Devil Venerable Also Wants To Know(mm tran)

အပိုင်း၅။ အကြံကောင်းပါပဲ အရှင်

"ကောင်းပြီလေ ရှင်နတ်ဘုရားမဖြစ်ခင်အထိ ကျွန်မကြယ်တွေကိုမကြည့်တော့ဘူး။"

နောက်ဆုံးမှာ ဝမ်ရန်အယ်သည်နတ်ဘုရား
အဆင့်သို့မတက်‌ရောက်နိုင်ဘဲသေဆုံး
သွားခဲ့သည်။သို့ပေမဲ့ ပိုင်လီချင်းမြောင်ကိုပေးခဲ့သည့်သူ့ကတိကိုတော့တည်ခဲ့သည်။
ဝမ်ရန်အယ်ကူညီပေးခြင်းကြောင့်သာ
ပိုင်လီချင်းမြောင်ဟာသူ၏နတ်ဘုရားစွမ်းအင်များကိုပြန်လည်ရရှိခဲ့ခြင်းဖြစ်သည်။နတ်ဘုရားစွမ်းအင်‌များနှင့် သူ
ပြန်လည်ပေါင်းစည်းသွားသောအခါ
ကောင်းကင်ဟာတုန်လှုပ်သွားပြီး
ကြယ်များ၏တည်နေရာ ပြောင်းလဲသွား၍ နဂါးငွေ့တန်းခြားနားနေသည့် နွားကျောင်းသားကြယ်နှင့် ရက်ကန်းသမကြယ်တို့သည် တစ်ခုဘေးသို့တစ်ခု
ရောက်ရှိ‌သွားတော့သည်။ကြယ်များကိုနေရာပြောင်းလဲစေနိုင်သည့် ထိုစွမ်းအားများ၏ ပြင်းအားသည် တိုက်ကြီးတစ်ခုလုံးအား ပင်လယ်အဖြစ်သို့ ပြောင်းလဲသွားစေသည်။

ဤသည်မှာရှေးနတ်ဘုရားတစ်ပါး၏
စွမ်းအင်ပင်။ကပ်ဘေးနတ်ဘုရားမ သူ၏စွမ်းအင်များကိုပြန်လည်ရရှိသွားသည်နှင့် ကမ္ဘာတစ်ခုလုံးသို့ပျက်စီးခြင်းများဆိုက်ရောက်တော့သည်။

ပိုင်လီချင်းမြောင်သတိပြန်ကပ်သွားသည့်အခါ၌ တိုက်ကြီးတစ်ခုလုံးကိုသူဖျက်စီး
ပစ်မိ ကြောင်းသိလိုက်ရပြီး သူ့ဂိုဏ်းတူအစ်ကို၏ပြောစကားများနှင့် ယခင်ဘဝကအဆင့်တက်နတ်ဘုရားတစ်ပါး ပြောဆို
ခဲ့သောစကားများကို ပြန်လည်
ကြားယောင်လာတော့သည်။
သူကြယ်များ၏တည်နေရာကို နှောင့်ယှက်ကာပြောင်းလဲပစ်တတ်သောနတ်ဘုရားတစ်ပါးမဖြစ်ချင်ပေ။ထို့ကြောင့်သူ၏
နတ်ဘုရားဘဝကိုစွန့်လွှတ်လိုက်တော့သည်။

နွားကျောင်းသားနှင့် ရက်ကန်းသမကြယ်တို့သည် ၎င်းတို့၏ယခင်နေရာများကို
ပြန်မရောက်နိုင်တော့ပေ။သို့ပေမဲ့
နောက်ဆုံးမှာဇာတ်လမ်းတစ်ပုဒ်၏
ဇာတ်လိုက်နှစ်ဦးကဲ့သို့
တူတူရှိခွင့်ရသွားကြသည်။

ထိုဇာတ်ကြောင်းကိုတွေ့ပြီး စာဖတ်သူများဟာ ဝမ်ရန်အယ်၏သေဆုံးသွားတာတောင်မှ ဇာတ်လိုက်မင်းသမီးအပေါ်ထားသော
အချစ်အကြောင်းကို "ထိုယောကျာ်းသာတစ်ယောက်ယောက်ကိုအလိုလိုက်ချင်
လျှင် သူသေရမည်ဆိုလျှင်တောင်မှ
သူချစ်ရသည့်သူကို ဘာဒုက္ခမှမကြုံစေဘဲ အနားမှာအဆုံးသတ်ထိကာကွယ်ပေးမည့်လူမျိုးဖြစ်သည်"ဟုရူးသွပ်စွာ
ဆွေးနွေးကြသည်။