الفارس والريم الفالي❤️‍🔥

تمرد القلب

❤️‍🔥حكاية الفارس والريم الفالي ❤️‍🔥3تمرد القلب

صكرت دلال بعد صكرت أمها .. وكيف
جاية بتولي رن تليفونها .. لما شافت رقمه
.. ردت بلهفه
دلال : عماري
عمار ضحك بصدمه : منو؟؟
دلال ضحكت بخجل وهي حاطه يدها ع
وجهها مش عارفه كيف طلعت منها
تنهد تنهيده .. تنهد تنهيده . اللي
يسمعها يحسها طالعه من وسط القلب من
داخل
عمار : آاااااااااااه واهتين واااااه
دلال شادة ضحكتها مش ناسيه انها في
حوش عزي
بعدين قالت : وصلت
عمار : كانك ع طرابلس وصلتلها ... لكن
البنتها مازلت نعاني وماوصلت
دلال بإبتسامه : توصل توصل غیر تبي
شوية صبر
عمار : آآآآه .. صبرني يامولاي
" ملازم عمار .."
عماربحده : لحظه
هي ضيقت عيونها وهي تضحك من اسلوبه
اللي تغير فلحظه
عمار : هي فأمان الله ... وصكر
هي غمضت عيونها وهي مبتسمه وتنهدت
الفت بتمشي .. اتفاجئت بهندا قدامها
شبحت لدلال من فوق للوطا .. ومشت
ودلال قعدت معاها بعيونها لين اختفت
تأففت بعدين مشت حتى هي وولت للصاله
❤️‍🔥❤️‍🔥❤️‍🔥❤️‍🔥

الساعه 2:00 لیلا
كانت حترقد ... لين رن تليفونها بنغمة
رساله
شافت التليفون .... وفتحتها
نكلمك توا في الحال )
دلال ضحكت ... شبحت حواليها
القتهم راقدين
ناضت وقعدت تتسحب ومشت في تركينه
تعرفها في الحوش مستخطيه
وقفت وبعتتله رساله ...
( باهي )
طول رن تليفونها
خدت نفس وردت
دلال : الو ..
وجاها الرد
و ياليل بلغ للعزيز اشواقي
قوله يريدك غير ماهو لاقي
بلغة وأرسله
على شي واااجد ماقدرت نعله
وقوله الشوق يزيد غير وين ندله
الخاطرع طرواك شاقي باقي
ياليل بلغه شوقه
الخاطر وشيله للعزیز بروقه
قوله غرامك شابكات اعروقه
بسيول دمعك ففراقك ساقي
: بلغ اريافه ولوعه
وشوق حارقه قاعد حبيس ضلوعه
دوم في سريبك ماخطی موضوعه
وغيرك إيفادي فالغلا ويتاقي
: بلغ جميع احساسي
ياليل عهده لي ماني ناسي
ریدي وديدي وانت في اتواسي
قوله اشواقي مالیات اوراقي
دلال بهيام : تعرف اني لو بننسحر فيك
السبب عطرك واشعارك
عمار بإبتسامه : بس
دلال بإبتسامه : ولإنك فارس
عمار حط شد ذقنه بيده : بس؟
دلال بضحكه وقلبها ينبض بقوة : ولأنك حنون
عمار ضحك وقال : بس؟
دلال : ولأنك غير الغيييير
عمار مسح بيده ع لحيته ووزع نظره
حواليه وقال : قصدي اني لعند توا
ابتسم وقال ... مش مصدق
دلال ابتسمت : ولا أني
عمار تنهد وقعد ساكت
دلال : عمار ..
عمار وهو يتكلم بيده : هنى تصير مشكله
انتي مش عارفه مدى خطورتها ... اسمي
منين تقوليه .. اشر ع نفسه .. تصير فيا
حاجات مش عارف كيف نشرحهن
دلال ضحكت وقالت : باهي قولي امتي
مروح ..
ضحك وحط يده ورا راسه : ليش مستاحشه
دلال بضحكه : لاغير نسأل وخلاص
ضحك وقال : اممم .. الإربعا العشيه
قوليلي .. تاكلي كويس
دلال بإبتسامه : ايه ناكل كويس خواتك
مش مخليني بكل ... كليتي شربتي بالك
تبي حاجه .. والله يهبلوا وخجولني
بإهتمامهم
عمار ابتسم وقال : اول شي هن حنينات
واجد .. تاني شي خوهن اللي احن منهن
واصهن
دلال بإبتسامه : سلمهن وسلم خوهن .
