رمضان كريم في بيت العايله
الرابعه
سبحان الله وبحمده
يونس : انتم مش هتبطلو زن. قولتلكم بعد الصلاه
يمني : بعد الصلاه وله قبل الصلاه . هات بقي الهدايا خليك جدع
حمزه : يونس جبتلي ايه
يونس بص لحمزه اللي حاضن ازازه مايه في ايده وبيشرب منها
يونس : واجبلك ليه
حمزه : علشان انا اصغر منك ..
يونس : انت بتعمل ايه
حمزه : بشرب مايه علشان معطش
عمر : ليه بتعامل نفسك علي اساس انك جمل . يابني
حمزه : بعطش . انت مش فاهم ازاي
ام حمزه : اول يوم انت بتقضيه نوم ومش بتصحي غير علي اذان المغرب
حمزه : علشان اول يوم ده بيكون اصعب يوم .. لازم اتعود مكولش
ام حمزه : يارب يا حمزه ربنا يهديك
حمزه : شايفاني مجنون وبصوت وبتخانق مع نفسي
عمر : انت بتعمل كل الحاجات دي
.حمزه سكت شويه : بس مش مجنون
يونس : بسس . تعالو تحت اجبلكم الهدايا
نزل البنات والشباب
يونس خرج لكل واحده شنطه مكتوب عليها اسمها
يمني فتحت شنطتها كان فيها إسدال ومصليه وسبحه وعروسه شكل طمطم
يمني حضنت اخوها : ربنا يخليك ليا يا يونس
عليا وحور فتحو شنطتهم وكان فيها نفس الهدايا بس لون مختلف
يونس : كل واحد يتوضأ وينزل يصلي في الجامع
عليا : هننزل نصلي معاكم
عمر : لا. احنا اتفقنا في الفجر هتصلو فوق مع بعض كلكم وهتكون صلاه جماعه برضو
حور : صح. هروح اتوضا
...
اذان الفجر اذن والشباب والرجاله راحو علي المسجد
والبنات والامهات طلعو فوق السطوح وفرشو المصليات جنب بعض
وصلي الجميع مع بعض
وبعدها كل واحد طلع اوضته ينام
صاحية الصبح البنات مع الأمهات يجهزو الفطار
وكل واحده بتعمل حاجه في البيت
عمر واقف في الشارع مع يونس
عمر : انت انهارده اجازه من الشغل
يونس : اه اجازه انهارده ، انا مكنتش خدت الإجازات وحوشتها لرمضان
عمر : احسن. الواد بليه راح يجيب التمر وهنعمله ونوزعه
يونس : والواد حمزه لسه نائم
