တကယ်တမ်း သူတို့ကသာ ဂျောင်ကုကို ပျက်စီးအောင် လုပ်နေကြတာ..!
"သခင်လေးရယ် ~"
"ရင်ဘက်ထဲက အရမ်းနာတယ် ~ နာလွန်းလို့ ဆက်ပြီး တောင့်မခံနိုင်တော့ဘူး ~"
"ဒေါ်ကြီးရှိတယ်နော် ~ ဘယ်သူမှ ပြန်မပြောမှာမို့ ငိုချင်ငိုချလိုက် ~ ပြိုလဲပစ်လိုက် ~ ဒါပေမယ့် အချိန်တန်ရင်တော့ အားအင်အပြည့်နဲ့ မတ်မတ်ပြန်ရပ်ရမယ် ~"
မိဘမေတ္တာငတ်မွတ်နေတဲ့အပြင် အပြောချိုချိုလေးနဲ့ သိမ်းသွင့်ပြီး မထင်ရက်တဲ့လုပ်ရက်ကို ကျူးလွန်ခဲ့တဲ့မိခင်ကြောင့် သခင်းလေးက သိပ်သနားစရာကောင်းသည်။သန်မာချင်ယောင် ဆောင်လို့ နူးညံ့တဲ့အသွင်ကို ဖုံးကွယ်ထားပေမယ့် သူမ ဆိုရင်တော့ အသွင်စစ်ကိုပြတတ်
သည်။အသားကျနေတဲ့အထီးကျန်ဆန်မှုတွေကို အန်တုလာခဲ့တာ နုနယ်တဲ့နှလုံးသားလေးက ကြာတော့ တောင့်မခံနိုင်ဘူးထင်ပါရဲ့ ငိုသန်ပါလေးဖြင့် ခပ်အက်အက်ဆိုလာသည်။
အခုချိန် သခင်လေးလိုအပ်နေတာ အားပေးနှစ်သိမ့်မှုတစ်ခု၊ အဲ့ဒါထက် ငိုလို့ရမယ့် ရင်ခွင်ကျယ်တစ်ခုဆိုတာ သူမ သိနေသည်။ ထိုင်ခုံတွင် ခေါင်းငိုက်စိုက်ထိုင်ရင်း သူ့ရင်ဘက်ကို လက်ညှိုး
ထိုးကာ ပြောနေသော သခင်လေးအနားသွားကာ ရင်ခွင်ထဲထည့်လိုက်သည်။ခေါင်းလုံးလုံးလေးကို ခပ်ဖွဖွပွတ်သပ်လို့ ရင်ဖွင့်ချဖို့ဆိုတော့ မကြာပါ ကိုယ်ငယ်လေးက တစ်သိမ့်သိမ့်တုန်ရင်း သူမ ရင်ခွင်ထဲတွင် ရှိုက်ကြီးတစ်ငင် ငိုကြွေးလာသည်။"အင့် ! အီးဟီး..! ဘာလို့ လုပ်ရက်ရတာလဲ ဟင့် ! ပြောတော့ ကျွန်တော်နဲ့ ဒယ်ဒီကို အချစ်ဆုံးဆို ! အခုတော့ ! "
"အဆင်ပြေသွားမှာပါ ~ သခင်လေးက သန်မာတဲ့ကောင်လေးဆိုတာ ဒေါ်ကြီး ယုံတယ် ~"
"သူမ ကို ကျွန်တော် မုန်း တယ် ! "
ဟုတ်တယ် သူမ ကိုသိပ်မုန်းသည်။သူ့ကို ဂရုမစိုက်တဲ့ဒယ်ဒီထက် သူ့ကို သိပ်ချစ်ပါတယ်ဆိုပြီး လုပ်ချင်တိုင်းလုပ်သွားတဲ့ မာမီဆိုတဲ့ အမျိုးသမီးကို ပိုမုန်းသည်။
ဒေါ်ကြီးရင်ခွင်ထဲမှာ ငိုလို့ဝတော့ အသာရုန်းထွက်ကာ မျက်ရည်စတွေကို ခပ်ကြမ်းကြမ်းဖိသုတ်ပစ်သည်။ချက်ချင်းဆိုသလို စောနနဲ့မတူစွာ
နုနယ်လွန်းတဲ့ကောင်လေးက မေ့မရတဲ့ မြင်ကွင်းအချို့ကြောင့် မျက်သားတို့နီတက်လာပြီး အံကို ခပ်တင်းတင်းကြိတ်ပစ်သည်။
YOU ARE READING
Love = Love ( Taekook ) ( Completed )
RomanceUnicode & Zawgyi Top - Taehyung Bottom - Jungkook Start date - 20. 4.2022 End date - 16. 5.2023 #Nectarine #I don't own photos that contain in this fic.
Ep : 3
Start from the beginning