الفارس والريم الفالي❤️‍🔥

شاعرة لاجللك🤍

❤️‍🔥حكاية الفارس والريم الفالي ❤️‍🔥 7شاعرة لأجلك
والله اعلم شن مازال مدسوس في قادم
الأيام
دلال : قلبي
عمار : روحه
دلال : نحبك اني
ضحك ورجع باسها بقوة ع خدها ونتشه
دلال فتحت عيونها بتفنيصه : مافيکش فایده .
عمار : هههههههه
دلال تفك فروحها : حول ياعديم الرومانسيه- -
عمار زاد شد عليها وهو يضحك : اني ملك
الرومانسيه يابنتي اني منبعها واصلها
دلال : ايه واضح هلبه
عمار بضحكه : اااااخ .. ياقلبي منی انتي
شن دیر فيك قوليلي
دلال : اي شي غير حركات المفترسين متاعك
وعمار يضحك وخلاص
بعد جوله من المناقرة
خداها ومشوا جوله في المزرعه
هدرزوا ع هلبه حاجات
انتهي بيهم المطاف لنفس الشجره اللي
تقعمز تحتها دلال قبل لما كانت تبكي وهو
يلقا فيها غادي
مقعمز وماد رجليه .. وهي حاطه راسها ع
كتفه وهوشاد يدها بإيديه الزوز ... كان
يقوللها في شعر
دلال : تهبل انت واشعارك وكل شي فيك
تنهد وقال وهو مبتسم : ياريتهم باعتيني
من زمان لمهمه
دلال ضحكت وزادت شدت فيه
عمار ضحك وقال : ايه عمري باتك شن سمی خوك
دلال : قتلك بكري مجد
عمار : ايه صح قتيلي .. وباهي مجد توا
يبيله جواد يلعب معاه
دلال بضحكه : من جواد هدا؟
عمار : ولد اخته .. يقعدوا كيفكم انتم
وخوالكم صحاب
دلال ضحكت بخجل .
عمار تنهد وقال : نبي جواد .. ونبي معمر
.. ونبي آسيا
دلال قامت راسها وشبحتله برفعة حاجب :I.
ضروري معمر يعني !!
شبحلها بنفس رفعة الحاجب : ضروري
ولابد ولازم ..
دلال ضحكت وهي مغمضه عيونها بشده
هو باسها بوسه لطیفه وبعد : وتناديه عمورة .
دلال فتحت عيونها وقالت : باه نسموه فاتح .. حلو ولا
باسها مرة تانية وقال : م . ع .. م .. ر-
دلال : ههههههههه .. حطت راسها ع كتفه
وقالت .. تعرف بنحبه ع خاطرك .
ابتسم وقام يدها وباسها
دلال : اممم .. باهي ليش جواد وآسيا
عمار : جواد لأنه اسم یلم صفات سمحه
واجده .. وكذلك اسم من
وكذلك اسم من اسماء الخيل
وآسيا ع اسم زوجة فرعون اللي تعتبر من
افضل من خلق ربي من النساء
دلال : كانت برغم ضعفها الظاهري قويه
بإيمانها اللي واجهت بيه جبار وظالم زي فرعون
ابتسم عمار وما علاقش
قامت راسها وشبحتله : درت روحك ماسمعتش
ابتسم عمار وماعلقش
قعد مبتسم وهو يشبح القدام ..
هي ابتسمت وقربت وباساته من خده وهي
تقول : اممممممممم
عمار : هههههههههههه
دلال : واااه هههههههههههه
عمار قام يده وحاوطها بيها وحضنها هو يضحك
خشت فحضنه وهي تضحك
💕💓💕💓💕💓💕💓💕💓💓
فات هاليوم
II
I
III
I
وجي اللي بعده
وعشاق سرت ... توكلوا لمصراته
اللي بالنسبه ليهم شاهده ع اهم لحظات
عاشوها
سواء كانت حلوة ولاصعبه
وصلوا الشاليه وكانوا تعبانين من الطريق
دوبهم صلوا ورقدوا
بعد العصر عمار طلع ماشي بيجيب عشي
من برا
وطبعا كان جايب معاه حراسات محاوطين
الشاليه كله
هي
استغلت فترة غيابه
طلعت روب ناعم لونه اسود
وزي ماقلت قبل .. الأسود لون مظلوم
تبعدوا فيه غالبا عن لحظاتنا الحلوة
الروب كان حلو هلبه .. طويل .. وفي فتحه
من الجنب واصله لأعلى الفخد .. وظهره
عريان .. وكان فيه سير محاوط الرقبه من
الخلف
خشت للحمام .. غسلت .. ودارت لوشن بريحة الكرز .
بعدين طلعت .. مكيجت مكياج ناعم ..
وكحلت عيونها بطريقه حلوة برزتهم ودارت روج احمر جريء
طلقت شعرها ... وبخت من عطرها
قعدت تشوف لروحها في المرايه ابتسمت
ع خشته هو للشاليه
صكر الباب ومشي طول للكوجينه : دلوله
... دلولتي
حط الحاجات ع الطاولة واستغرب عدم ردها
عمار وهو ماشي للدار : دلوله ..... دلا
سكت مرة وحده .
قعد واقف قدام الباب وهو يمرر فنظره عليها
وهو مبهور ... اول مرة يشوفها هكي
هي قبل كانت تتحشم ماقدرتش تلبسله ارواب
في اللي هكي في البدايه ماعندهمش
الجرأة الكافيه برغم كل شي بس يتحشموا
لكن هي هالمرة فكرت فيه .. تبي تعوضه
عن كل الايام اللي انحرم فيها من حقه أن
يشوف مرته تتهيأله وتتزين ع خاطره ..
عمار بهيام : اني والله من قبل ماني ناجي
هي ضحكت وحبت
تتشقا : جبت الغدي ..
جعااانه .. ومشت طول للباب بش بتطلع .
بس وين تطلع ومنين
خلاص حصلت
وماكانتش هالليله الليله الوحيده الحلوة
اللي مرت عليهم
تبعتها هلبه ليالي طول السبوع اللي قعدوا
فيه في مصراته
كانت ايام وليالي مليانه
بعشق .. ضحك ... لعب ... اشعار واشواق
ذكريات حلوة هلبه حفظها المكان وعقولهم وقلوبهم .