عمار بضحكه : تعجبي ع كلامي !! ؟؟
دلال : بالعكس كلامك وكلام خوالي يهبل
اصلا نسيت نقولك ان هادي وحده من
الاسباب اللي سحروني فيك
عمار ابتسم وهو عاض ع شاربه وقال :
معناها انتي انسحرتي رسمي
دلال ابتسمت وقعدت ساكته
عمار : تكابري مازلتي
دلال : وين نكابر ... بعد هذا كله ومازال
فيها كبرياء
عمار : شن اللي هدا كله .. اللي يسمعك
يصدق .. واني لاريت ولاسمعت
دلال ضحكت وهی
عاضه ع شاربها
ورافعه راسها فوق بعدين نزلاته وقالت :
احمم .. بنصكر قبل يفيق بيا حد
عمار برفعة حاجب : تكلمي فصاحبك !؟
دلال : ههههه
عيب ياودي عيب مهما كان
عمار : كان نوصل فيك بس نوريك العيب شن شكله
دلال غمضت عيونها وهي تضحك : تصبح ع خير
وصكرت عليه وهي ترجف .. وقلبها يدق
بقوة ووجهها احمر
مروحت ع روحها بيدها ... خدت نفس
وتماسكت .. ومشت لوين ماجت
اما هو... بعد صكرت عليه ... قعد متكي ع
الكرسي وهومغمض عيونه وسارح في كل
شی صاير معاه مؤخرا هو ودلولته
❤️‍🔥❤️‍🔥❤️‍🔥❤️‍🔥
الساعه 6:00 مساءا
في حوش مختار ..
مقعمزة وتشوف لتليفونها وحاسه بخوف
تتصل مايردش ... وغير هكي الصبح
ماكلمهاش
مش عارفه علاش قلبها مقبوض
شبحت لعزوزتها لما سمعتها قالت : عمار
مازال مش مروح
هندا : بكري كلمني قال بنعطل
انصدمت دلال
امینه : اكيد مشغول ... مزال بنولوا الحوش
عمي في الليل
كامله : ايه .. شبحت لدلال .. مش لازم
تعدي معانا مازلتي عروس والله خشوشك
للعزوات ماهو راضيني
شبحتلها هندا من فوق للوطا
شوية وخش واحد من ولاد امینه ووجهه
مايتفرسش : خالي عمار دار حادث في
طريق مصراته
شهقوا كلهم بصدمه
ماعدا دلال الا ماتحملتش اللي سمعاته
وطول فقدت الوعي .
خلاص دلال ... اهوا قال سيدي حاله باهي
مافيه شي
دلال ببكي : باهي وينه
كامله : بنتي اهدي تربحي وجهك رايح
کیف الليمه
هندا كان واقفة بعيد وتبكي وحداها ولدها
انفتح باب الحوش
وخش عمار : السلام عليكم
وتجيه عمتك هندا تجري وتحضنه
ودلال فنصت ... وولعت فيها النار .
عمار : مافيا شي خيرك .. بعدها ... وجاته امه
كامله : شن صار قولي ..
عمار : ربك لطف وتقی علیا وجت في
السيارة
هندا : عديت المستشفي كشفت
عمار : ايه عديت لمستشفى فمصراته
ومستشفى هني الأمور تمام ..
عيونه ع دلال اللي قاعدة مقعمزة
وماناضتلاش وتبان معصبه برغم بكاها
ابتسم
معقوله حتی حمد لله ع السلامه مانسمعها
اطلع في حوايجها من الدولاب وهي
معصبه
عمار بحده:نحكي مع من آني؟ !
التفتت وقالت بحده : شن تبي
قدمله وع وجهه ملامح الغضب : تكلمي
كويس احسلك .. راهو بالي مش واسع
سایرت واجد فوق المسايرة سايرت
دلال تحاول تتماسك بش ماتبكيش : شن
تبي مني باهي ..
