ယန်ရန်က စိတ်သက်သာရာရစွာ သက်ပြင်းချမိသည်။ သူ့အိုင်ဒေါက နားလည်တယ် ဆိုတော့ တော်သေးတာပေါ့။ ကျေးဇူးပြုပြီး သူ့ကို နံစော်နေတဲ့ ကိုယ်တုံးလုံး နှာဘူးကောင်လို့တောင် မထင်လိုက်ပါနဲ့
သူတို့နှစ်ယောက်လုံးက ယောကျာ်းလေး ဖြစ်နေရင်တောင် တစ်ဖက်လူရဲ့ အခန်းထဲမှာ ကိုယ်လုံး တီးဖြစ်နေတာက တော်တော်လေးကို ထူးဆန်းပြီး မသက်မသာ အခြေအနေပဲ။ ထူးဆန်းတဲ့ အကြောင်းအရင်းတစ်ချို့ကြောင့် ယိုရန်နဲ့ မျက်နှာခြင်းဆိုင်ရတိုင်း အနေခက်မှုက အဆအများကြီး ထိုးတက်လာသလို ခံစားရတယ်။
အခု ယိုရန်က ဖြစ်သွားတဲ့ အခြေအနေကို နားလည်သွားပြီဆိုတော့ (သူနားမလည်သေးပါဘူး) ယန်ရန်က အမြန်ထရပ်လိုက်သည်။ သူအိမ်ပြန်ပြီး အဝတ်အစား လဲမှဖြစ်မည်လေ။
ဒါပေမဲ့လည်း မနေ့ညက ကြွက်သားထိခိုက်မှု ရှိထားပြီး အခုလေးတင် နိုးလာတာဖြစ်သောကြောင့် သတိမထားမိလိုက်ပေ။ သူခြေလှမ်း လှမ်းလိုက်သည့် ခဏမှာပင် ကြေကွဲစရာလေး ဖြစ်သွားရသည်။ ပြင်းထန်သည့် နာကျင်မှုတစ်ခုက သူ့ခြေသလုံးကို ထိုးတက်လာခဲ့သည်လေ။ သတိမထားမိလိုက်တာကြောင့် ယန်ရန်မှာ ကျယ်လောင်လှသည့် ဘန်းဆိုတဲ့ အသံနဲ့အတူ ဒူးတစ်ဖက် ထောက်ကျသွားရသည်။
ယိုရန်: "..."
ငါမနေ့ညက တကယ်ပဲ သားရဲတစ်ကောင် ဖြစ်ခဲ့တာပဲ!
ယန်ရန်: "..."
သေပါတော့ ငါ့ကိုယ်ငါ အိုင်ဒေါရှေ့မှာ အရှက်ခွဲမိပြန်ပြီ!
ယိုရန်က အိပ်ယာပေါ်က အလျင်အမြန် ထလိုက်သည်။ ဇာတ်လမ်းတစ်ခုလုံး ဘယ်လိုဖြစ်သွားခဲ့လဲဆိုတာ အရေးမကြီးဘူး။ ဒါက သူ့အမှားပဲ။
ယန်ရန်ရဲ့ မျက်နှာက နိုင်သလောက်ကို နီရဲတွတ်နေသည်။ ကြမ်းပြင်ပေါ်သို့ ယိုရန်၏ ခြေထောက်များ မချရသေးခင်မှာပဲ ယန်ရန်က ထရပ်ပြီးနေလေပြီ။
"ရပါတယ်" သူက သူ့လက်ကို အကြိမ်ကြိမ်အဖန်ဖန် ခါယမ်းပြရင်း တိုက်ခန်းထဲကနေ ထော့နဲ့ထော့နဲ့ နှင့် ထွက်သွားတော့လေသည်။
အိပ်ယာပေါ်မှာ ထိုင်နေရင်းဖြင့်ပင် ယိုရန်က မလှုပ်မရှားနိုင်လောက်အောင် ထိတ်လန့်နေမိသည်။
YOU ARE READING
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
Chapter《176》
Start from the beginning