بس برغم بعد المسافه
نار الحقد والغيره كانت واصلتلهم بدعوات
هندا ع دلال ليل ونهار .... حاولت تتصل
بعمار كذا مرة بس كان مقفل .
محروقه بتموت .. واللي
واللي قاعد يصير يستفز
فيها بش ادير الهوايل
💖💖🔥💖💖🔥💖💖💖🔥💖🔥💖🔥
سليمه : هندا مش ماشيه
كامله : لالالا وين بتعدي !!
امینه : اصلا هي ماتحبش
اصاله : والله حتى اني ماكنت نحبها بس
بعد خشت دلوله للعيله حبيتها وع قد
ماتحكي عنها وع جوهم حببتني فيها
كامله بضحكه : عيت عمتك جوهم سمح
يحببك في المشي غادي برا
درست سيارة عمار العاليه
عمار : هيا انزل ياسمح
ابتسمت دلال وكيف جايه بتنزل شد يدها
وقال : بتنزلي طول؟ !
دلال ضحكت وقربت باسته وبعدت : نراجو
فيك ع الغدي ..
عمار وهو مبتسم بعشق هز راسه بإيجاب
سحبت يدها من يده وهو طلقها بالسيف
نزلت وصكرت الباب
شبحتله واشرتله بيدها
وهو ردها مع بوسه
هي ضحكت ولفت وخشت طول
اما هو تنهد وشبح القدام .. لبس نظاراته وتحرك .
يوم الإربعاء .III
الساعه 5:00 عصرا ..
في الطريق ..
ملاية الصلاة مانعرفكش تحويلها بكل
ولاد عيلتكم تشوفيهم جايين من طريق
تغيري طريقك .. طلوع برا الحوش لا ..
دلال : لاعماري هادي لا نبي نعول معاهم
ونتحرك ونحس بالعرس وبنته وراس عماري
عمار برفعة حاجب : تبي تحسي ببنته
دلال بضحكه : ايه ..
قرصها من خدها وقال : مية مرة قلنا
ماتحلفيش بغير الله
دلال : باهي شن قلت
عمار سكت شويه وقال : باهي .
دلال : ياوخيتي سلم نحبه هلبه اني
ابتسم وبعدين شد يدها بالقوة وغير
ملامحه للجديه وقال بحده : لكن هاه قسما
بالله العلي العظيم يادلال يصير شي
مايعجبني ***** تنسيها مره وحده
دلال بخوف : حاضر
جت بتطلق يده .. شدها بالقوة وقال : مش
عاجبك الكلام ولاكيف
دلال: ماقلت شي اني 
عمار سكت
هي جوها انقلب ... كانت تخاف منه لما
يولي هكي جاد وعصابه يرقوا ..
هو شبحلها وقال : تو انتي ليش قالبه وجهك
دلال : لا قالباته لاشي
عمار : لااا قالبتيه
دلال شبحتله ودموعها نزلوا : يعني كيف
توا تبيني نخش عليهم واني نبكي ..
شبحلها وقال : ياودي لا ياودي دموعك
هدين ع سبله
درس السيارة ع تركينه
فك حزام الأمان .. وحط يده ورا راسها وقربلها
باس ع راسها .. وعيونها .. شبحلها : عليك دلع
دلال : ماندلعش اني .. انت معاش تكشخ عليا- -
عمار بتكشيخه : شنووو .
دلال غمصت عيونها بشده وقالت :
یاماااماا
عمار : ههههههههه .. باسها وطول شويه
.. بعدين بعد وقال .. خل نكملوا طريقنا ع خیر ..
ضحكت دلال بخجل وغيرت عيونها عنه
هو شغل السيارة وهو يضحك ..
بعدين قعد يبربش في المسجل متاع السيارة ..
وحط ع اغنيه معينه
دلال لما سمعت مقدمتها ضحكت وشبحتله
هو ضحك وهو يشوف القدام .. وقعد
يدربك ع الدومان بصوابعه
وهي تشوفله وخلاص
لين وصل صابر الرباعي في مقطع
یادلوله عليك نموت يا احلى من طعم التوت
شد يدها وباسها
هي ضحكت
بعدين قعدت تغني مع الأغنية ودير في
حرکات وهو مرة مرة يشوفلها ويضحك
كيف تغني بغرور مصطنع .
" نعاود ونكرر سيارات عمار مظلمات
عند نهاية الأغنية خلاص خشوا للقبيله
وقربوا من القطعه
عمار : زي ماوصيت دلوله
دلال بضحكه : حاضر ياحب دلوله یاروح
دلوله ياعمر دلوله
عمار : دلوله هذي تبينا نلفوا ونرجعوا
دلال : هههه
شوية وخشوا للقطعه
وكلكس عمار
ولقي خوالها وولاد العيله مقعمزين قدام
مستراح مربوعة الحوش القديم
لما شافوهم ابتسموا
ناض هانيبال وقدملهم ..
هي نزلت من السيارة طول مشتله
دلال : هاني ..
هانیبال ضحك وحضنها
بعدين بعدها وشد راسها بإيدية الزوز
وقعد يخض فيه
عمار شبحلهم : بالله خود يامحمد
شد محمد الحاجات وهو يضحك
وعمار قدملهم طول فك مرته من خالها :
شن هدي ياراجل
| دلال ميته بالضحك
هانيبال : جيب البنت جاي راهي بنت
اختي قبل تولي مرتك
خداها عمر من عمار وسلم عليها : : تي
شنو حالك ياسرتاويه .. سرتاويه وليتي ولا
قاعده *******
دلال بضحكه : وليت وقاعده
عمار وهو حاضن هانيبال : شنو حالكم
هانیبال : ترخي روحك انت نولوا في احسن حال
عمار ضربه ع ظهره وهو ردهوله
بعد سلمت دلال ع محمد
ولاد العيله .. سلموا عليها من بعيد
هي يدوب ردت وطول كملت طريقها لبوابة الكوجينه تقابلت مع خالها میلاد سلمت عليه
بعدين هو كمل طريقه لعمار وهي خشت لممر فم البوابه
لقت اختها وبنات خالاتها وخالاتها وامها وفي مقدمتهم حناها يستنوا فيها
سلمت ع حناها بالأحضان .. بعدها حناها
مشت لولد خوها
وقدمت لأمها حضنتها بقوة وطولو فسلامهم
| وبعدين اختها
وبعدين اختها ... وخالاتها وحده وحده ..