عمار : ليش التجاهل والمعامله هدي
ليش كل مرة بحال شكل .. تلعبي بيا انتي
والانتعاملي معاي بمزاجك
دلال قعدت ساكته وهي مربعه ايديها
ومنزلة عيونها لوطا
عمار : اسمعي تصرفاتك هدي بتوصلك
المواصيل اني نفسي مانبيهنش وانتي
حترغميني عليهن
دلال شيحتله بحدة وقالت : تبي تعرف
علاش نتعامل معاك هكي !؟ باهي ... والله
اني نتجاهل فيك زي ماانت متجاهلني لما
تتصل وماتردش ونلقاك مكلم الست هندا
... نتعامل معاك بمزاجي زي ماانت تتعامل
معاي بمزاجك ... وتحضنلي في الست
هندا
قالت جملتها الأخيرة وهي قارنه حواجبها
ووجهها احمر من الغضب
عمار : ههههههههه
... قدملها وحاوطها بإيديه
هي تفكك فروحها : حول .. حول ترا
شدها .. وباسها من خدها وطول
💓💓💓دلال
بعد وهويشوفلها بعيون مليانه شوق وهيام
دلال : علاش تبوس فيا برا بوسها هي
عمار معاش قدر يتمالك نفسه اكثر من
هكي خلاص
هام بشوقه ... بعشقه ... بلهفته
ودلال استسلمت استسلام تام لعاصفه
المشاعر اللي وصلتها منه💕💕💕
نسوا كل شي
وانقطعوا عن الدنيا والناس
هو معروف انه عاشق مجنون .. ومتعذب
لكن هي اللي كانت يوم الأيام مش قابله
حتى تشوف فوجهه
حاسه روحها حامله كمية مشاعر ليه
تقول كانت مدسوسة من عمر💞💞💞
تقول ليها سنين وسنين عاشقه والشوق
ماليها💞💞💞💞💞
وكانت ليله عشق صافي ... عشق ليه سنين
وسنين يستني امتي تجي ساعة اللقاء
ولحظه اجتماع الاشواق💕💕💕💕💕
وتهنت العروسه
عمار بهيام : راجيت أوطلت .. صبرت
ونلت💗💗💗💗
دلال حطت وجهها فرقبته من الخجل
عمار : هههههههه💕💕💕💕💕💕💕💕
💗💗💗💗💗💗
الساعه 11:00 صباحا
عالي وتعلی وارتفع لفوق وارتفع لفوق
يابلد شامخ ماركع ...
كملت مشط شعرها وهي تسمع في أغنية
محمد حسن وتسمع فيه هو يغني معاها
وتضحك
بخت عطرها .. وطلعت من الدار .. وين جت
مقابله الكوجينه
لقاته واقف في الكوجينه يبان يوتي
فالفطور
لابس توته سروالها رصاصي وفانليتها
توب رصاصي هافت
كان يغني ويحرك فراسه من كثر مامنسجم
مع
الأغنية وجوه مليح
جاي بيحط الصونيه ع الطاوله شافها
واقفه تتفرج عليه ضحك
حط الصونیه
وجاها وهو يغني ويحرك في إيدية :
عالي وتعلی وارتفع لفوق ... وارتفع لفوق-
يابلد شامخ ماركع
ياشمس واتخدت جمیل شروق
وصل فيها وحضنها وهو يغنى فودنها
يانور في صحرا سطع
باسها من خدها ... وكمل غني وهو
حاضنها وهي تضحك
دلال : حتى عيد سلطة الشعب مازال .
عمار : هذا عيدي اني .... احتفالات
بانتصار عمار
دلال بضحكه : إياااه ..
عمار بضحكه : وإلى الأمام والكفاح
الثوري مستمر
وقعد يبوس فيها وهي ميته بالضحك
العند ماسمعت الشاهي فاج
دلال : الشاهي
عمار حضنها بقوة وضحك ... بعدين بعد
وشدها من يدها : اسمعي تعلقي ع
الفطور نهارك اللي دوري فيه
دلال بضحكه وهي تهز فراسها بإيجاب :
امباه .
