أريد مرادي من الله كون احصلنه، وعلي لسابع سماء الجكليت لوصلنه هاخويه شنو صار بسالفت الفلوس
والله ياخوي مايرظه يطيهن دزيت مشايات ودزيت هواي عالم بس هوه مايحمد ربه على الايد الي انمدت اله كال شغلة شهر وايرجعهن بس صار سنه ونص وهاي شوفت عينك لهاذا يومك اتحمل واتحمل والله كريم ونعم با الله انته شيخ والكل تحمد بيك والله وانته صابر بس هوه مايستاهل اتهون يخوي تهون انشاء الله والنعم بالله يلا اني اروحن اشوفن البساتين عندي جراد بي
الله ايسهل يله اودعناك راح للبستان واشرف عل شغل جان اكو ناس تجمع الزرع والي تجمع الفاكه
والي تقلع الزرع الضار والي ماله فايده وناس تحمل الزرع بل سيارات بنفس القريه اكو بيت جبير بي ابنيه عمره بل 20 سنه تركض وره الغنمات تخاف ياكلن زرعه الطاطه والخيار والبانيه وتصيح اي ادري ابوي شي سوي بيجن مامنجن فايده بس تاكلن
واتوصخن وريحه تكتل وخرن وخرن لا تاكلن زرعي
وج يمه تعالي اجت الأم وهيه تضحك عله بته لئن تخاف من الخرفان راحت وخرتهن عن الزرع وأجت عليها كالت شمالج يمه اتخافين منهن هنه اربع خرفان يمه كولي اوحوش مو خرفان اوووف ياربي ليش ما تذبحوهن وتاكلوهن
كالت امه والله اذا تاكلين نذبحن ماتاكلين مانذبحهن
كالت ايعع حشه نعمت الله مااحطهن بحلكي اشلون
يطيكم كلبكم اتذبحوهن وتاكلوهن لو اموت مااسويه
ظحكت امها وكالت تعالي انسوي الغده ابوج واخوانج يجون جوعانين
كالت ماشي يمه امشينه دخلت وساعدت امها بل غده كملت راحت سبحت ومددت بغرفته جان بيتهم جبير بس قديم ومرتبي صح همه عله كد الحال بس جان لبسهم مرتب وبيتهم هم
صار الظهر اجه ابوه اخوته الاربعه كامت هيه وامه اتصب اكل ومدت السفره بل كاع وحطت الئكل عل سفره وجمعو اخوته لئن جانو ايغسلون وبدو ياكلون وايسولفون وايضحكون وامها حجت عله موقفه ويه الخرفان كال واحد من اخوته اسمه ابو الاكبر
ابو الاكبر؟ شبيج خليهم ياكلون حته الحيوانات ماسلمت منج
كالت بابا شوفه شلون يحجي عليه يعني اني ازرع واتعب وخرفان حظرتكم تاكلهن
كال ابوه والك ابو الاكبر جوز عنه وانتي عقلج ويه الخرفان لاحول الله اكلي بابا اكلي كملو اكلكم بهدو
وبعده كامت واخذت الماعين تغسل بيهن وامها تصب چاي واخذته كملت صعدت تاخذ غفه مال الظهر هيه وكل اهله اينامون الظهر
نروح يم الشيخ
بعد ماشفت الشغل كله تمام ومناقص شي رحت اخذت مسواك ورحت للبيت طبيت لكيت امي كاعده هيه واخواتي اثنين بست راسها وكتله يمه جبت كل الي تحتاجي واريد غده كلش جوعان وتعبان
كالت الله ايساعدك وايكويك
دقايق يمه والغده يكمل يله بنات للمطبخ كامن البنات واخذن الغراض وياهن للمطبخ وبدن ايكملن الغده وهوه صعد لغرفته سبح وبدل وبده ايكلب بل جهاز وينتظر الغده يكمل وره نص ساعه صاحو ونزل اتغدو ومر اليوم طبيعي عد الثنين وبل يوم الثاني عنده اطلابه لازم ايحله وايحل سالفة افلوسه
طلع للفصل وكمل الموظوع عله خير توصلو لموضوع يرضي الطرفين وكمل كلشي عله خير والحمد الله
وبعده توجهت لناس طيبه ومعروفه حتى ادزهم
عله سالفة افلوسي طبعاً اني اكبر منهم واحسن مو غرور بس حقيقه المهم رحت عليهم كعدنه وضيفوني
كتلهم جايكم بشغله كال جبيرهم كول شيخنه روحنه فداك؟ سالمه روحك بس تعرف هاذه الي قبل سنه ونص اجه وطلب مني فلوس؟ اي اعرف؟هوه كالي شغلة شهر وافلوسك عدك ولهاذه يومك مارد شي منهم
كال شكد اطلبه شيخ
والله اطلبه 12 شده