وبنات خالاتها ودخلوها داخل
الا عمار ارتاحوا اعصابه لما مالقاش حمزة .
وكان الجو اريحي بحضور الحاج رمضان
اللي شده وقعد يسأل فيه ع احوال البلاد
وع المهمة اللي داروها
اما دلوله فكانت تبان عليها السعاده
هالمرة هلبه
حتى عاكسه ع لبسها وشكلها
قبل ماكانتش تلبس في لبس ملفت
وماتلبسش من الذهب اخطا تعليقه من بوها
بس هالمرة لابسه ذهب ولبسها مفرفح
وحلو هلبه وحتى مكياجها وشعرها
المصبوغ كانت زي الوردة المفتحه بكل معنى الكلمه
وامها ارتاحت هلبه وين لاحظت عليها هالتغيير
اللي كان ملحوظ حتى ع عمار اللي انطلق
مع ولاد عمته وكأنه عمار ايام زمان بالزبط
💗💗💗💗💗💗💗💗💗💗💗💗💗💗
الساعه 7:30 مساءا
لبست وشاحها وطبست ع امها وقالت : هاتيه ماما
مدت نعیمه مجد لدلال وهي تقوللها : ردي بالك
ابتسمت دلال .. وخدت خوها .. وطلعت بيه الراجلها
كان فم الحوش واقف هانيبال ومعاه
الهادي وعمار يهدرزوا
دلال : وسعوا .. اهو جيت
عمار لما شافها شاده خوها ابتسم وقلبه دق بقوة
وصلت في راجلها : سلم ع نسيبك
ضحكوا التلاته
سما بالله عمار وخداه منها : تبارك الله
الاقوة الا بالله
هانيبال : فسخته کيف فسخة مراتك بالزبط
عمار شبح لدلال وضحك
دلال بغرور : شن خلا ماعطاه ..
الهادي بضحکه قرصها من خدها وقال :
الله عليك دلوله
عمار ابتسم وباسه ع راسه وحطله فلوس
هانيبال : ههههههههه
عمار بضحكه : شن يضحك فيك ياصباح
هانیبال بضحكه : خطرت عليا اول مرة
ريت فيها هالصفرا هدي مذكر
شبحلها وابتسم : اممم
دلال بإبتسامه : حكالي عليها
هانیبال : كنتي كاشه منه
عمار بضحكه : ديما كاشه مني هي
دلال ضحكت وجهها ولا احمر
ضحكوا عليها
عمار مدلها خوها وقال : ربي يصونه ويبارك فيه
الهادي : نشوفوه عندك
دلال خدت خوها ولفت وخشت طول ..
هو ضحك بإحراج .. وهانيبال وهادي ابتسموا
💞💞💞💞💞💞📲📲
ايه والله ماحولته من ع راس
عمار : كويس .. ردي بالك من روحك
ماتعبیش روحك في الحركه وماتقيميش
الثقيل
دلال بضحكه استغراب : ليش !؟
عمار بإبتسامه : مش عارف عندي
احساس ان في حاجه حلوه مدسوسه تجي
بعد 9 شهور
دلال تحشمت وسكتت
عمار بضحكه : المهم زي ماوصيتك
ياسمح
دلال بإبتسامه : حاضر قلباتي
عمار : هههههههه جديده هدي
ضحكت دلال
💓💓💓💓💓💓💓
بااابا
فتح حضنه : دلو باابا
حضنت بوها بكل قوة لدرجه عيونها دمعوا
وعمار كان يشوفلها وينتابه نفس الشعور
قبضة القلب
دیما يحس ان عبدالسلام حياخد منه دلال
ويقعد يذكر في كلامه ليه لما صارت المشكله
بعدت دلال : كيف حالك بابا
عبد السلام : الحمد لله بابا أني كويس
انتي شن حالك بنتي
دلال : الحمد لله
هانيبال : مزيانه ياعبالسلام .
دلال ابتسمت
عبدالسلام وهو يشوفلها : ايه باين
عمار ساكت يراقب بصمت
وقعدت دلال تهدرز ع بوها
وبعدين خداها بروحها وقعد يتمشى هو
وياها ويهدرزوا . وعمار يشوفلهم .
هانیبال وهو يشوفله قال بضحكه : ماهوش هارب بيها
عمار وهو يشوفلهم : قاعد واخد مني موقف
هانیبال : يكون فعلمك دلال عمرها
ماانضربت لامنه ولامنا ولامن عمامها
مدت اليد عليها ماجتش الا منك
عمار قلبه انفطر لما سمع هالكلام شبح
الهانيبال وقاله : لحظة غضب
هانيبال : كلنا مرينا بيها ونعذرك لان
تصرفت كيفك قبل بس ندمت عليها اشد الندم ..
عمار تنهد وقال : واني والله لو الندم يقتل
راهو قاتلني من ساعتها
ابتسم هانیبال وقال : خلاص كل شي راح
وعدي المهم تو ..
عمار ابتسم وهو يشوف لدلال وعبد السلام
وطلع برا المقهى ..
وفتح الخط : ايوه ..
نعیمه : عمار
عمار بإستغراب : ايه عمار من معاي
نعيمة : أني نعيمه ياعمار
عمار بخلعه : دلال خيرها؟ !
نعیمه غمضت عيونها وقالت : مافيها شي
.. فتحتهم وهي تقول .. تعالی توا ترا
صكر عليها بدون مايرد .. وطول مشي السيارته
نعیمه : الو ... حولت تليفونها وقالت صكر
دلال بإنزعاج : خلعتيه ياماما خلعتيه وتوا
اكيد جاي جري ياماما علاش هكي ؟ !
نعیمه : ياحنه عليا !!