وصلها للكرسي ... وخرهولها ... قعمزت
ومشي هو يحل في ازمة الشاهي .. وهي
تشوف للفطور وحاطه يدها تحت ذقنها
وشاده ضحكتها
شبحلها وهو رافع حاجبه الإيسار : عجبك
ولا؟؟
                                    دلال رفعت حواجبها: واجد
جاها وقرب منها وباسها وقال : واجد
واجد
دلال وهي تشوف لعيونه بهيام : هلبه
هلبات
باسها مرة تانيه : تاكليه كله
دلال ضحكت : لامش لهالدرجه
عمار بلهفه : لكن اني بناكلك كلك
ويرجع يبوسها .. وينوضها ويرفعها لعشهم
الحلو
ويقعد الفطور بروحه ..🔥🔥🔥
❤️‍🔥❤️‍🔥❤️‍🔥❤️‍🔥❤️‍🔥❤️‍🔥
الساعة 5:00 عصرا
تو يقولوا عمه میت وطالع يدهور
عمار وهو حاضنها من الخلف : عمي مات
الله يرحمه .. شن كان مات نموت معاه
دلال بضحكه : بعيد السو لكن مايجيش
باسها من خدها وقال : كلمة عيب عيب اللي
ماتبي تطلقيها هدي
دلال : هههههههه .. ماهو حق عيب
شد ذقنها بيده ولف وجهها ليه وباسها :
العيب ع اللي يدير العيب ياسمحه ... وهي
البسي محرمتك خل نطلعوا
بعد عنها وهي تضحك قالت : وشاح مش
محرمه .. وحتي المحرمه قوللها شاربه
قرصها من خدها : لاشاربه لاواكله البسي
محرمتك فيسع بلافلسفه
طلقها وطلع .. ودلال تحسست خدها وهي
تضحك
في السيارة
اللي كانت مظلمه
يدهور هو وياها .. ومحمد حسن بألحانه
وصوته معاهم
وهو يشارك فيه الغني ويحرك في ايديه
ومرة مرة يشوف لدلال ... اللي كان ميته
بالضحك
عمار :
سمحه والخاطر غاويها عاشق فيها
ديما ديما والع بيها
سمجه
سمحه والخاطر غاويها عاشق فيها
ديما ديما والع فيها سمجه
خدي يدها وباسها وبعدين قعد شادها
ودلال تتأمل فيه
عمار :
سمحه والخاطر ولاته طول حياته طيروهي
عشه ومباته
سر احزانه وزهاته روحه فيها وين
يغيب ايحن يجيها
ورجع باس يدها
ودلال ذايبه فيه
قصدي يعني والله معذورة ماتنلام اللي
طبت فغرامه بسرعه هكي
ع قولت الخليج
الله يلوم اللي يلومها
💗💗💗💗💗💗💗
الساعه 7:30 مساءا
في غرفه في احد فنادق مدينة مصراته
انت مجنون رسمي
عمار وهو حاضنها : ومن جنني غيرك ..
دلال ضحكت : باهي قلتلهم
عمار : تي خيرك تفكري فيهم اكثر
ماتفكري فيا متزوجتيني اني ولاهما
دلال بعدت وهي تشوفله وتضحك : تي
ماهو عيب ومايجيش
عمار : العيب اللي قاتلك هدى ... هاتي
بوسه یادعوه ..
دلال ضحكت بخجل وقربت باساته
عمار : ااااااااااه ... عسسل ينزل ع قلبي
دلال تحشمت وحطت وجهها فحضنه وعمار
يضحك عليها .. لف ايديه عليها وهو
يضحك ويقول : تتحشم القطوسة مازالت
اها ... تتحشمي مازلتي ...
دلال بضحكه : خنقتني
عمار زاد حضنها بقوة : هااااااه .
دلال ميته بالضحك
" رومانسيه عسكريه
بعد عنها وهو يضحك وقال : جعانه
بعد
دلال : اممم ... هلبه
عمار : خيرك ماقلتي ...!! هي صبي
بعد ادوشي البسي وننزلوا ناكلوا لوطا ..
ولاخاطرك نطلعوا
دلال : عادي سوا سوا
عمار : لاياقلبي مش سوا سوا .. اللي
خاطرك فيه نديره
دلال بعدت وشبحتله : اممم باهي نطلعوا
عمار ابتسم : نطلعوا
قربها ليه وباسها وطووول وبعدين بعدها
وقال : هي صبي ياعمري 💞
دلال باهي-
خدت بالطوها من ع الكاميدينو لبساته
وناضت للحمام ..
