رمضان كريم في بيت العائله
١٤
اللهم انك عفو كريم تحب العفو فاعفو عنا
عليا في المستشفي مع حمزه ويونس واعمامها
حور في البيت مع مامتها وخالتها
اما يمني واقفه منتظره الشاب اللي بيهددها بالصور وعمر واقف بعيد بيراقب اللي بيحصل
قرب شاب : اهلا . جيتي في الميعاد زي ما قولتلك
يمني : انت مين وجبت الصور دي منين
الشاب. : اسمي جابر يا قمر. أما بقي جبت صورك منين دي السر .
يمني. : انا عايزه الصور اللي معاك
جاببر : من عيني . بس ليا طلب صغير .. هتيجي معايا علي الشقه
يمني لسه هنتكلم كان عمر واقف قدمها : انت اللي هتيجي معايا علي الشقه
جابر : مين ده . انا مش قولتلك تيجي لوحدك
عمر : انا جوزها يا روح امك ..وحسابك معايا
جابر: مراتك هي اللي بعتت الصور انا مليش دعوه
عمر ضربه في وشه وقع علي الارض
يمني : خلاص يا عمر هيموت في ايدك
عمر : خليه يموت وله يروح في داهيه. انت يا حيوان مش عارف بتهدد مين دي مراتي
يمني. : يا عمر . خلاص هيموت والله
يمني خافت واتصلت علي يونس تقوله يلحق عمر لانه كان بيضرب في جابر بغباء . بس موبيله كان مقفول لسه
عمر خده في العربيه : اركبي ويلا
يمني : هتاخده فين
عمر : هقولك بعدين .. اركبي وانجزي
ركبت يمني مع عمر وصلها البيت واتصلت بحمزه تقوله
كان موبيله مع يونس رد عليه
وحكت يمني اللي حصل ليونس ..وقالها أنه عارف عمر هيكون فين
اضطر يسيب عليا مع حمزه واعمامه وراح يلحق عمر قبل ما يعمل جريمه
وصل ومسك عمر بعده عن جابر اللي كان مش قادر يتحرك
يونس : خلاص كفايه. هو هيتكلم بالذوق ويقول مين اللي قاله يعمل كده . والا هاخده علي القسم وهناك هيعترف غصب عنه
جابر : هتكلم يا باشا. والله هتكلم . اللي بعتتلي الصوره واحده قالتلي أن البت شمال
عمر هجم عليه بس يونس لحقه : مين دي اللي شمال يا كلب
جابر : والله يا باشا هي اللي. قالتلي.
يونس : اسمها ايه بقي البت دي
جابر. : مياده يا باشا
عمر : مياده مين . فين رقمها وله سكنه فين