دلال شبحتلها بضيق وقعدت ساكته
بعد حوالي 6 دقایق عمار كان في القطعه
قدام الحوش
واقف هو ونعيمه ودلال اللي كانت لابسه
عبايه ووشاح
نعیمه : مفروض تنتبه عليها اكثر من هكي
عمار يشبح لدلال وساكت
دلال : ماما ره راد باله عليا فوق من اللازم غير اني اللي ماتكلمتش
نعيمة بحده : تكلمي مرة تانيه مادسیش
نسيتي شن صار فيك قبل !!
دلال شبحت لعمار ركزت ع وجهه كيف تغير
شبحتله نعيمه : معليشي ولدي لكن بنتي
ونبي نطمن عليها .. ياريت توا ترفعها تعاين وتتأكدوا
عمار : حاضر
نعيمة : اسمع ماتزعلش مني بس الحق
بنتي صغيرة ع المعاناه في حاجات زي هادي
دلال فنصت في امها
عمار هز راسه بإيجاب : هيا دلال .. ولف ومشي
نعیمه شبحتلها : هيا بري مع راجلك وخشت داخل
دلال تنهدت بضيق ولحقت عمار
وصلت في السيارة وركبت
واول ماركبت قعدت تبرر وهي تحكي
بإيديها بإرتباك : انت قتلي ماتقیمیش
رزین درت زي ماقلت .. فسروها ع اني
حامل ومانبيش نقول .. تلخبطت ماعرفتش
هو كان يشبحلها وخلاص
دلال شدت يده : زعلت ..
ابتسم وحرك راسه بالنفي
دلال : اكيد
قام يدها وباسها بعدين شبحلها وقال : اكيد
هي ابتسمت بتنهيده وقالتله : نحبك اني
هو ضحك ورجع باس يدها .. وقعد شادها
وتحرك طول بالسيارة
في العيادة
مقعمزين ع الكراسي ..
دلال : ربي يهديك ياماما
عمار بضحكه : بالعكس احسن مادارت
بیش نتأكد من إحساسي .
ابتسمت دلال وهي تشوفله
عمار ابتسم وشبح القدام وهو يقول : المرة
اللي فاتت كان عند احساس قوي وطلع
صادق .. وهالمرة احساسي اقوى من قبل
دلال تنهدت وهي مبتسمه وقالت : زعمه؟
عمار ضحکه : تو نشوفوا
شويه وجتهم الدكتوره وفيدها وراق
التحاليل وهي مبتسمه : مبروك حضرتك حامل
دلال ضحكت بصدمه .. وعمار ضحك بفرح
الدكتورة بإبتسامه وهي تشوف في
فرحتهم : تعالي معايا يامدام بش نديروا الجهاز
دلال تنهدت ووقفت : حاضر مشت الدكتورة
ودلال ابتسمت لراجلها .. بعدين مشت ولحقتها
وهو قعد معاهم بعيونه لين اختفوا
بعدين اتكا ع الكرسي ورفع راسه فوق وهو مغمض عيونه-💕💕💕💕💕💕💕
III
قعدت مقعمزه في مكانها وتبربش في
تليفونها
وصلتها رساله
والله ماني مسامحك كان راك .."
عيونها تعبوا دموع .. تشبح لخالتها كيف
طلعت طول من الدار ومشت لولدها وخواته وراهاII
تنهدت وبدت تكتب في رساله وصلاته
هو كان فسيارته .. شاف الرساله بلهفه
واني والله معاد نسامحك لو مازال تشك
فيا وتتوقع اني نخالف كلمتك
ابتسم ... واتصل طول هي شافت التليفون .. ولأنها انقمصت منه مابتش ترد ...
ضحك .. زبطها حرجت
هو مستحيل مازال يشك فيها بس يغااار
وحقه واللي صار مش شويه .. تي باهي
اصلا اللي خلاها تجي تحضر وهو عارف
ان غريمه حيحضر
ماطلعتش بتاتا من الدار الا لما تأكدت ان
حمزة طلع .....
الساعه 3:00 ليلا
كان الكل راقد من التعب
وحتى حميده رقدت ... اتفقت مع الصديق
معاش يتكالموا وهو بالسيف وافق اما البنات
رباب هداريز سمحه مع الشرقاوي
عکس دلال اللي رقدت وهي مضايقه من السرتاوي .
اللي عيي وهو يتصل .. اخر شي ابتسم
وقرر يرقد لأنه عنده نوضه بكري ...III
تاني يوم
الساعة 10:00 صباحا ..
مشي لسرت؟؟ !!
هانیبال : كيف ماتعلميش؟
دلال بصدمه : مقالش
هانيبال : هو قال عدا الشي ضروري
دلال هزت راسها بإيجاب وهي خايفه ..
هانيبال حط يده ع راسها : ماتخافيش
ياخالي هو قال بيعدي ويولي في نفس اليوم
دلال بلعت ريقها وهزت راسها بإيجاب
🔥🔥🔥🔥🔥🔥ولفت خشت طول
سرت
بعد وصلوا لسرت جي اتصال المختار من ناس مهمة
بلغ عمار ومشوا . هما الزوز بعد حط دلال
في حوش اهله كانوا مقعمزين يهدرزوا طق الباب ناضت دلال فتحت القت قدامها هندا والصغار
فاتت من حداها هي وولادها التوأم بدون ماتعبرها
ودلال طنشت وسكرت الباب
هندا : السلام عليكم
كامله وامينه واصاله : وعليكم السلام
قدموا الولاد لحناهم وسلموا عليها وهما
يكبوا ع ايديها وراسها
بعدين سلموا ع عماتهم
وامهم بعد سلمت ع حمواتها سلمت ع
عزوزتها وكبت ع راسها
كامله : شنو حال امك وخوتك
هندا وهي تحول في عبايتها الخليجيه
الغاليه ووشاحها : الحمد لله ..
❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥💔
بس في مكان تاني .
سرت في حوشهم في عشهم الجميل
كانوا يتبادلوا في الأشواق
يدوب يروا في عطش عشقهم رن التليفون
بعد وهو يشوفلها : اااه ياسمحه انتي ديما
ذاهبه شيرتي نسيت الراجل مرة ..
