بترقب....
وهي تفتح في عيونها وتصكر فيهم.....
كان كل شي تشوف فيه مضبب. قعدت تشبح حواليها ببطء وهو يشوفلها وخلاص...
توضحت الرؤية عندها شوي شوي...
بدت تستاقض وتوعي لنفسها...
اول حاجة دارتها حطت ايدها علي بطنها وقالت بصوت متعب:ول.....دي!!!
هو انفاسه تسارعت وقلبه ينبض بقوة شديدة
دلال كررت الكلمة اللي قالتها: ول..دي
هو تكلم وقال: دلال....
دورت بعيونها علي مصدرالصوت لعند ماجو
عليه شبحتله : وين .. جواد؟
عماز: يالاك يا عمري....
شبحت ايسارها شافت السرير اللي جنبها لقاته راقد
ابتسمت بفرح ودموعها نزلو رجعت
شبحت لعمار: كويس.... ولا؟
هز راسه بايجاب...
ركزت عليه وقالت: تبكي!!!
مسح دموعه طول بعنف وقال: احمم.. لا....لا
وقعد يحرك في راسه يمين يسار بالنفي
دلال: تعالي....
شبحلها....
هي اشرت بيدها بصعوبه وهي تقول: اقرب....
ضحك.... وهي ابتسمت....
ناض.... وقدملها
دلال: قرب...
طبس وقرب لوجهها...
رفعت يدها بصعوبه لوجهه وقعدت تمسح فدموعه وقالت: نحبك....
هو بعد ووقف ع حيله وطول لف للباب فتحه وطلع
دلال بدموع: عماااار....
هو مشي مسافة بسيطة بعيد عن الغرفة يمسح فدموعه اللي خانوه ونزلو...بعدين وقف خدي نفس عميق ...لف وطول ولي للغرفة...فتح الباب...
شبحتله بالم ودموعها ينزلو...
صكر الباب وجاها.... طبس ع راسها وباسه بعد شويه وهو يشوفلها قال: مانستاهلكش....
دلال بدت علي وجهها ملامح الانزعاج الممزوجة باالتعب شن تقول... اني مايستاهلني... حد غيرك
انهال ع وجهها بقبلات لطيفة ع كل مكان في اثر الضرب وهو يردد في كلمتين"اسف" و "سامحيني"
ودموعها ينزلو ليلتها قتد ساهر حداها هي وولده
وكان الولد لما يفيق يعيط يجيبوله الممرضات في رضاعة ويرضعو فيه حليب خاص يناسبه
كانت دلال تتألم من اللي تشوف فيه كانت تبي ترضع ولدها بس اللي هي فيه مانعها حاليا...
وعمار وين يشوف الالم اللي يبان فعيونها مع الدموع يزيد ينقهر اكتر واكتر...
💔💔💔💔💔💔💔💔💔💔💔
تاني يوم الصبح...الساعة 9:00 صباحا..
مشت الممرضة طلعت.. دلال تشوف لولدها بالم
خش عمار للغرفة: فطرتي كويس...
هزت راسها بايجاب...ورجعت تشوف لولدها
عمار: احمم... هللك جايين في الطريق..
شبحتبله طول وقالت: شن قلتلهم!!؟
عمار تنهد وقال: تعبتي شوية بعد الولادة
وقاعدة في المستشفى....
دلال ابتسمت وقالت: كويس...
هو ابتسم...
دلال: باهي نطلب منك طلب؟
عمار: امر يا عمري..
دلال بابتسامة: جيبلي مكياجي..
ضيق عيونه وهو يضحك باستغراب...
دلال: بسرعة حبيبي...
عمار: حاضر
توجه للحوش ..جاب شنطة مكياجها كان يعرفها
كويس اساسا تفاصيل تفاصيلها حافظهم...
وطول بعدين مشي المستشفى
وصلتها الشنطة وكلمت وحدة من الممرضات اديرلها رتوش بكريمة الاساس والبودرة محاوله منها لإخفاء اثار حقد هندا..
وعمار يشوفلها... فرحان... لانها قاعدة ادير فكل شي
تقدر عليه بش تحافظ ع وجودهم مع بعض...
ولكن في نفس الوقت مازال مقهور عليها بشدة،،
عبدالسلام: ماشالله
نعيمة جت جنبه: ياروحي عليه..تبارك الرحمن
شبحو دلال وعمار لبعض...