وعمار معاها بعيونه المتيمه
قربها منه خلاه يزيد يعشقها اضعاف
مضاعفه💗💗💗💗
رن تليفونها
خداه من ع الكامدينو لقي رانيا المتصله
ابتسم ورده لمكانه
طلعت دلال من الدوش وهي لابسه دشمبر
عمار : نعيما ياعمري
دلال بأبتسامه : الله ينعم عليك
عمار : نعدي نخش بسرعه قبل يصير فيها
كلام تاني
ضحكت دلال
و هو فایت من حداها قرص خدها وضحك
وقال : ايه سمحه بنت خالتك اتصلت بيك
دلال : رانيا
عمار : ايه .... وخش للحمام ..
لبست دلال
وبعدين صلت اللي فاتها
وبعد كملت ناضت خدت تليفونها من الكامادينو واتصلت برانيا
ع طلعة عمار اللي سمعها قالت اسم رمزي
عارفها تكلم في ولد خالها ... لكن هو
الحاجات هادي ضدها وبقوة ..
عصب ع الأخر وبدي يغلي غلي
البس حوايجه ويحاول يتمالك نفسه
ويتصرف بحكمه بدون مايزعلها
رمزي : دلال اني توا في العمل مش فاضي
دلال بعصبيه : باهي براحتك يارمزي لكن
نقولك انت هكي حتخسر رانيا .. وصكرت
عليه وهي معصبه
ولت للدار لقت عمار مقعمز ع الكرسي
وحاط رجل ع رجل ويشوف فتليفونه بعد
خشت شبحلها بحده وقال : فمن كنتي تكلمي؟؟
دلال لاحظت ان وجهه باينه فيه ملامح
الغضب : ولد خالي رمزي ..
عمار نزل عيونه لتليفونه ركز ع كم سوريته
مفتوح ... ناض وقف قدملها
وهو يبطم في كم سوريته قاللها : اسمعي
... ولاد خوالك خالاتك ولاد عمامك عماتك
نزل ايديه وحطهم فجيوبه .. علاقتك بيهم
تنقطع .... لانبيك تكلميهم ولاتسلمي عليهم
.... اني الجو هدى مانحبه ولا عندي فيه
يابنت الناس
دلال وهو يتكلم كانت تسمعله بأنتباه
ومركزة ع ملامح وجهه بعد كمل كلامه
ابتسمت وقالت : حاضر
هو هدي بعض الشي .. بس
قاعده الحكايه
حارقاته قال : هي اطلعي
اطلعي فات من حداها
.. هي شدت يده
حضت ذراعه وحطت راسه ع كتفه وقالت :
اسفه عماري
ابتسم وهو رافع حاجبه : مانقدرش نقاوم
القطاطیس اللي ديري فيه
ضحكت وقالت : معاش زعلان
قلدها وقال : معاش زعلان ..
ضحكت دلال .. وقربت باساته وبعدت
عمار وهو يتكلم بيده : تو انتي تبي ننزلوا
ولا نقعدوا ولاكيف مافهمتش القصة
دلال : هههههههه
الاالا نطلعوا نطلعوا هيا
ضحك وشد يدها وطلعوا ومازالوا يهدرزوا
ويناشبوا في بعض
💞💞💞💞💞💞💞
بس في مصراته الحب
كانوا في عشاق عايشين حبهم ... عشقهم
.. شوقهم ومشاعرهم
وكل واحد فيهم بيموت ع التاني ومش قادر
يخليه💓💓💓💓💓
ريتوا لما ملحم بركات يقول ..
وانا وانت يانور العين
روح وساكنه بجسدين
هو هذا اللي نقصده
اللي عايشينه عمار ودلولته💕💕💕💕💕💕💕💕💕💕💕💕💕
تاني يوم الصبح .
الساعه 10 صباحا
خلاص عمار ..
عمار : اخر بوسه قبل نطلعوا
ضحكت دلال : باهي .