ضحكت ووجهها محمر من الخجل
وخر ومشي للزيانه خدي تليفونه وقال :
عمري ساعه زمان مش معطل
دلال بإبتسامه : وانا في انتظارك
تنهد وهو رافع حواجبه .. بعدين لف وطلع بسرعه
ودلال تضحك طبعا
هي كان تبيه يطلع بش تجهز نفسها
اليه ويقضوا مع بعض ليله من اجمل ليالي العمر-
بس في اللي قاعد ينحرق بنار الغيرة
والحقد ومش ناوي ع خير
هندا راقده ع سريرها وهي تبكي .. وتذكر كيف
تجاهلها تماما رغم كل اللي دايراته بش
تلفتله نظره بس مع
الأسف ولا عبرها❤️‍🔥❤️‍🔥❤️‍🔥❤️‍🔥❤️‍🔥
الساعه 7:30 مساءا
سرت
بعد صلى المغرب .
طلع من الدار وقعد يدور فيها .. فاحت
ريحة طاجين الحوت اللي دايراته عشي
ابتسم .. ومشي طول للمكان اللي تعود
في الأيام اللي فاتوا يلقاها فيه
وقف في الباب واتكي عليه بجنبه وهو حاط
ايديه فجيوبه وقعد يتأمل فيها
كيف مقعمزة ع مكتبه وتكتب
ابتسم وقال : كان نعرف شن في وراك بس
ضحكت وشبحتله : مافي كان كل خير
ضحك وقال : معناها ماتبيش تقولي
ضحكت وحركت راسها يمين ويسار بمعنی الا
هو قال : اني نقدر نعرف بروحي
هي قالت : شني ترا ..
هو : اممم .. نشم فريحة تحدي
بعد السباق تحمستي شكلك يادلوله .
دلال : ههههههههه .. ايه وهلبه هلبه
وهالمرة الشعر وتو نشوف كيف نغلبك
ضحك .. وقدم ومازالوا ايديه فجيوبه وقف
قدام المكتب مباشرة : اسمعي .. راهي
المرة اللي فاتت مسألة حظ لاأكثر
دلال : هيييهیییبيي
.. حظ قالك .. لا ياحضرة
الملازم اول هادي فرسنه
عمار : ههههههههههه
... لف ع المكتب وجاها .
طبس عليها شد وجهها بإيديه وقال : هدي شني ؟
دلال برفعة حاجب : فرسنة فارسه
عمار : آآآخ ياقلبي منك يافرس انتي ...
باسها وبعد شويه وقال : جعان ياسمح
وعشاك شوفني
ضحكت وقالت : باهي
وخر .. وهي جت بتفوت جي قدامها
دلال : شني
عمار : تبيني نشوفهن ولا شنو .. اشرلها بعيونه ع مكتب
استاقضت وضحكت التفت وخدتهم .
قاللها : كان تبي مساعده ماعنديش مشكله
عادي ره نخليك تفوزي عليا
دلال : لا حنفوز وبجهدي وعرق جبيني ..
ضحك وقدم باس راسها وقال : عدي
ياسمح .. بعد وهي مشت وع وجهها ابتسامه
حلوة ...
قعد معاها بعيونه لين طلعت بعدين خطر
عليه شي
II
التفت للمكتبه .. ومشالها وقعد يدور فيها
11
-
-
شريط فيديو عرس محمود والعرض اللي
داره ..
وهو يدور .. عتر في صورة محطوطه ع
رف المكتبه
ابتسم لما شافها .. ومشي قعمز ع الكنبة
وهو يسترجع في ذكرياتها واستغرب كيف
جت لحوشه وهو مخلي كل صوره في البوم عند بوه
دلاااال ... يادلاااال .."
خشت عليه الدار : نعم عماري .
عمار بإبتسامه : ريمي الفالي ترا تعالي حداي
ابتسمت وجاته قعمزت بحداه ..
هو فتح يده خشت فحضنه .. فيده التانيه
كانت في صورة : الصور هدين وين لقيتيهن
دلال : هادم خديتهم من عمي عطاني البوم
كامل يخصك ..
ضحك عمار
دلال وهي تشوف للصورة : عموري الصورة هادي في سباق
عمار ابتسم : تس ... هدي خدوهلي في عرس محمود
دلال بضحكه : اه قصدك عرض
عمار شبحلها : ايه ياسمحه ياعسل عرض
وعطيني بوسه
ضحكت دلال وباسته هو شدها وطول
.. بعدين طلقها وقعد يغني .. يادلوله عليك
نموت .. يا احلى من طعم التوت
دلال : هههههههههه .. حفظتها
عمار ضحك
دلال رجعت شافت للصورة : لما قلبتها
شفت سينه 94
عمار ابتسم : ايه .. شبحلها .. ايام كنتي
تروني فوجهك بالمكياج والشكلاطه وتلعبي
باللبز وتقولي عمال
دلال : ههههههه .. عليك عار وخلاص
باسها من خدها بقوة بعدين نتشه
دلال : اااااي حارة يامسموم
عمار : ههههههه ... ورجع
ورجع شاف للصورة
تنهد وقال : الله يرحمك يامحمود
دلال قربت باست خده بعدين بعدت وقالت :
هيا عمري العشی واتی ..
عمار : باهي قبلها بنقولك
دلال : قول
عمار : عيد الفاتح مازال عليه نهارين بس
.. واني ضروري نكون فطرابلس
وهالمرة نبيك تكوني قريبه عليا .. لهدا
بنقلك لهلك تقعدي عندهم شن رايك
دلال بزعل : يعني قداش حتقعد بعيد عني
حط يده ع خدها : يوميا ياسمح بنسرق
ساعه ولا اتنين نجيك فيهن
دلال : شويه
عمارضحك بإستغراب : توقعتك تفرحي لما
نقولك بنخليك عند هلك
دلال خشت في حضنه : لالا
عمار بضحكه : قطوسة ... شن هالغلا المعكرش ..
دلال : نحبك هلبه اني ديما مش اليوم بس- -
عمار حس بأنها غريبه شويه بس عجبه
الجو : باهي ياسمح شن نديروا في العشي .
دلال : خليني شويه
عمار : هههههه ..
