The CEO's Temporary Bride

Chapter 21- A Needed Distraction

"Noong isang linggo, sayang nga eh dahil kung nandito ka sana, possibleng si Dianne ang mananalo. Kaso, nasa out of town ka raw nang tawagan ka namin," saad ni Rain.

"Eh nagpaalam naman ako na wala ako noong weekend na 'yun. Sana hindi itinuloy ang botohan dahil kulang ang mga cheerleaders," reklamo ni Tamara.

"Technically, the voting is valid dahil nakaabot sa quorum ang bilang ng mga cheerleaders na present," malungkot na saad ni Rain.

"Paano na 'to? Ayaw pa naman ni Charina sa akin," saad ni Tamara.

"Hindi ka naman niya matatanggal dahil nadeclare ka nang official member ng squad bago umalis si Shaye. Pero ihanda mo na lang ang iyong sarili dahil paniguradong ilalagay ka niya sa likuran tuwing may mga presentations tayo," saad ni Rain.

Bumuntong hininga si Tamara dahil alam niyang magiging kawawa siya ngayon na si Charina na ang cheer captain ng squad pero napakunot ang noo niya sa dinagdag na sinabi ni Rain, "May unang anunsyo ang cheer captain. Basahin mo sa group chat," may halong inis na saad ni Rain habang may binabasa sa kanyang cellphone.

"H-huh?" saad niya saka agad na kinuha ang kanyang cellphone sa kanyang bag.

Agad niyang nakita ang mensahe ni Charina sa groupchat: "All squad members must have a date during the university ball. Kung sinuman ang walang date ay hindi makakasali sa UAAP Cheerdance Competition."

"Seriously?" mahinang bulong ni Tamara pero narinig ito ni Rain at ni Dianne na kararating lang.

"Ano ang kinalaman ng pagkakaroon ng date sa University Ball sa pagiging parte ng cheerdance team?" dagdag ni Tamara.

"Everything!" narinig niyang sumabat si Charina na ngayon ay nakatayo na sa kanyang likuran kaya hinarap niya ito.

"Having no date during the University ball means you are not that desirable," paliwanag ni Charina. She was raising her right brow while saying it pero napalitan ito ng matamis na ngiti nang sabihin niyang, "don't tell me, wala kang date kaya hindi mo nagustohan ang ginawa kong basehan sa pagpili kung sino sa squad members ang makakasama naming magtanghal sa UAAP Cheerdance competition."

Taas noong sumagot si Tamara, "may date ako sa University Ball."

"Really?" nakangiti pa rin si Charina pero halata sa kanyang tinig na hindi siya makapaniwala sa sinabi ni Tamara.

"Really," lakas-loob na saad ni Tamara.

"I hope it is not just random guys in the university," malumanay pero halatang pang-iinis na saad ni Charina.

"Don't worry, Cap," saad ni Tamara, "hindi mapapahiya ang squad dahil sa date ko."

"That's good!" malimit na saad ni Charina, "but till then, consider your spot in the competition as uncertain."

Hindi na nakasagot si Tamara dahil agad na pumihit si Charina upang maglakad papalayo sa kanila.

"Bakit ba kumukulo ang dugo ni Charina sa akin?" tanong ni Tamara.

"Sa lahat naman siya ganyan, maliban lang sa kanyang mga alipores," sagot ni Rain sa kanya.

"Pakiramdam ko kasi na sinasadya niyang gawing batayan ang pagkakaroon ng date sa University ball dahil inisip niya na wala akong makaka-date," reklamo ni Tamara.

"Ba't mo naman naisip na ikaw ang pinupunterya ni Charina?" si Dianne naman ang nagtanong.

"Siyempre, sa ating lahat, ako ang matagal-tagal na nawala sa university dahil sa OJT ko. Habang busy ako sa OJT, sinasamantala naman ni Charina ang pag-oorganisa ng mga pagtitipon na hindi ako iniimbitahan," paliwanag ni Tamara.