دلال دارتله حركة بخشمها...
ابتسم وهو يغمض في عيونه ويفتح فيهم
شبحت نعيمة لدلال: شن حاله توا..
دلال: الحمدلله صحته كويسة
عبدالسلام: وانتي يا بابا...
دلال بابتسامة: الحمدلله تعب بسيط
ومشي علي حاله...
شبحلها شويه بعدين شبح لعمار...
و طبعا الحدس الامني اشتغل.. حاس في انه
في شي وارتباك عمار اللي يحاول يخفيه خير دليل
دلال بمزح: بابا تبيه يقولك جدوا ولا بابا؟
ابتسم عبدالسلام و رجع شافله...
نعيمة: اني عن نفسي بنخليه يقولي امي مازلت صغيرة علي حناي...ضحكو..
دلال بضحكة: وانت بابا..
عبدالسلام وهو يشوف لجواد: دام بوه حي و
موجود فوق راسه مايقولش بابا لغيره..
ابتسم عمار..
دلال بابتسامة: ربي يطول فعمرك يااحلا
واحن جد في الدنيا...
ضحك ومشالها حضنها وباسها ع راسها
وعمار يشوفلهم بابتسامة...
💞💞💞💞💞💞💞💞💞💞
تنفست بارتياح: الحمدلله باهي وولدي؟
الدكتورة: لا الحمدلله صحته تمام بطل طالع لبوه
دلال رفعت حاجبها...
ابتسمت الدكتورة: تبي تسالي عن حاجة اخرا؟
دلال بحدة: لا شكرا...
الدكتورة بضحكة: لاباس عليكم وطلعت
دلال تعجب عليها: بتل تالع لبوه....
ع خشة عمار....
دلال برفعة حاجب: وين كنت يا بطل...
عمار بقرنة حواجب وهو يضحك: كنت
ندير في مكالمة.... خيرك...
دلال شبحت لولدها وقالت: شي...
قربلها وقعمز حداها : خيره السمح....
دلال: شي... قولي جواد يشبهني ولا...
عمار بضحكة: والله ياعمري مافيه منك حاجة اخطا لون العوينات والباقي كله اني نسخة طبق الاصل
دلال بتضييقة عيون: نسخة!! جبته اول امس بس مازال ما يبانش زين لمن يشبه راه
عمار بضحكة: كيف صار ماهو بكري شوي كان يشبهك
ضحكت دلال ورجعت شافت لولدها تنهدت
وقالت: الحمدلله....
تلاشت ضحكة عمار وقال بغل: لولا اني نخاف الله
كنت قتلتها الكلبه هادي...
دلال شبحتله وقالت: شن صار فيها؟؟
عمار: خدت إللي تستحقه
دلال: اللي هو شنو؟؟
تنهد ورد: ماتفكري في شي توا غير فصحتك
وصحة ولدك بسسس...
دلال باصرار: عمار شن درتولها
شبح لولده شويه بعدين قال: وحدة كيفها
حرام فيها تكون ام...
سكتت وقعدت تشبح لراجلها انوجع قلبها..
مش لانها متالية او طيبتها زايدة لا... انوجع قلبها
لسبب واحد هي توا ولت ام
💕💕💕💕💕💕💕💕💕💕💕
وفات اليوم وجي اليوم اللي بعده...
كانت حالتها كويسة ومافيش داعي لقعادها
في المستشفى روحت هي وولدها وامها..
وهما طالعين من المستشفى....
دلال: عمار روح بيا لحوش اهلك طول...
هز راسه بايجاب... امها كانت شادة جواد
وتشوفلهم كيف يتكلمو بهمس
وزاد الشك في داخلها....
الساعة12:00 ليلاا....
طلعت للمربوعة... لقاته واقف...
عمار بابتسامة: اه منك يا مبهدل قلبي بسماحتك
دلال بضحكة: شن عنده بو جواد....
عمار بضحكة: خوالك يبو يشوفو الفارس الصغير
دلال: من منهم؟
عمار: هانيبال والهادي...
دلال بابتسامة: شويه وجايين...
عمار: بوسة يا سمح...
عطتهاله من بعيد وخشت وهي تضحك
عمار بضحكة: تي باااهي باهي...