هي ضحكت بعدين غمضت عيونها وهي مبتسمة في حضنه
💞💗💞💗💞💗💞💗💞💞💞💗💗💗
اخر يوم في شهر اغسطس ... هانيبال
اسم هالشهر عند القذافي .
رفع عمار دلال لحوش اهلها في طرابلس
وهي بدموعها ماتبيشي يمشي ويخليها ..
وهو ماغير يضحك وخلاص
وصا عليها امها وتسقد
نعیمه بضحكه : شكله الوحم بالحب
دلال وهي تمسح دموعها تحشمت هلبهII من امها ضحكت نعیمه
فوحده من الديار
كانت دلال قاعده مع نور اللي كانت راقدة
وحداها خوها مجد راقد .. وهي تشوفله
ودموعها ينزلوا وتذكر فجدها كيف كان في
حضنه امس
امس بس ... كان يهدرز ويبصر ويضحك ومافيه شي
فباله ابدا انه كان يودي فيهم
وداع يليق بيه لاتعبهم ولابهدلهم
سیب الدنيا .. خفيف .. ظريف ..
فاقت من سرحانها ع صوت تليفونها
لما شافت الرقم فتحت الخط طول
دلال ببكي : عمار .
عمار بخوف عليها : روح عمار عظم
الله اجرك .. الله يغفرله ويرحمه ويجعله من اهل الجنه
دلال ببكي : آمین
عمار : حالك باهي ياعمري
دلال : ايه باهي
عمار : وباتك وامك
دلال : يصبروا في رواحهم .. لكن نور قريب هبلت
عمار بأسف : لاحول ولاقوة الا بالله
دلال وهي ترشف : توا شكله حناي
وخوالي جو
عمار : تمام ياعمري .. حتى باتي وامي تو
طلعوا .. اني ياقلبي بعد ساعه .. ساعه
ونص نكون عندكم .
دلال : باهي
عمار : ماتبي شي دلولتي
دلال :سلامتك رد بالك ع روحك
عمار : حتى انتي ياعمري .. وجدك يبي
منكم الدعاء هدا اكثر شي محتاجه
دلال بنبرة باكيه : صح .. الله يرحمه
عمار تنهد وقال : هي ياعمري بالسلامه توI
دلال : مع السلامه .. وصكرت ..
نزلت تليفونها وحطت يدها ع وجهها
وقعدت تبكي
وفاتوا الساعات
بعد روحوا من الجنازة ..
طلب عمار انه يشوف دلال
وقف في تركينه مستخطيه في الجنان- - قعد يراجي
شوية وجت دلال شافاته بالبدله العسكريه
برغم اللي هي فيه قلبها دق بالقوة
وابتسمت ابتسامه خفيفه
هو شافها .. ركز ع ابتسامتها فتح ايديه .
وصلت فيه طول خشت حضنه
وهو حضنها بقوة : عظم الله اجرك ...
باس ع راسها وكمل يقول .. أمر الله
والموت الحق
دلال دموعها نزلوا وشدت فيه اكثر
عمار قعد يمسح ع ظهرها بش يهديها لحظات
ورن تليفونه
قعد حاضنها ورد : ايوه
هانیبال : بنخش نشوف دلال
ابتسم عمار نص ابتسامه وقاله : تعال
وصكر
دلال رشفت وقال : منی ..
عمار :خالك
هزت راسها بإيجاب
حط يده ع خدها وهو يمسح عليه بلطف :
ردي بالك من صحتك
دلال هزت راسها بايجاب
هو باس راسها وقال : خالك بيجينا
ابتسمت ابتسامه خفيفه ووخرت .
وهو قرصلها خدها قرصة خفيفه
ع جية هانيبال اللي تنحنح لما شافهم . حول عمار يده طول وهانيبال قربلهم .
دلال طول مشتله وحضناته وقعدت تبكي
هانیبال : اشش .. هدى حال الدنيا دلوله
.. ادعيله بس توا .
وعمار يشوفلهم وهو خايف هلبه ع دلال
خايف الرعشة والحزن يديرولها شي
بعد سالها هانيبال ع حال امها اختها
... وهدرز عليها شوية هو وراجلها
خشت داخل
وهما رجعوا طلعوا للخيمه
عمار عينه طول جت ع نسيبه
القاه يغمض عيونه بشده ووجهه احمر
طول مشاله وهانيبال لحقه وهو مش فاهم
شافت التليفون .. كان راجلها
اللي كان موجود في مقر القياده يومها
ردت عليه
دلال : هلا عمري .. صح فطورك ..
عمار : سلمك ياعمري .. كليتي كويس
دلال تنهدت بضيق : حاولت
عمارتنهد وقال : شن حال باتك واختك
دلال : حال اللي فاقد غالي .. تنهدت وهي
حاطه يدها ع وجهها ومغمضه عيونها
بكل اليوم كان تقول مات اليوم ..
عمار : اوله رمضان اكيد بيكون صعب
ياقلبي .. بس اهم شي الدعاء الدعاء
ياعمري .. والله الميت محتاج للدعاء
فهاللحظه کیف حاجة العطشان للميه
دلال نزلوا دموعها قالت وهي ترشف : الله
يرحمه ويغفرله ويجعل قبره روضة من
رياض الجنه
عمار : اللهم آمين .. ايوه ياعمري كثروله
من الدعاء في هالأيام المفضله
تنهدت وقالت : انت حبيبي شن دایر
سامحني ياعمري اولنا رمضان وهكي ..
شهقت وقعدت تبكي .
عمار بخوف : دلال .. دلال خيرك يامراة دلولتي ..-
وهي تبكي وخلاص ..
عمار : دلال بالله ماتشغلي قلبي عليك
دلال ... ياعمري
دلال مسحت دموعها وهي ترشف :
سامحني ياقلبي بس الحق تمنيت كل شي يكون غير .
عمار : شن تقولي يابنت الناس بس .. شن
سامحني ماسامحني .. هدا امر الله مقدر
ومكتوب والحمد لله ع كل حال ... ابتسم
وكمل يقول بعدين مازال السنين قدامنا
إن شاء الله .. وقديش رمضان فرمضان
جايين .. تقعدي مشنوقه لرقبتك بين
الكوجينه والعويله مكبشين يجروا وراك ..
