ဘာတွေဖြစ်ပျက်ခဲ့သလဲဆိုတာ အခုချက်ချင်း သူသိချင်တယ်။ ရင်းဆုယဲ့နဲ့ စာရင်းရှင်းရမယ့်ကိစ္စပဲ။ ဘာကိစ္စပဲရှိရှိ ရင်းဆုယဲ့ဆီက ဖြေရှင်းချက်ကို နားထောင်ရမှဖြစ်မယ်..!
ထိုကိစ္စအပေါ် အရမ်းအလေးအနက်ထားကြောင်း ပေါ်လွင်စေရန်အလို့ငှာ ရွှယ်ယို့ရှန်းက ရှေ့တစ်လှမ်းတိုးပြီး ရင်းဆုယဲ့ရဲ့ အင်္ကျီလည်ပင်းကို ဆုပ်ကိုင်လိုက်ကာ အားဖြင့်ဆောင့်ဆွဲလိုက်တယ်။ ရင်းဆုယဲ့ကို ခေါင်းငုံ့စေပြီး သူ့ကို အာရုံစိုက်စေလိုက်တယ်။
ရွှယ်ယို့ရှန်းရဲ့ ခန္ဓာကိုယ်ထဲက ချိပ်စည်းတစ်ခု ပျက်ပြယ်သွားတာကြောင့် ချစ်စဖွယ်ကောင်ငယ်လေးအဖြစ်ကနေ ချောမောခန့်ညားတဲ့ လူငယ်လေးအဖြစ် ပြောင်းလဲသွားပေမယ့်လည်း သူ့ရဲ့အရပ်က ရင်းဆုယဲ့နဲ့ယှဉ်ရင် အတော်လေး ပုနေတုန်းပဲ။ နှစ်ယောက်သား အတူယှဉ်ရပ်တိုင်း ရွှယ်ယို့ရှန်းက ရင်းဆုယဲ့ကို မော့ကြည့်နေရတယ်။
ထို့ကြောင့် ရွှယ်ယို့ရှန်းက သူ့ရဲ့သန်မာသောစရိုက်ကို ဖော်ပြနိုင်ဖို့အတွက် အခုလို လွှမ်းမိုးချုပ်ကိုင်နိုင်တဲ့ပုံစံမျိုး လုပ်လိုက်တာ ဖြစ်တယ်။
“ဘယ်လို ဆွေးနွေးချင်တာလဲ..?”
ရင်းဆုယဲ့က ရွှယ်ယို့ရှန်းရဲ့ လှုပ်ရှားမှုအတိုင်း နာနာခံခံနဲ့ ခန္ဓာကိုယ်ကို ကွေးညွတ်ကာ အရပ်ညီအောင် ညှိပေးလိုက်တယ်။
“သခင်.. ကျွန်တော်တို့ အရင်ပြန်နှင့်ရမလား..?”
ရွှယ်ယို့ရှန်း ပြန်မဖြေခင် မြေခွေးက မျက်နှာပိုးသပ်ပြီး ရှေ့တက်လာတယ်။ တစ်ချိန်တည်းမှာပဲ မြေခွေးမျက်နှာဖုံးကို သေချာ ချိန်ညှိလိုက်သေးတယ်။ မျက်နှာဖုံးက သူ့ရဲ့မျက်နှာအမူအရာကို ဖုံးကွယ်ပေးထားကြောင်း သေချာသွားတော့မှ ကျန်သက်တော်စောင့်တွေကိုယ်စား အရင်ပြန်ခွင့်ပြုရန် ခွင့်တောင်းလိုက်တယ်။
သူတို့ရဲ့တည်ရှိမှုကို သေးငယ်နိုင်သမျှသေးငယ်အောင် အသည်းအသန် ကြိုးစားနေကြရရှာတဲ့ လျှို့ဝှက်သက်တော်စောင့်တွေခမျာ မြေခွေးရဲ့စကားကို ကြားတာနဲ့ ကပျာကယာ ခေါင်းညိတ်ပြီး ထောက်ခံကြတော့တယ်။
CITEȘTI
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantezieဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...