شويه وطلعت دلال هي وجواد لخوالها في المربوعة
هانيبال والهادي لما شافوهم :
هههههههههههههههههههههههههه...
الهادي بضحكة: قصدك دلال كبرت و ولت ام...
هانيبال بضحكة: المتياج هادي امس بس كانت تلعب باللبز قدام البوابة...
عمار ميت بالضحك ،..
دلال ووجهها احمر: مبردكم....
💞💞💞💞💞💞💞💞💞💞
ليليتها عمار خش بات مع مرته...
بعد رقدت جواد وحطاته فسريره مشت للسرير
وهي تهدرز
دلال؛ كلهم فرحانين بيه اكتر مني
عمار بابتسامة: اول ولد حفيد في العيلتين
عيلة باتك وامك...
دلال بابتسامة قالت: ايه صح..
عمار قعد يتامل فيها..
دلال بابتسامة خجولة: خيرك...
ابتسم وقال: ترا قوليلي الأبيات اللي الفتيهن ليا...
شبحتله شوية بعدين ابتسمت وقالت:باهي
شبحت لعيونه بحب...وبدت تقول في الابيات
💓انت حبيب القلب وانت الغالي....
وانت عيوني ومنيتي وامالي...
انت الوحيد حبيبي...وانت غلاي وانت الي صاحيبي
وانت اللي نبغي تكون نصيبي...
وانت اللي مالقيت كيفك والي...
وانت لجرحي يا عزيز طبيبي...
وانت اللي عيني عليك تشالي
انت هواا الانفاس وانت غلاك مالقيتله مقیاس
وانت اللي حبك سكن في الراس
وانت ذهب صافي وسومه غالي
وانت اللي مافيش كيفك ناس
وانت حبيبي وفيك كل اقوالي
انت زهي الأنظار .
وانت غلاك معاي ... شي ماصار ..
ابتسمت
هو حط يده ع يدها وشدها وقال بعد تنهد
من قلبه
ب ماهو عادي
انتي الغلا ياعمري
نارك قوية يقيد منها جمري
يطيحوا نجوم الليل تبقي قمري
وطيفك معاي في اوقات سهادي
انتي منایا معاك يصلح أمري
يدوم الغلا بجاه النبي الهادي ..
تنهد وکمل
و عمري بلاك خساره ..
زهري يجف .. يطيحه نواره
ايحير الدليل بلاك في مشواره
نعاني هموم وغم دون اندادي
نتي زها الخاطر ربيع اقداره
وانتي الرفيقه .. زادتي وزوادي
نعيشوا ایام هنيه
يدوم الهنا نا ليك وانتي ليا
شد يدها ورفعها وهو يقول
انشقوا الطريق ايديتك في ايديا
نصونوا الغلا نحموه من الحسادي
ومافي غلا يسواك ياغاليه
زین النسا والزين منك بادي
وليك الغلا والحب ماهو عادي
قربت يده ليها وباستها من داخل
وعيونها مغمضات ودموعها ينزلوا
هو ابتسم وقلبها بيفر
قربلها وفك يده بالشوية وشد راسه وباسه
دلال وعيونها مغمضات ودموعها تنزل :
انتي حياتي وروحي .. عمار اني من غيرك نموت
حضنها بقوة وهو يقول : لانذوق حزنك
ولااذوقي حزني ..
حضناته بقوة اكثر
وياريت هاللحظه كانت سرمدية هما هكي تمنوها ..
قلتها قبل عمار ودلال هما اللى غنى عليهم ملحم بركات. انا وانت يانور العين روح وساكنه في جسدين💖💖💖💖💖💖💖💖
سرت
منطقة الجيزة العسكريه احد منازل تلك المنطقه
تي تعالي هني ياماما تعالی ... اااه
ياربي .. عماااار .. عممااااار
طلع من دار المكتبة جري وهو يضحك
يجري ورا جواد اللي كان يمرد بسرعه هارب من امه
حصل عليه وشده وقامه : شديت الفارس
دلال نفخت وقصتها طارت ... مدت لعمار
فردة شخشير جواد
قدم بيه وهو يضحك ويقول : هبلت ماما
خليتها كيف غولة الجنانات
دلال بتنفيصه : شنييييي !!