وانتي تعيطي " زودلي ياعمااااار .."
دلال قعدت تضحك من بين دموعها
وعمار يضحك معاها
ع خشة عمتها خوله للدار لقتها تضحك
عرفتها تكلم فراجلها
حمقت وقالت : وقته التسهويك الزايد هدا
دلال طول صكرت ع راجلها وشبحت
العمتها بصدمه وقالت : عمتي خيرك
خوله بعياط : شن هو اللي خيرني اهاااا
... قلوبنا موجوعه راهو .. اللي راح غالي-
حشمتني قدامه ياماما كيف تبيني نرد عليه
نعیمه : غير ردي ع الراجل توا مشغول
عليك ماتخليشي هكي ..
دلال ببكي : متحشمه ياماما متحشمه في الدا
- - -حشمتني قدامه ياماما كيف تبيني نرد عليه
في الدار التانيه
نور ترقد في مجد سمعت باب الحوش
البراني يطق
حطت مجد ع السرير .. وطلعت من الدار
في طريقها سمعت نقاش امها ودلال
وتوقعت من اللي يطق ع الباب
طلعت للجنان وهي تقول بصوت مبحوح : منو . مارد حد .
سمعت صوت السيارة تأكدت من توقعها
وقفت ع الباب : منو
عمار يانور .."
فتحت الباب : اهلا عمار
عمار شبحلها كيف رایحه اضايق : كيف حالك يانور
نور : الحمد لله .. خش عمار
خش عمار وقعد واقف في الباب : شن دایرة دلال
نور تنهدت وقال : انحطت معاك في موقف
ومتحشمه منك
عمار : بالله ندهيلي بسرعه
نور : خش
عمار : لالا مافيهاش کیف مستعجل نبي نشوفها شوي وبنعدي .
نور : باهي
الفت ومشت خشت للحوش .
مقعمزين تحت العنبه في حوش بوها
عمار وهو حاضنها : حبي تبي تروحي ..
بعدت وشبحتله : ياريت .. حاسه نفسيتي
تعبت نبيك انت معاي .
عمار ابتسم وقال : خلاص ياعمري يومين
اخرات إن شاء الله ونروحوا .
ابتسمت وبعدت عنه حطت يدها ع خده
وقالت : تعرف ان مافيش منك انت
عمار بضحكه : راهو والله لامكانه ولاوقته
وفي ناس تراجي فيا .. خدي يدها وباسها
.. وبعدين نوضها وهو يقول .. ردي بالك ع
روحك وماتفكري فشي
دلال هزت راسها بإيجاب وهي مبتسمه
خداها فحضنه ...
ومشي بيها دخلها للحوش .. وصا عليها امها
ونعيمه اعتذرت منه ع اللي صار وهو قاللها ماتهتمش وبعدها طول طلع من الحوش
💗💗💗💗💗💗💗💗💗💗💗
27 رمضان
الساعة 6 مساءا
سرت
وهدا طاجين جبن
امینه : تبارك الرحمن .. رز بالخلطه
عصبان طاجين بوريك جبده .. تعبتي
روحك واجد دلوله
دلال بإبتسامه : والله بالعكس ماحسيتش
بالتعب بكل بكل .
كامله : توا عدي قعمزي مانعرفك تقيمي قشه من وطا . ضحكت دلال
خدت امینه دلال من يدها وطلعت بیها برا
والزوز يضحكوا وصلوا للصاله
كانت هندا مقعمزة هي واصاله وسليمه يهدرزوا
اصاله انتبهت معاهم : شن جابت دلوله
امینه : كل خير ياحنه اصبري لعند الفطور
سليمه : جعت يا كبدي
ضحكوا كلهم ماعدا هند اللي كانت تشوف دلال بنظراتها الحاقده المعهودة
💗💗💗💗💗💗💗💗💗💗💗💗💗💗
سرت- -
شن رايك حبيبي
عمار وهو ياكل في الصنوبرة : امممم
حاجه صح .. كان نعرف ياسمحه الحاجات
هدي امتى تعلمتي اديريهن
ابتسمت وقالت : هدا من واني في
الصف السادس كنت نحب نقعمز حدا ماما
لما دير الحلويات .. زي المقروض اول
حاجه تعلمتها .. ضحكت وقالت .. ياما
كليت ع راسي من ماما تقولي بري العبي
.. واني نسكر في راسي نتعلم يعني نتعلم
عمار وهو يتأمل فيها : ليش انتي سمحه هکی؟ |
دلال بضحكه : ربي هكي يبي
عمار : سبحانه .. ناض وخداها من يدها .. تعالي هي ..
دلال : عماري مازال ماكملتش ره ..
حضنها وقامها بدون مايتكلم
وهي میته من الضحك
💗💗💗💗💗💗
في حوش الحاج حمد ..
كانوا الكل موجودين .. بناته الكناين 
والأقارب ماعدا دلال
اللي من بعد اخر موقف كرهت المشي الطرابلس مرة وحده
وكانت مكتفيه بيه هو عن كل حد اللي کانت
يوم من الايام تشوف فيه ظالم
سرق حياتها وخداها من اهلها ومن احبابها
ولا هو اهلها .. وكل احبابها .. ولا حياتها كلها
🤍سرت
كانت لابسه قفطان اخضر مغربي
قاصه شعرها ولا واصل لكتافها
ممكيجه ومتأنقه وموليه عسل
كانت ادور بالبخاره في حوش اهل راجلها
كانت تشوفلها عزوزتها
اتحبها هلبه وتخاف عليها ... وفرحانه بيها الين خلاص تشوف فيها كنه كامله مكمله   كامله : خلاص بنتي تعالي قعمزي
دلال : حاضر عمتي .. حطت البخاره ع الطاوله
انفتح الباب وخش عمار شافها ابتسم
بعدين شبح لأمه : الحاج مختار الناس
اللي تعيد عليه واجده وكلهم شدهم للغدا I.
كامله بإبتسامه : عارفين ياباتي كله واتي
مش اول عید هدی
ناضت ومشت للكوجينه
دلال شبحتله : عليك احراج اديرلي فيه و
رد عمار الباب وجاها
هي توخر وتقول : عمار عیب راهو
هو يقدم ويقول : عيب ع اللي يدير العيب
دلال : بلاش احراج عمار بالله
عمار مبتسم بعشق ويقدم وهو ساكت
وهي توخر وتقول : عمار .