وباسها ... وكالعادة مايفكها كان
بالسيف
دلال بضحكه : هيا خلاص لازم نطلعوا
عمار تنهد وقال : والله ماكنت هكي والله
شن درتي فيا قوليلي •
دلال بضحكه : والله العظيم مادرت حاجه
حتى زواجي منك بمداهمه
عمار الف على رقبتها ذراعه : وندير اكبر
هكي بش تكوني جنبي .. انتي راااك
جنيتني فاهمه .. درتي فيا اللي مايندار
دلال : ههههههه باهي رقبتي انسکرت
ضحك وحضنها بقوة : نعشقك نعشقك
دلال مبتسمه وقلبها يدق بقوة
بعد عمار وتنهد : بالله اطلعي❤️‍🔥
دلال : هههههه ... فتحت الباب وطلعت
وعمار وزع نظره ع الغرفه وابتسم
بعدين طلع وسكر الباب
💗💗💗💗💗
📲📲
دلال بغضب : اسمعي فوتيه مرة وحده
تعرفي شن اللي خلاه يولي هكي .. طيبتك
الزايدة وانك ديما تفوتيله وكانت شفتيه
مرة واتنين ره مازادش تفرعن ..
عمار طلع من الدار وماشي للكوجينه وقف
لما سمعها تتكلم ..
وهي اطلع في حاجات من التلاجه
دلال : كله الا كرامتك ماحد يسواها یارانيا
.. اسمعي مني وديري اللي قتلك عليه
والله والله لو اني منك وعمار يديرلي هكي
معاش مازال يحلم بيا حتى الحلم .
رفع حاجبه الايسار
دلال : خلاص ياعمري .. تمام حبيبتي
فكري فنفسك
والله مانافعك واحد ..
آیه ايه والله فرحتلها هلبه
ابتسم وهو يركز ع ملامحها كيف تبدلت
من الغضب للفرح
دلال : ربي يتمملها ع خير
الالا
مانقدرش تعرفي .. عم راجلي واقف المتوفي
هههههههه .. ايه راجلي مالا شنو
لالا في الدار هو واني فالكوجينه
تنهدت شن
بنقولك يارنوشه .. مش فاهمه مش عارفه
- - -
IIII
في فداخلي ليه شعور حلووووو ويهبل
عمار .
دلال : هو فرض عليا كل شي ... حتی
محبته يارنوشه
هههههههه ... ماتقوليش
هكي مش بالمده هي ... والله يارنوشه لو
مهما نوصفلك عمار حتقولي تبالغ .. بس
حنختصرها بس في جمله .. مافيش وحده
تعاشر راجل زي عمار وماطيحش فحبه
هويسمع وقلبها في
10000💗💗💗💗
وربي يهدي هداكا
دلال : تسلمي غلاي
المنجوه .... هههههه ... تمام ... تمام .
سلمي ع خالتي ورباب ... يللا بايات ....
باي ... صكرت ... تنهدت وناضت تكمل
باقي حوسه الكيكه
💓💓بس تكتفت في مكانها
تسمع في وهو يهمس ويقول : باخله عليا
بالكلام الحلو واني نسمعلك فيه اشعار
دلال : بندير دونات ..
عمار غمض عيونه بشدة وقعد يضحك :
اااخ ياربي كيف ندير معاه دلني ... عرفني💗💗
دلال تضحك وخلاص
عمار تنهد وقال : باهي ... المهم سمعته
منك حتى لو ماقلتيه وعينك فعيني
دلال : باهي بعد
عمار طبع بوسه ع رقبتها بعدين بعد
وقعمز ع الكرسي
عمار : آیه شن قلتي بديري
دلال وهي اطلع في الحاجات من الدولاب :
دونات
عمار : وشن شكلهن هدين
تحط
في الحاجات ع الطاوله
: تو نديرها وتشوف شكلها
عمار بإبتسامه : نراجو
دلال قعدت تتحرك قدامه بأريحيه .. وهو
هایم فتفاصيل تفاصيلها .. بحركاتها
وسكاناتها
كل شي فيها يعشقه كل شي
حاس أن شعوره اتجاهها جارف هلبه
عمار بادي يتعلق بيها لين خلاص ..
ماهو هو عاش مراحل حياته بعيد عن
المشاعر هادي ... وممكن في مرحله ارغم
ارغام انه مايفكرش فمشاعره بسبب ظروفه
المعروفه
بس عاد يعني الحب .. ماعنداش كبير غير
الله..
وكان جي
.. لايعرف ظروف ولا غيره ..
يخش طول وهو قافع باب القلب برجله
ويقعمز متربع فوسطه واخد راحته
وعاد كان عجبه المكان .. يستعمره .. لين
يملكه
ومعاش يطلع منه الا فلحظة الموت ...