عمار خدي الشخشير وهو يضحك
وقفت بالشوي عليها وهي تقول : اضحك
زيد اضحك .. اني اصلا من خلاني غوله
غيرك انت وولدك
ومشت للدار
وعمار قعد يضحك وهو يلبس في جواد :
ماما .. اشر بيده ع راسه بحركه دائريه
بمعنى هبلت
"شووووفتك"
عمار :ههههههههههههه
بعدها كمله لبس وهو يغنيله : بابا تليفون قلوا مو هون
طلعت من الدار وهي
تضحك : حتى هادي حفظتها
عمار بضحكه : حكم علينا الزمان
نحفظوا حاجات واجده ونديروا حاجات
واجده .. ماتوقعنا نديروهن
هي ابتسمت بعدين قالت : باهي اشبحلي
ترا .. اما احلى الماليه هادي ولاهادي ..
قام جواد وهو يشوفلها .. قدم جيهتها
ووصل فيها وقال : امممم ... شبحلها
كل شي يطلع عليك ياسمح .. وباسها
دلال بضحكه : بيباهي ... المهم شد عليا ولدك لين نكمل
عمار : باهي سقدي روحك عندي ماندير
دلال بإبتسامه : باهي .. ولفت ومشت للدار
عمار وهو يشبح الجواد : حلوة امك واجد وهي دبه
جواد : لولا "... دلوله
عمار قعد يضحك
بعد سکر جواد 40 يوم ... انتقلوا للسكن في منطقة الجيزة العسكرية بإعتبار عمار احد العسكريين
بعد شهرين من انتقالهم اكتشفت دلال آنها
حامل وعمر حملها وقتها شهرين الزبط
هي حاليا حامل في الشهر السادس وجنس المولود .. ذكر وطبعا دلال معاش ولت لقرايتها بكل .اهتمامها كله ولا لولدها بس ... وزياده
حملها الثاني تعبها ومعروفه معاناة الأم ... اللي تحمل وعندها طفل سواء كان بنت ولا ولد ماسكرش السنه معاناه حقيقيه بس عمار كان يمارس في مهامه كأب
وزوجع اكمل وجه ويحاول يوفق بين بيته
وخدمته ... سواء كان في الدوله .. او نشاطه التجاري الخاص
وكذلك يحاول يدير واجبة مع صغار خوه
💖💖💖💖💖💖💖💖💖
الولاد شافوا دلال نازله بجواد جوه يجرو
ابتسمت وقالت : خوده عبدالرزاق ..
عبدالرزاق : هي تعال جواد .. جاه طول
وقامه عبدالرزاق
وقعدوا الزوز يلعبوا عليه
وعمهم وجدهم يشوفولهم بإبتسامه
عمار شبح المؤنس : شن الأخبار ..
مؤنس بإبتسامه : الحمد لله
مختار : امك مامخليه مامدايرة ضروري تجي ع العشا
ضحك وقال : حاضر
عمار : شن دایر الرعد
مؤنس : يرجی فصاحبه
ابتسم عمار وبعدين شبح لولاد خوه اللي
شادین ولده : عمي عبد الرزاق شبحوله
عمار : جيب ولد عمك ترا ..
قدم عبد الرزاق العمه ومده لعمار
عمار وهو ياخد في ولده : هيا يافارس
نعدوا نشوفوا حصانك ضحكوا
بعدين مشوا مع بعضهم وين مافي الإسطبل
ووراهم دلال مبتسمه طول الوقت
وهي ماشيه .. كانت توزع فنظرها ع
ًالمكان ... جت عينها ع أيمن مقعمز بروحهًتحت وحده من النخل تلاشت ابتسامتها واضايقت هلبه
غیرت عيونها عنه وكملت طريقها
و ایمن ديما متجنبهم وبعيد عليهم
حتی عمه معاش عند ليه .. وين يجي مايطلعلاش بكل .. وكان تصادف هو وياه يدوب يسلم عليه
ويفوته وعمار برغم أنه كان يضايق هلبه من
مجافاة ايمن ليه لكن مافكرش ولا مرة
يلومه ... عاطيه عذر طلعوا الجواد المهر متاعه دلال عجبها هلبه .. كان لونه بني غامق وجميل فشكله قربه بوه ليه وحطه عليه والحاج مختار يصور فيهم
وبوه يعلق عليه وهما يضحكوا