كانت وراها درجه .. رجلها زلقت
لكن هو فيسع ماشدها وحاوطها
كانوا قراب هلبه ع بعض
وعيونهم تتغزل في بعض
عمار .
و عارف انك ساحرني -
وان غرامك نار ومذوبني ..
عارفه ولا مش عارفه
دلال : عارفه
زاد قربها ليه وهي كعادتها مستسلمه وريحة عطره أسرتها • في نفس اللحضة انفتح الباب .. اللي خلاه عمار مردود
وخشت هندا
شافتها دلال فنصت وبعدت عمار
هو طول تلفت شافها .. تبدلت ملامح وجهه
للحده .. وطلق دلال ووخر
دلال كانت محرجه هلبه وهي تحط في
شعرها ورا وذنها وعيونها لوطا
ابتسمت هندا برفعة حاجب وقدمت لعمار :
كل عام وانت بخير
مدت يدها عطاها يدها .. كبت عليها
بعدين رفعت راسها وكبت ع راسه
بعدين سلمت عليه بالخد دلال مفنصه وتحرق .
هو وخر وطلق يدها ... وفات من حداها متوجه للباب
مشتله دلال تجري : حبيبي
عمار رفع حواجبه وتلفت
دلال قربت ولفتله طرف العمامه ع كتفه التاني ..
هو فهمها لكن قعد محافظ ع ملامحه الحاده ..
هندا : ماشاء الله عليك زي عادتك ..
دلال شقلبت عيونها
عمار شبح لهندا بعدين شبح لدلال بربعI
شد ضحكته وقال : احمحممم ... دلال عدي لأمي ..
شبحتله شويه بعدين قالت : باهي
مشت بالسيف .. وهندا تشوفلها فتح الباب بيطلع
هندا : بعدين ارفع معاك الولاد طلعهم
استاحشوك واجد
هز راسه بإيجاب ولف وطلع طول وسكر
الباب وراه ..
تبدلت ابتسامة هندا .. لملامح حقد
حقد كل ماله يدفعها ادير شي عواقبه
حتكون وخيمه بس ع مني ... الله أعلم
❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥
طلعت من الحوش وصكرت الباب وراها
مشت للسيارة وهو صكر الباب بالمفتاح
Iولحقها
ركبت السيارة .. وبعدين هو ركب
عمار : ها ياعمري مانسيتي شي
دلال بإبتسامه : لالا مانسيت شي
البس نظاراته وهو مبتسم وشغل السيارة وتحرك
طلعوا من حوشهم وخطم فطريقه ع حوش اهله
كانوا مختار ومرته فسيارة .. وامينه وولدها مؤنس فسيارة وتسقدوا كلهم
في الطريق
ليش بطا مرسالك عني .
ليش بطا مرسالك عني .
ماترحمني .. لاتظلمني من عطفك
لاماتحرمني
ليش بطا
تشوفله كيف يغني معاه ..
وين يقول ليش بطا
يشبحلها ويدير في
حرکه بيده "بمعني ليش'' وهي تضحك  شويه وقالتله
دلال : احمم .. عماري ترا سكره شويه
عمار بإستغراب : ليش
دلال بإبتسامه : عندي شي نبي نقولهولك
ابتسم .. وصكر المسجل وقال : نسمع
خدت نفس وتنحنحت ... وقالت
انت حبيب القلب وانت الغالي
وانت عيوني ومنيتي وامال
هو ابتسامته توسعت وقلبه زاد تقوت
نبضاته
انت الوحيد حبيبي .. وانت غلاي وانت
اللي صاحیبی
وانت اللي نبغي تكون نصيبي .. وانت
اللي كيفك مالقيت والي
تنهد ومازال محافظ ع ابتسامته الحلوة
ضحكت وكملت
و وانت لجرحي ياعزيز طبيبي .. وانت
اللي عيني عليك تشالی
انت هوا الأنفاس .. وانت غلاك مالقيتله
مقیاس
وانت اللي حبك سكن في الراس .. وانت
ذهب صافي وسومه غالي .. II
- -
وانت اللي مافيش كيفك ناس .. وانت
حبيبي وفيك كل اقوالي ..
وانت غلاك معاي شي ماصار
انت حبيب القلب وانت الغالي
وانت عيوني ومنيتي وامالي
دلال : هاه شن رايك
عمار : ههههههههههه
قرنت حواجبها وقالت : ماتقولش
ماعجبكش .. انت انسجمت معاه وقريب دخت
عمار میت بالضحك
دلال : خلاص باهي فهمت .. شبحت
القدام ورفعت حاجبها تكنطت منه رسمي
هوشبحلها شويه .. بعدين وقف السيارة ع تركينه
خطم من حداه بوه ووقف كلمه من الروشن
: عمار ..
عمار بصوت عالي : كمل ياحاج كمل
مختار ابتسم .. بعدين كمل طريقه ..
خطم بعده مؤنس دار کلاكس وكمل ..
دلال شيحتله : علاش وقفت
عمار : نرضوك ياسمح .
دلال : لا ماترضنيش ..قولي شن رايك في الأبيات .
ضحك
دلال بنرفزة : باهي خلاص شغل السيارة
وهيا .
قعد يضحك
وهي تشبح للروشن وملامح العصبيه ع وجهها
عمار ابتسم وقال : كبدايه .. كويس
شبحتله وقالت : وكويسه هلبه مش شويه
عمار ضحك وقال : باهي ياودي واجد
وهلبه .. ابتسم وقال .. المهم انه مكتوب
لیا اني ..
هي ارتسمت ع وجهها ابتسامه خجوله
وقالت : اكيد
خدي يدها وباسها من داخل بعمق وهي تشوفله
رن تليفونه
بعد وهو يضحك قال : عطلتينا
ضحكت دلال
هو طلق يدها وشغل السيارة وتحركوا
دلال بإبتسامه مع رفعة حاجب : نستنی فردك
عمار بضحكه : تم
يتبببببععع❤️‍🔥