دلال وهي
تحط في السكر في الصونية :
تحب الشكلاطه ولا العسل
عمار
رفعت شعرها ورا ودنها وشبحتله وضحكت
: ياهوو نكلم فيك تحب الشكلاطه ولا العسل
عمار : انی ....... اني نحبك انتي بس
دلال : ههههههههه
عمار : تعالي ياعمري انتي تعالي -
ابتسمت وسيبت االلى فيدها وجاته
عمار : قعمزي هني ".... ع رجله .."
ضحكت وقعمزت
عمار وهو يشوف لعيونها بعشق :
احضنيني
دلال ابتسمت وخداته فحضنها
وهو غمض عيونه معاش حس بشي
غيربيها هي بس
ماتستغربوش
لما الرسول عليه الصلاة والسلام .. في اخر
لحظات عمره يختار يموت عند زوجته
حبيبته اللي حبها بقوة
اخر لحظه ليه كانت فحضنها
نحكي ع راجل لاقبله ولابعده ... والحب
وصل عنده لأسمى وارقي المراحل
اعرفوا ان اللي يحب هكي .. هو راجل بكل معنى الكلمه💗💗💗💗💗
بس
الحياة كانت ماشيه حلوة هلبة مع
عمار ودلوله
وفيوم ..
حاضناته بقوة وماتبيش تخليه
عمار : عمري كله اسبوع هو
دلال وهي شاده فيه : تقول فيها عادي هي
ساعه بردع سنه ولت عندي
عمار : اني شن نقول .. اللي عندي الدقيقة
بردع سنة
دلال بدت تبكي
عمار بضيق : دلولتي ... دلال
دلال بعدت وقعدت تشوفله
حطت يدها ورا رقبته وقرباته ليها وباساته
وهو استسلم ليها استسلام تام وزاده
شغفه بيها
قطع عليهم صوت تليفونه اللي يرن
بعدت عنه بالسيف ودموعها نزلوا
هو خدي نفس وبعد شويه ورد وهي تشوفله
حوالي دقيقتين وصكر
وجاها : هي ياعمري بنحطك فحوش هلي
وبنعدي طول
دلال مسحت دموعها وهزت راسها بايجاب
باس راسها
وخداها من يدها وطلعوا الزوز
کا طول الطريق ولاكلمه
هي كان بتتكلم بتبكي وهو مايبيش يتكلم
بش ماتبكيش
وصل قدام حوش اهله .. لقي ولد اخته
نزلوا هو ودلال من السيارة ...
عمار : اصیل طلع شنطة خالتك دلال من
الكرسي الخلف
اصيل بضحكه : وين خالتي اني وياها
نداد
عمار فنص فيه .. ودلال شدت ضحكتها
هو شبحلها بطرف عينه لقاها تضحك رفع
حاجبه الإيسار وهو مبتسم
طلع اصيل شنطة دلال وهو يضحك
عمار : خشي هي
دلال : استودعك الله
عمار لبس نظاراته : عينك من روحك .
لف وركب السيارة .. وهو يشبح القدام قال
: خشي .. هيا
خشت دلال ودموعها ينزلوا
وهو طول تحرك بالسيارة💓💓💓💓💓💓
الساعه 1:30 بعد الظهر
سرت
طلعت من الكوجينه متوجهه للصاله
اللي كانت فيها عزوزتها مع
احفادها
كامله شافتلها : عجنتي عجينتك
دلال بابتسامه : ايه .. قعمزت
شبحت لولاد محمود التوأم ابتسمت
الزوز فنصوا فيها
هي
انصدمت
وكامله ماركزتش عليهم لأنها كانت لاهيه
مع حفيدها الكبير ايمن
رن تليفون دلال
طلعاته من جيبها وهي
تشوف للصغار ..
بعدين شافت الشاشة لقت رقم دولي يتصل
ابتسمت بفرح ... ناضت بتمشي
كامله ؛ عمار
ابتسمت دلال وقالت : ايه ..
ابتسمت کامله وهزت راسها بإيجاب
وايمن يشوف لدلال بحقد
دلال مشت طول لدار عمار تجري .
وصلت فيها فتحت الباب وخشت وصكرت
وراها .. وردت طول
دلال : عماري
عمار : وصلت
دلال : الحمد لله ع سلامتك ياروحي
استاحشتك موت
عمار : بارك الله فيك
هي
بالسلامه
.. وصكر
دلال : ههههههههههه
شكله مش بروحه
.. تنهدت ... المهم وصل سالم .
طلعت من الدار .. متوجهه للصاله
لقت الولاد بروحهم حناهم مش معاهم ..
قعمزت
مختار : انتي من وين
ابتسمت دلال لسؤاله : اني
عبدالرزاق قاللها كلمه سبه في حق
قبيلتها
دلال انصدمت
ايمن ضحك وعاود نفس الكلمه وزاد عليه
دلال معاش عرفت شن تقول ولاكيف ترد
صغار محمود ليهم مكانه خاصه .. ماحد
يقدر يقربهم بكلمه .. راجلها نفسه صغار
محمود عنده خط احمر
مالقتش افضل من انها تنوض من حداهم
❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥وتمشي للكوجينة
الساعة 10:00 ليلا
ياعمري اني استاحشتك استاحشتك
استاحششتك موووت
عمار : كيف ندير اني قوليلي .. ناخد
طيارة ونجيك ولاكيف بالزبط
دلال : يااااااريبييت
عمار : آاااا
اااااه ... وخلاص
دلال ضحكت
عمار بضحكه : تضحكي ياقطوستي
كان نوصل فيك بس
دلال عضت ع شاربها وهي
تضحك بعدين
قالت : ايه عماري .. البس كويس حبيبي
وتقي ع رقبتك ووذانك رد بالك ع روحك
وديما اشرب حاجات دافيه
عمار بضحكه : مش اول مرة نجيها روسيا
راهو .
دلال ابتسمت وقالت : اول مرة تمشيلها
وانت متزوج .. ومادامك متزوج وعندك مراة
حتقعد ديما تخمم فيك وتوصيك ع روحك
عمار : دلولتي ... اني والله ع اكثر من مرة
جاي مش مكلمك ره ... تزيدي فعذابي
اضعاف .. الليله مش عارف كيف بنفوتها
يابال 6 ليالي الجايات
دلال : لا رد بالك اديرها وماتكلمنيش
عماري نتعذب اني بعدين
عمار : سلامة قلبك من العذاب ... اني
نتحمله عادي ولا انتي تعانيه
ابتسمت وقلبها يفر وقالت نحبك
عمار : ایااام سود هن عارفهن
دلال : ههههههههههههه
واستمرت مكالمتهم وهي موجودة في داره
تتنفس فريحة عطره اللي خداته منه قبل
يسافر ... بختها في الدار بش تحس
بوجوده معاها وهو يكلم فيها
العشق يفرق هلبه ع الحب
العشق هو المرحله المتطورة من الحب
اللي تخلي المحبوب وكأنه دم يسري في
العروق❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥
وعمار ودلال .. اللي الشوق دار فيهم هوایل
وهما بعاد عن بعض
زادت دلال تأكدت أن حب عمار تمكن من
قلبها ... لدرجه انها ع خاطره قاعدة تتحمل
في قلة أدب ولاد خوه اللي تمادوا
بوقاحتهم
المصيبه ان الصغار مقريين كويس
بحيث انهم مايديروش في اللي يديروا فيه
الدلال الا لما يكونوا معاها بروحهم
ومافي حد من العيله موجود
ناهيك عن ايمن والكلام اللي يحطلها فيه
وتهديداته اللي مخوفتها
عاشت 6 ايام ع اعصابها ... لدرجة انها
وين تشوف الصغار يسيطر عليها الخوف
ماتقدرش تحرش فيهم حد .. خايفه ياخدوا
منها موقف
وبالنسبه لعمار مش مفكرة تجيبله سيرة
نهائي طبعا الست هندا
كانت مطلعه روحها من المشهد ... خلال
مدة سفر عمار كلها
ماجتش لحوش خالها .. ومسلمه المهمه
الولادها العند جي
اليوم اللي روح فيه عمار
اللي كان نار شوقه والعه في داره ...
كانوا عايشين لحظات يصبروا فيها شوقهم
شويه
بس دلال كانت متحشمه لأنها في حوش
اهله
عمار بلهفه : خيرك ياعمري
دلال بخجل : خلاص حبيبي مايجيش ره
والله عيب ..
وعمار ولا عبرها ولادورها واستمر يطفي
في نار شوقه❤️‍🔥❤️‍🔥❤️‍🔥❤️‍🔥❤️‍🔥❤️‍🔥